完整藏文原文 · 德格版页 当前仅加载第 11 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་དོང་བ་དང་། ཁྱིམ་བདག་དེ་ཆོས་ཉན་པར་འདོད་དེ་བལྟས་པ་དང་། དགེ་སློང་དག་གཅིག་ཀྱང་མེད་དེ་དེ་འཕྱ་བར་གྱུར་པ་དེའི་སྐབས་དགེ་སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་
D6.011.0191b01.01ཁྱིམ་བདག་དེ་འཕྱ་བའི་གཞིར་གྱུར་གྱིས། དེ་ལྟ་བས་ན་དགེ་སློང་གིས་ཟན་ཟོས་ནས་དེ་བཞིན་དུ་འགྲོ་བར་མི་བྱ་སྟེ། སྦྱིན་བདག་ཆོས་འདོད་པ་ལ་བཤད་པར་བྱའོ། །མ་བཤད་པར་སོང་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་སྦྱིན་བདག་
D6.011.0191b02.01ཆོས་འདོད་པ་ལ་བཤད་པར་བྱའོ་ཞེས་གསུངས་པ་དང་། དགེ་སློང་དག་གིས་གང་གིས་བཤད་པ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་གནས་བརྟན་གྱིས་བཤད་པར་བྱའོ། །གལ་ཏེ་དེས་མི་ནུས་པར་གྱུར་ན་གནས་བརྟན་གཉིས་
D6.011.0191b03.01པས་སོ། །དེས་ཀྱང་མ་ནུས་ན་དགེ་སློང་དག་རིམ་བཞིན་དུ་བསྐོར་བར་བྱའོ། །ཡང་ན་གཞན་ནུས་པ་ཡོད་ན་དེ་ལ་གསོལ་བ་གདབ་པར་བྱའོ། །གླེང་གཞི་ནི་མཉན་ཡོད་ནའོ། །མཉན་ཡོད་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་གནས་
D6.011.0191b04.01པ་དེ་ཡང་དད་པ་ཅན་བསམ་པ་བཟང་ཞིང་དགེ་བ་ཞིག་སྟེ་དུས་དུས་སུ་རྒྱལ་བྱེད་ཀྱི་ཚལ་དུ་སོང་སྟེ་སངས་རྒྱས་ཀྱི་གསུང་ཉན་ཏོ། །དེས་དུས་གཞན་ཞིག་ན་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་དུ་གདུགས་ཚོད་ལ་སྤྱན་དྲངས་པ་དང་དགེ་སློང་གི་དགེ་འདུན་ནི་དོང་
D6.011.0191b05.01ངོ་། །བཅོམ་ལྡན་འདས་ནི་རྫས་ཀྱིས་བསྒྲུབས་པ་ན་བཞུགས་ཤིང་བསོད་སྙོམས་ཀྱང་ལེན་ཏེ་རྒྱུ་རྣམ་པ་ལྔས་ཞེས་བྱ་བ་ནས་འདིའི་སྐབས་སུ་སངས་རྒྱས་བཅོམ་ལྡན་འདས་རྫས་ཀྱིས་བསྒྲུབས་པ་ན་བཞུགས་ཤིང་བསོད་སྙོམས་ཀྱང་ལེན་ཏོ་ཞེས་བྱ་བ་གོང་མ་བཞིན་ནོ། །བཅོམ་ལྡན་
D6.011.0191b06.01འདས་ཀྱིས་གལ་ཏེ་སྦྱིན་བདག་ཆོས་ཉན་པར་འདོད་ན་དེ་ལ་བསྐོས་པའི་དགེ་སློང་གིས་ཆོས་བཤད་པར་བྱའོ་ཞེས་གསུངས་པ་དང་། དགེ་སློང་དག་གིས་དགེ་སློང་བསྐོས་པ་གཅིག་པུ་བཞག་སྟེ། དོང་བ་དང་ཁྱིམ་བདག་དེའི་མཛའ་བོ་དང་། ཉེ་དུ་དང་། གཉེན་འདབ་
D6.011.0191b07.01