完整藏文原文 · 德格版页 当前仅加载第 11 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱེད་དེ། དེ་དག་འདི་ལྟར་ཆོས་གོས་དང་། བསོད་སྙོམས་དང་། མལ་སྟན་དང་། ནད་གསོས་ཀྱི་རྐྱེན་སྨན་དང་། ཡོ་བྱད་དེ་དག་གིས་མི་བྲེལ་བར་བྱེད་ན་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །
D6.011.0232a01.01དགེ་སློང་དག་ཇི་སྲིད་དུ་ཉམས་པར་མི་འགྱུར་བའི་ཆོས་འདི་བདུན་ཡང་དག་པར་བླངས་ནས་སྤྱོད་ཅིང་། དགེ་སློང་དག་ཉམས་པར་མི་འགྱུར་བའི་ཆོས་འདི་བདུན་ཀུན་དུ་སྣང་ན་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་
D6.011.0232a02.01སློང་དག་གཞན་ཡང་ངས་ཁྱེད་ཅག་ལ་ཡོངས་སུ་ཉམས་པར་མི་འགྱུར་བའི་ཆོས་བདུན་བསྟན་པར་བྱས། དེ་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་པར་བྱའོ། །ཡོངས་སུ་ཉམས་པར་མི་འགྱུར་བའི་ཆོས་བདུན་གང་ཞེ་ན། དགེ་སློང་དག་ཇི་སྲིད་དུ་སྟོན་པ་ལ་བཀུར་སྟི་བྱེད།
D6.011.0232a03.01བླ་མར་བྱེད། རི་མོར་བྱེད། མཆོད་པར་བྱེད་ཅིང་། སྟོན་པ་ལ་བཀུར་སྟི་བྱས། བླ་མར་བྱས། རི་མོར་བྱས། མཆོད་པར་བྱས་ནས་ཉེ་བར་རྟེན་ཅིང་གནས་པ་ལས། དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །
D6.011.0232a04.01བསླབ་པའི་ཆོས་ཀྱིས་རྗེས་སུ་བག་ཡོད་པར་སྟོན་ཅིང་རབ་ཏུ་རྣམ་པར་འབྱེད་པ་ལས་ཏིང་ངེ་འཛིན་དུ་བྱེད། བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང་། ཏིང་ངེ་འཛིན་དུ་བྱས། བཀུར་སྟི་བྱས། བླ་མར་བྱས། རི་མོར་བྱས། མཆོད་པར་བྱས་ནས་
D6.011.0232a05.01ཉེ་བར་རྟེན་ཅིང་གནས་པ་ལས་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་ཇི་སྲིད་དུ་ཡོངས་སུ་ཉམས་པར་མི་འགྱུར་བའི་ཆོས་འདི་བདུན་ཡང་དག་པར་བླངས་ནས་ཀུན་དུ་སྤྱོད་ལ། དགེ་སློང་དག་ཡོངས་སུ་
D6.011.0232a06.01ཉམས་པར་མི་འགྱུར་བའི་ཆོས་འདི་བདུན་ཀུན་དུ་སྣང་ན་དགེ་སློང་དག་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་པར་འགྱུར་བར་ཤེས་པར་བྱའོ། །དགེ་སློང་དག་གཞན་ཡང་ངས་ཁྱེད་ཅག་ལ་ཡོངས་སུ་ཉམས་པར་མི་འགྱུར་བའི་ཆོས་བདུན་བསྟན་པར་བྱས། དེ་རབ་ཏུ་
D6.011.0232a07.01