完整藏文原文 · 德格版页 当前仅加载第 11 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
ཟེར་ཞིང་ཁྱིམ་དུ་འགྲོ་བར་མི་བྱའི་འོན་ཀྱང་སྒྲ་གཞན་བྱའོ། །བཅོམ་ལྡན་འདས་ཀྱིས་སྒྲ་གཞན་བྱའོ་ཞེས་གསུངས་པ་དང་། དེ་དག་འགྲོ་བའི་ཚེ་སྒོ་འཕར་ལ་བརྡུངས་པ་དང་། ནང་མི་དག་གིས་སྨྲས་པ། འཕགས་པ་ཇི་སྟེ་སྒོ་འཕར་ལ་རྡེག །
D6.011.0189a01.01དེ་དག་གིས་སྨྲས་པ་སྒྲ་བྱེད་དོ། །ཅི་ཁྱེད་ཅག་གིས་སྒོ་འཕར་བཅག་གམ་ཞེས་པ་དང་། དེ་དག་སྤོབས་པ་མེད་དེ་ཅང་མི་སྨྲ་བར་འདུག་པ་དང་། དེའི་སྐབས་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།
D6.011.0189a02.01སྒོ་འཕར་ལ་བརྡེག་པར་མི་བྱའོ། འོན་ཀྱང་དབྱུག་པས་སྒྲ་དབྱུང་བར་བྱའོ། །དགེ་སློང་དག་གིས་སྒྲ་དབྱུང་བའི་དབྱུག་པ་དེ་ཅི་འདྲ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། འཁར་གསིལ་བཅང་བར་བྱ་སྟེ། དེས་སྒྲ་བྱས་ནས་འཇུག་པར་བྱའོ། །བཅོམ་ལྡན་
D6.011.0189a03.01འདས་ཀྱིས་འཁར་གསིལ་གྱིས་སྒྲ་བྱས་ཏེ་འཇུག་པར་བྱའོ་ཞེས་གསུངས་ནས་དགེ་སློང་དག་གིས་འཁར་གསིལ་གྱིས་སྒྲ་བྱས་ནས་སོང་བ་དང་། དེ་དག་ལ་ཁྱི་དག་གིས་གནོད་པ་བྱས་པ་དང་། ཁ་ཅིག་གིས་མ་བརྟགས་པར་འཁར་གསིལ་མང་དུ་བརྡེགས་པ་དང་། བཅོམ་ལྡན་འདས་
D6.011.0189a04.01ཀྱིས་བཀའ་སྩལ་པ། དེ་ལ་འཁར་གསིལ་གྱིས་བརྡེག་པར་མི་བྱ་མོད་ཀྱི་བསྡིགས་པར་ནི་བྱའོ། །ཁྱི་ཁ་ཅིག་ལ་བསྡིགས་པ་དང་སླར་ཤིན་ཏུ་ཟ་བར་གྱུར་ཏེ། བཅོམ་ལྡན་འདས་ཀྱིས་བཀའ་སྩལ་པ། དེ་ལ་བསོད་སྙོམས་ལས་ཁམ་གཅིག་ཙམ་སྦྱིན་པར་བྱའོ། །མ་དད་པ་
D6.011.0189a05.01གཞན་ཞིག་གི་ཁྱིམ་དུ་དེ་དག་སོང་ནས་དགེ་སློང་དག་གིས་འཁར་གསིལ་དཀྲོལ་བ་དང་མི་དགའ་བར་གྱུར་ཏོ། །སུས་ཀྱང་མ་དྲིས་སོ། །བཅོམ་ལྡན་འདས་ཀྱིས་བཀའ་སྩལ་པ། ཡང་དང་ཡང་དུ་དཀྲོལ་བར་མི་བྱ་སྟེ། འོན་ཀྱང་ལན་གཉིས་སམ་གསུམ་དཀྲོལ་བར་བྱའོ། །
D6.011.0189a06.01གླེང་གཞི་ནི་མཉན་ཡོད་ནའོ། །མཉན་ཡོད་ན་ཁྱིམ་བདག་གཞན་ཞིག་འདུག་པ་དེའི་ཁྱིམ་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་ལ་སྤྱན་དྲངས་པ་དང་དགེ་སློང་གི་དགེ་འདུན་ནི་དོང་ངོ་། །བཅོམ་ལྡན་འདས་ནི་རྫས་ཀྱིས་བསྒྲུབས་པ་ན་བཞུགས་ཤིང་
D6.011.0189a07.01