完整藏文原文 · 德格版页 当前仅加载第 11 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ངས་བྱིན་ཏེ། ཚོང་ཁང་གཅིག་པུ་ལས་མ་ལུས་པས་ཅུང་ཟད་ཀྱང་སྦྱིན་དུ་མེད་དོ། །དེས་སྨྲས་པ། སྦྱིན་བདག་གླང་པོ་ཆེའི་སྣ་ལྟར་འཕང་བསྟོད་དེ་ཁྱོད་ཀྱི་དྲུང་དུ་འོངས་ན་ཇི་ལྟར་རེ་ཐག་ཆད་དེ་འགྲོ། དེས་སྨྲས་པ། འཕགས་མ་ཚོང་ཁང་གཅིག་པུ་ལས་
D6.011.0185a01.01མ་ལུས་སོ་ཞེས་མ་སྨྲས་སམ། གལ་ཏེ་དེ་བཞེད་ན་ཁྱིམ་དེ་སྣོམས་ཤིག །དེས་སྨྲས་པ་ཁྱིམ་བདག་དེ་བཞིན་དུ་བླང་བར་བྱའོ། །ནད་མེད་པར་གྱུར་ཅིག་ཅེས་སྨྲས་ནས་བྱུང་སྟེ་སོང་ངོ་། །ཇི་ཙམ་དུས་གཞན་ཞིག་ན་ཁྱིམ་བདག་དེ་དུས་ལས་འདས་ཏེ། དེའི་ཉེ་དུ་རྣམས་ཀྱིས་
D6.011.0185a02.01རས་སྔོན་པོ་དང་། སེར་པོ་དང་། དམར་པོ་དང་། དཀར་པོ་དག་གིས་ཀྱང་ཁྱོགས་བརྒྱན་ཏེ་དུར་ཁྲོད་དུ་ཁྱེར་རོ། །སྦོམ་དགའ་མོས་ཁྱིམ་བདག་དེ་ཇི་ལྟར་དུས་ལས་འདས་པ་ཐོས་ནས་དེ་རིངས་པ་རིངས་པར་སོང་སྟེ། དེས་དེའི་ཚོང་ཁང་གི་སྒོ་བཅད་དེ་རྒྱས་བཏབ་ནས། དེ་ནས་
D6.011.0185a03.01ཕྱོགས་གཅིག་ཏུ་སོང་སྟེ་འདུག་གོ། །ཇི་ཙམ་ན་དེ་དག་གིས་བསྲེགས་ཏེ་སླར་ལོག་ནས་གྲོགས་པོ་དང་མཛའ་བཤེས་དང་ཉེ་དུ་དག་ལྷན་ཅིག་མྱ་ངན་སངས་ནས་ཅུང་ཟད་ཅིག་འདུག་པ་དང་། སྐྱེས་བུ་གཞན་ཞིག་ཚོང་འདུས་སུ་འགྲོ་བར་བྱས་ཏེ་དེ་ཁྱིམ་དུ་ཕྱིན་ནས། དེས་དེ་དག་
D6.011.0185a04.01ལ་ཚོང་ཁང་ནི་སྦོམ་དགའ་མོས་རྒྱས་བཏབ་པོ་ཞེས་སྨྲས་པ་དང་། དེ་དག་གིས་ཐོས་ནས་རིངས་པ་རིངས་པར་སོང་སྟེ་སྨྲས་པ། ཚོང་ཁང་འདི་སུས་རྒྱས་བཏབ། སྦོམ་དགའ་མོས་སྨྲས་པ། གང་ལ་བྱིན་པ་དེས་རྒྱས་བཏབ་བོ། །དེ་དག་གིས་སྨྲས་པ། སུ་ལ་བྱིན། དེས་
D6.011.0185a05.01སྨྲས་པ། སྦོམ་དགའ་མོ་བདག་ལའོ། །དེ་དག་གིས་སྨྲས་པ། འཕགས་མ་གལ་ཏེ་དེ་ལྟ་ན་འོན་ཀྱང་གླ་དབུལ་གྱིས་བདག་ཅག་གི་ཟོང་དགྲམ་མོ། །དེས་སྨྲས་པ། སྦྱིན་ནམ། སྦྱིན་ནོ་ཞེས་དེ་དག་གིས་རྒྱ་བཅག་སྟེ། དེར་དེ་བཀྲམ་མོ། །དེ་དག་ཏུ་བྲམ་ཟེ་དང་ཁྱིམ་བདག་
D6.011.0185a06.01དག་ཉེ་བར་ལྷགས་ཏེ་འདུག་ནས་དགེ་སྦྱོང་ཤཱཀྱའི་བུའི་དགེ་སློང་རྣམས་ནི་ཚིག་པའོ། །ཚངས་པར་སྤྱོད་པ་ཚིག་པ་སྟེ། གང་གི་ཕྱིར་ད་ལྟར་ཚོང་ཁང་གླར་གཏོང་ཞིང་ལེན་ཏོ་ཞེས་དེ་དག་འཕྱ་བར་བྱེད་སྨོད་པར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་དག་གིས་
D6.011.0185a07.01