完整藏文原文 · 德格版页 当前仅加载第 11 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བྱ་བར་བརྩམས་ནས། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་ཀུན་དགའ་བོ་འདི་བཅོམ་ལྡན་འདས་ཀྱི་ཞལ་ཏ་བ། བཅོམ་ལྡན་འདས་ཀྱི་ཉེ་བ་ན་འདུག་ཅིང་། དེ་ལ་བཅོམ་ལྡན་འདས་ཀྱིས་ཀྱང་མདོ་སྡེ་མཐའ་དག་གཏད་དེ། དེ་ལྟ་བས་ན་ཚེ་དང་ལྡན་པ་ཀུན་དགའ་བོ་
D6.011.0304b01.01དགེ་འདུན་གྱི་ཆུའི་ཞལ་ཏ་བར་བསྐོ་སྟེ། ཚེ་དང་ལྡན་པ་ཀུན་དགའ་བོ་ཆུའི་ཞལ་ཏ་བར་བསྐོ་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང་། དགེ་སློང་ཀུན་དགའ་བོ་ཆུའི་ཞལ་ལྟ་བ་ཆུ་འབྲིམ་པར་བསྐོ་སྟེ། དགེ་སློང་ཀུན་དགའ་བོ་ཆུའི་ཞལ་ཏ་བ་
D6.011.0304b02.01ཆུ་འབྲིམ་པར་འགྱུར་རོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་ཀུན་དགའ་བོ་ནི་བཅོམ་ལྡན་འདས་ཀྱི་ཞལ་ཏ་བ། བཅོམ་ལྡན་འདས་ཀྱི་ཉེ་བ་ན་འདུག་ཅིང་། དེ་ལ་བཅོམ་ལྡན་འདས་ཀྱིས་མདོ་སྡེ་མཐའ་དགེ་གཏད་དེ།
D6.011.0304b03.01དེ་ལྟ་བས་ན་ཚེ་དང་ལྡན་པ་ཀུན་དགའ་བོ་དགེ་འདུན་གྱིས་དགེ་འདུན་ལ་ཆུ་འབྲིམ་པར་བསྐོ་སྟེ། ཚེ་དང་ལྡན་པ་ཀུན་དགའ་བོ་དགེ་འདུན་ལ་ཆུ་འབྲིམ་ན། ཚེ་དང་ལྡན་པ་ཀུན་དགའ་བོ་དགེ་འདུན་ལ་ཆུ་འབྲིམ་པར་བསྐོ་ཞིང་། ཚེ་དང་ལྡན་པ་ཀུན་དགའ་བོ་དགེ་འདུན་ལ་ཆུ་འབྲིམ་པར་ཚེ་དང་
D6.011.0304b04.01ལྡན་པ་གང་དག་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས། ཚེ་དང་ལྡན་པ་ཀུན་དགའ་བོ་དགེ་འདུན་ལ་ཆུ་འབྲིམ་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ།། །།
D6.011.0304b05.01འདུལ་བ་ཕྲན་ཚེགས་ཀྱི་གཞི། བམ་པོ་ལྔ་བཅུ་རྩ་བདུན་པ། དེ་ནས་ཚེ་དང་ལྡན་པ་འོད་སྲུང་ཆེན་པོས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཀུན་དགའ་བོ་ཁྱོད་ཚུར་ཤོག །དགེ་སློང་གི་དགེ་འདུན་དང་ལྷན་ཅིག་ཅི་དགའ་བར་ལྗོངས་རྒྱུས་ལ་རྒྱལ་པོའི་ཁབ་ཏུ་སོང་ཤིག །
D6.011.0304b06.01ང་ནི་ལམ་དྲང་པོ་ནས་འགྲོའོ། །བཙུན་པ་དེ་བཞིན་བགྱིའོ་ཞེས་ཚེ་དང་ལྡན་པ་ཀུན་དགའ་བོ་དགེ་སློང་གི་དགེ་འདུན་དང་ཅི་དགའ་བར་ལྗོངས་རྒྱུ་ཞིང་སོང་ངོ་། །ཚེ་དང་ལྡན་པ་འོད་སྲུང་ཆེན་པོ་ཡང་སྔ་མ་བཞིན་ལམ་དྲང་པོ་ནས་རྒྱལ་པོའི་ཁབ་ཏུ་སོང་ངོ་། །ཡུལ་མ་ག་དྷཱའི་རྒྱལ་པོ་ལུས་འཕགས་
D6.011.0304b07.01