完整藏文原文 · 德格版页 当前仅加载第 11 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་བྱུང་བ་དང་པོ་ཡིན་ནོ། །སེར་སྐྱའི་བུ་གཞན་ཡང་གང་ཆོས་དེ་གུས་པ་དང་བཅས་པས་ཉན་ཅིང་བླ་མར་བྱེད། དམ་པར་བྱེད། ཡིད་ལ་བྱེད་ཅིང་སེམས་རྩེ་གཅིག་ཏུ་བྱས་ཏེ་རྣ་བ་བླགས་ནས་སེམས་ཐམས་ཅད་བསྡུས་ཏེ་ཉན་པར་
D6.011.0244b01.01བྱེད་པ་འདི་ནི་སེར་སྐྱའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན་ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་བྱུང་བ་གཉིས་པ་ཡིན་ནོ། །སེར་སྐྱའི་བུ་གཞན་ཡང་ཆོས་དེ་གང་དག་གིས་ཐོས་ནས་དགའ་བ་དང་། མགུ་བ་དང་། ངེས་
D6.011.0244b02.01པར་འབྱུང་བ་དང་ལྡན་པའི་དགེ་བ་རྒྱ་ཆེན་པོ་ཐོས་པ་འདི་ནི་སེར་སྐྱའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན་ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་བྱུང་བ་གསུམ་པ་ཡིན་ནོ། །སེར་སྐྱའི་བུ་གཞན་ཡང་གང་དག་གིས་
D6.011.0244b03.01ཆོས་དེ་ཐོས་ནས་དེ་ལྟ་དེ་ལྟར་སྒྲུབ་པར་བྱེད་པ་ནི་སེར་སྐྱའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན་ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་བྱུང་བ་བཞི་པ་ཡིན་ནོ། །སེར་སྐྱའི་བུ་གཞན་ཡང་གང་དག་གིས་ཆོས་དེ་ཐོས་
D6.011.0244b04.01ནས་དོན་ཟབ་མོའི་གཞི་སོ་སོར་རྟོགས་པར་བྱེད་པ་ནི་སེར་སྐྱའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན་ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་བྱུང་བ་ལྔ་པ་ཡིན་ནོ། །སེར་སྐྱའི་བུ་སྐྱེས་བུ་དམ་པ་དག་ནི་བྱས་པ་གཟོ་
D6.011.0244b05.01བ་དང་བྱས་པ་ཚོར་བ་ཅན་ཡིན་ཏེ། གང་གིས་ཅུང་ཟད་ཙམ་བྱས་པ་ཡང་ཆུད་གཟོན་པར་མི་བྱེད་ན་མང་པོ་ལྟ་སྨོས་ཀྱང་ཅི་དགོས། སེར་སྐྱའི་བུ་དེ་ལྟ་བས་ན་འདི་ལྟར་བྱས་པ་གཟོ་བ་དང་བྱས་པ་ཚོར་བ་ཅན་དུ་བསླབ་པར་བྱ་སྟེ། ཅུང་ཟད་ཙམ་བྱས་པ་ཡང་ཆུད་གཟོན་པར་མི་བྱ་
D6.011.0244b06.01ན་མང་པོ་ལྟ་སྨོས་ཀྱང་ཅི་དགོས་ཏེ། སེར་སྐྱའི་བུ་ཁྱོད་ཀྱིས་དེ་ལྟར་བསླབ་པར་བྱའོ། །དེ་ནས་བྲམ་ཟེའི་ཁྱེའུ་སེར་སྐྱའི་བུ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དེ་རྗེས་སུ་ཡི་རངས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་
D6.011.0244b07.01