完整藏文原文 · 德格版页 当前仅加载第 11 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་གནས་པ་དེ་ཡང་ཕྱུག་ཅིང་ནོར་མང་ལ་ལོངས་སྤྱོད་ཆེ་ལ་ཡངས་ཤིང་རྒྱ་ཆེ་བ་ནི་ངལ་བསོ་པོའི་ནོར་དང་འདྲ་བ་ངལ་བསོ་པོའི་ནོར་ལ་སྡོ་བ་ཞིག་འདུག་སྟེ། དེས་ཀྱང་རིགས་དང་མཉམ་པ་ལས་ཆུང་མ་བླངས་ནས་དེ་དང་ལྷན་ཅིག་རྩེ་དགའ་ཡོངས་སུ་སྤྱོད་དོ། །དེ་དག་
D6.011.0161a01.01གཅིག་ལ་གཅིག་ཕྱུག་པས་འགྲན་ཏེ། གཅིག་ན་རེ་ཁྱོད་པས་ནི་ལོངས་སྤྱོད་ཀྱི་རྒྱུ་བདག་གི་ཁྱད་ཞུགས་སོ། །གཅིག་ན་རེ་ཁྱོད་པས་ལོངས་སྤྱོད་ཀྱི་རྒྱུ་བདག་གི་ཁྱད་ཞུགས་སོ་ཞེས་སྨྲའོ། །དེ་གཉིས་ཕན་ཚུན་མཛའ་བར་གྱུར་ཏེ། གཅིག་གིས་ཀྱང་དུས་དུས་
D6.011.0161a02.01སུ་སྐྱེས་བསྐུར། གཅིག་གིས་ཀྱང་དེ་བཞིན་སླར་བསྐུར་ནས་དེ་གཉིས་ཕན་ཚུན་མཛའ་བར་གྱུར་ཏོ། ཇི་ཙམ་དུས་ཕྱི་ཞིག་ན་མཉན་དུ་ཡོད་པ་ན་གནས་པའི་སྐྱེ་བོ་མང་པོ་དག་ཅུང་ཟད་བྱ་བ་ཞིག་ཡོད་དེ། དེ་དག་ཐམས་ཅད་སྐྱེད་མོས་ཚལ་དུ་དོང་སྟེ་འདུས་ནས་དེར་གྲོང་ཁྱེར་
D6.011.0161a03.01གྱི་དོན་རྣམས་བསྒྲུབས་ནས་དོང་ངོ་། །ཁྱིམ་བདག་བྱིན་པ་དང་། {རི་དགས་,རི་དྭགས་}སྒྲ་ཞེས་བྱ་བ་གཉིས་དེ་ན་གཅིག་ལ་གཅིག་མཛའ་བའི་གཏམ་འཛེར་ཅིང་འཁོད་དོ། །ཁྱིམ་བདག་བྱིན་པས་མཛའ་བོ་གྲོགས་པོ་བདག་ཅག་གཉིས་དུས་ལས་འདས་ཀྱང་ཕྱི་ནས་བུ་དང་། ཚ་བོ་དང་
D6.011.0161a04.01ཡང་ཚ་དང་། སུམ་ཚ་དག་གི་བར་དུ་མཛའ་བའི་རྒྱུན་མི་གཅད་པར་བྱ་ན། དེ་ལ་ཐབས་ཇི་ལྟ་བུ་ཞིག་བྱ་ཞེས་དྲིས་པ་དང་། {རི་དགས་,རི་དྭགས་}སྒྲས་སྨྲས་པ། གྲོགས་པོ་ལེགས་ཏེ་བདག་ཀྱང་དེ་ལྟ་བུར་སེམས་ན་ཚུར་ཤོག །མ་བཙས་པར་གཉེན་སྔར་བྱ་སྟེ། བདག་ལ་བུ་ཕོ་
D6.011.0161a05.01ཞིག་སྐྱེས། ཁྱོད་ལ་བུ་མོ་ཞིག་བྱུང་ན་ཁྱོད་ཀྱིས་བདག་གི་བུ་ལ་བྱིན་ཅིག་དེ་སྟེ་ཁྱོད་ལ་ནི་བུ་ཕོ་ཞིག་བྱུང་། བདག་ལ་ནི་བུ་མོ་ཞིག་བྱུང་ན་བདག་གིས་ཁྱོད་ཀྱི་བུ་ལ་སྦྱིན་ནོ། །དེས་གྲོགས་པོ་ལེགས་ཀྱིས་དེ་ལྟ་བུར་བྱའོ་ཞེས་སྨྲས་སོ། །དེ་དག་གཅིག་ལ་གཅིག་མ་བཙས་
D6.011.0161a06.01པར་གཉེན་བྱས་ཏེ་དོང་ངོ་། །དེ་ནས་དུས་ཕྱི་ཞིག་ན་ཁྱིམ་བདག་བྱིན་པའི་ཆུང་མ་སེམས་ཅན་དང་ལྡན་པར་གྱུར་ཏེ། ཟླ་བ་བརྒྱད་དམ་དགུ་འདས་པ་ན། བུ་མོ་ཞིག་བཙས་ཏེ། དབྱིབས་ལེགས་ཤིང་བལྟ་ན་སྡུག་པ། བཟང་མོ་ཡན་ལག་དང་ཉིང་ལག་ཏུ་ལྡན་པ་ཞིག་སྟེ་
D6.011.0161a07.01