完整藏文原文 · 德格版页 当前仅加载第 11 函德格 161b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་རྟག་ཏུ་ངུའོ། །དེ་ནས་ཁྱིམ་བདག་བྱིན་པའི་ཁྱིམ་དུ་དགེ་སློང་དག་འོངས་ཏེ་ཆོས་བཤད་པ་དང་། དེའི་ཚེ་རྣ་བ་བྱོ་སྟེ་ཉན་ཏོ། །དེ་ཉི་མ་བདུན་གསུམ་ཉི་ཤུ་རྩ་གཅིག་ཏུ་རྒྱ་ཆེར་བཙས་པའི་བཙས་སྟོན་ཆེན་པོ་བྱས་ནས་དེའི་མིང་འདོགས་པ་ལ་ཞུགས་ཏེ། བུ་མོ་འདིའི་མིང་
D6.011.0161b01.01ཅིར་གདགས་ཞེས་བགྲོས་པ་དང་། གཉེན་རྣམས་ཀྱིས་བུ་མོ་འདི་རྟག་ཏུ་ཆོས་འདོད་པ་ཆོས་ལ་རྣ་བ་བྱོ་སྟེ་ཉན་ལ་ཁྱིམ་བདག་བྱིན་པའི་བུ་མོ་ཡིན་པས་ན་དེའི་ཕྱིར་བུ་མོ་དེའི་མིང་ཆོས་སྦྱིན་ཞེས་གདགས་སོ། །བུ་མོ་ཆོས་སྦྱིན་མ་མ་མ་བརྒྱད་ལ་གཏད་དེ། གཉིས་ནི་སྣུན་པའི་
D6.011.0161b02.01མ་མའོ། །གཉིས་ནི་འཚོ་བའི་མ་མའོ། །གཉིས་ནི་དྲི་མ་འཕྱི་བའི་མ་མའོ། །གཉིས་ནི་རྩེ་བའི་མ་མའོ། །མ་མ་དེ་བརྒྱད་ཀྱིས་གསོས་བསྐྱེད་དེ་འོ་མ་དང་། ཞོ་དང་། མར་སར་དང་། མར་དང་། གཞན་ཡང་དེས་ཤིང་དེས་པའི་ཡོ་བྱད་ཀྱི་ཁྱད་པར་གྱིས་མྱུར་དུ་བསྐྱེད་པ་ནི་རྫིང་
D6.011.0161b03.01ན་གནས་པའི་འདམ་ལས་སྐྱེས་པ་བཞིན་ནོ། །དེ་ནས་ཁྱིམ་བདག་{རི་དགས་,རི་དྭགས་}སྒྲ་ཞེས་བྱ་བ་ཁྱིམ་བདག་བྱིན་པའི་བུ་མོ་བཙས་པར་དེས་ཐོས་པ་དང་། དེས་གྲོགས་པོའི་བུ་མོ་བཙས་ན་དེ་ལ་གོས་དང་རྒྱན་དག་བདག་གིས་བསྐུར་རོ་སྙམ་བསམས་ཏེ། །བདག་གི་མནའ་མ་ཡིན་
D6.011.0161b04.01པར་ཡིད་ལ་ཡོད་པས་དེས་དེ་ལ་གོས་དང་རྒྱན་དག་བསྐུར་ནས་མཛའ་བོ་གྲོགས་པོ་ཁྱོད་ལ་བུ་མོ་ཞིག་བྱུང་བར་ཐོས་ནས་བདག་རབ་ཏུ་དགའ་སྟེ། མཛའ་བོའི་བུ་མོའི་གོས་དང་རྒྱན་བསྐུར་བ་འདི་ཡིན་གྱིས་བླང་བའི་རིགས་སོ་ཞེས་སྤྲིང་བ་དང་། དེས་དེ་བླངས་ནས་སླར་
D6.011.0161b05.01ལན་སྤྲིང་བ། མཛའ་བོ་དེ་ལྟར་བྱས་པ་ལེགས་ཀྱིས་གཉེན་ཡང་བྱས་ཁྱོད་ལས་བུ་ཕོ་ཞིག་བྱུང་ན་དེ་ལ་སྦྱིན་ནོ། །ཁྱིམ་བདག་{རི་དགས་,རི་དྭགས་}སྒྲས་དེའི་ལན་ཐོས་པ་དང་། དེ་བུ་འདོད་པར་སེམས་བཞིན་དུ་དེས་ཆུང་མ་ལ་རྩེ་དགའ་ཡོངས་སུ་སྤྱོད་དོ། །རྩེ་དགའ་ཡོངས་སུ་སྤྱད་པ་
D6.011.0161b06.01ལས་ཕྱི་ཞིག་ན་དེའི་ཆུང་མ་མངལ་སེམས་ཅན་དང་ལྡན་པར་གྱུར་ནས། །དེ་ཟླ་བ་བརྒྱད་དམ་དགུ་འདས་པ་དང་བུ་ཕོ་ཞིག་བཙས་སོ། །དེ་བཙས་ནས་དེ་ལ་ཡང་ཞག་བདུན་གསུམ་ཉི་ཤུ་རྩ་གཅིག་གི་བར་དུ་རྒྱ་ཆེར་བཙས་པའི་བཙས་སྟོན་ཆེན་པོ་བྱས་ཏེ། ཁྱེའུ་འདི་མིང་ཅི་ཞིག་ཏུ་
D6.011.0161b07.01