完整藏文原文 · 德格版页 当前仅加载第 11 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
ངས་བཙུན་མོ་ལ་དམ་པ་སྦྱིན་པའི་སྐབས་ཕྱེ་བ་དང་། དེས་ཀྱང་བུ་ཞིག་མཆིས་པར་གྱུར་ན་རྒྱལ་ཚབ་ཏུ་སྩལ་བར་གསོལ་ཞེས་གསོལ་བ་བཏབ་ནས། དེའི་ཕྱིར་ང་སེམས་ཁོང་དུ་ཆུད་པར་གྱུར་ཏོ། །དེ་ནས་བློན་པོ་རྣམས་ཀྱིས་སྨྲས་པ། ལྷ་འདིར་ཡང་མ་བས་ཏེ། ཉི་འོག་གི་རྒྱལ་པོ་
D6.011.0055b01.01གང་ལས་བདག་ཅག་གིས་འདི་བསླང་བ་དེ་ལས་ཀྱང་དམ་འདི་ལྟ་བུ་བཅས་པས་སྩལ་མོད་ཀྱི། ལྷ་འོན་ཀྱང་མཆིས་པར་འགྱུར་རམ། མ་མཆིས་པར་འགྱུར་རམ། ཁྱེའུའམ་བུ་མོར་འགྱུར་བ་ད་དུང་སུས་འཚལ་རེ་ཞིག་དེ་ལ་མཆོག་སྩོལ་ཅིག །དེ་ནས་རྒྱལ་པོས་ཀྱང་དེ་བཞིན་
D6.011.0055b02.01དུ་བྱའོ་ཞེས་བསྒོའོ། །དེ་ནས་གཞན་ཞིག་ན་བཙུན་མོ་སེམས་ཅན་དང་ལྡན་པར་གྱུར་ནས་ཟླ་བ་དགུ་ཚང་བ་དང་། གཞོན་ནུ་གཟུགས་བཟང་བ། མཛེས་པ། བལྟ་ན་སྡུག་པ་ཞིག་བཙས་ཏེ། དེའི་བཙས་སྟོན་རྒྱ་ཆེར་བྱས་ནས་གཞོན་ནུ་འདིའི་མིང་ཅིར་གདགས་ཞེས་
D6.011.0055b03.01མིང་འདོགས་པར་བྱེད་དོ། །དེ་ནས་རྒྱལ་པོ་སྐྱེད་པས་བསམས་པ། གང་གི་ཕྱིར་འདི་མ་བཙས་པ་ནས་རྒྱལ་སྲིད་མངོན་པར་འདོད་ཅིང་མངོན་པར་དགའ་བས་ན་དེའི་ཕྱིར་གཞོན་ནུ་འདིའི་མིང་རྒྱལ་སྲིད་ལ་མངོན་པར་དགའ་བ་ཞེས་བྱ་བར་བཏགས་སོ། །དེ་མ་མ་བརྒྱད་པོ་
D6.011.0055b04.01རྣམས་ལ་གཏད་ནས་དེ་དག་གིས་ཀྱང་དྲིལ་བ་དང་། ཕྱི་བ་དང་། བཀྲུ་བ་དང་། འོ་མ་དང་། སྦྲང་རྩི་དང་། མར་དཀར་རྣམས་ཀྱིས་བསྐྱེད་ནས་གང་གི་ཚེ་ཆེན་པོར་གྱུར་ཀྱང་རྒྱལ་ཚབ་ཏུ་མ་བཅུག་གོ། །དེ་ནས་དེའི་མ་མེས་ཉི་འོག་གི་རྒྱལ་པོས་ལུས་འཕགས་ཀྱི་རྒྱལ་
D6.011.0055b05.01པོ་སྐྱེད་པ་ལ་ཕོ་ཉ་བཏང་སྟེ། ཇི་སྟེ་བདག་གི་ཚ་བོ་རྒྱལ་སྲིད་ལ་མངོན་པར་དགའ་བ་རྒྱལ་ཚབ་ཏུ་མ་བཅུག་ན་བདག་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ་ཁྱོད་ཀྱི་གན་དུ་འོང་ངོ་ཞེས་སྤྲིང་བ་དང་། དེས་ཕོ་ཉའི་ཚིག་ཐོས་ནས་འཇིགས་སྐྲག་ནས་ཡིད་མི་བདེ་ཞིང་འདུག་
D6.011.0055b06.01གོ། །དེ་ནས་བློན་པོ་རྣམས་ཀྱིས་རྒྱལ་པོ་སྐྱེད་པ་སྐྲག་ཅིང་མི་དགའ་བར་རིག་ནས་སྨྲས་པ། ལྷ་ཅིའི་སླད་དུ་འདི་ལྟར་མི་དགྱེས་པར་མཛད། སྐྱེད་པས་སྨྲས་པ། ཉི་འོག་གི་རྒྱལ་པོ་དེས་ཚ་བོའི་ཕྱིར་ཕོ་ཉ་བཏང་ནས་ཕོ་ཉ་དེ་འདི་སྐད་ཅེས་ཅི་སྟེ་ངའི་ཚ་བོ་རྒྱལ་ཚབ་ཏུ་མི་གཞུག་ན་ང་
D6.011.0055b07.01