完整藏文原文 · 德格版页 当前仅加载第 11 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
ཏོ། །དེ་དག་གི་གཡས་གཡོན་དུ་ཡང་པདྨ་དེ་འདྲ་བ་གཞན་དག་བྱུང་བར་གྱུར་ཅིང་དེ་དག་ལ་ཡང་གཞན་ཏེ་དེ་བཞིན་དུ་འོག་མིན་གྱི་གནས་ཀྱི་བར་དུ་སངས་རྒྱས་ཕལ་པོ་ཆེ་སྤྲུལ་ཏོ། །དེ་ན་སངས་རྒྱས་ཁ་ཅིག་ནི་འབར། ཁ་ཅིག་ནི་གསལ་བར་མཛད། ཁ་ཅིག་
D6.011.0051a01.01ནི་ཆར་འབེབས། ཁ་ཅིག་ནི་གློག་འབྱིན། ཁ་ཅིག་ནི་ཀུན་ཤེས་པ་ལུང་སྟོན། ཁ་ཅིག་ནི་ཞུ་བ་ཞུ། ཁ་ཅིག་ནི་ལན་འདེབས། ཁ་ཅིག་ནི་འཆག་པ་མཛད། ཁ་ཅིག་ནི་གཞེས། ཁ་ཅིག་ནི་བཞེངས། ཁ་ཅིག་ནི་བཞུགས། ཁ་ཅིག་ནི་གཟིམས་ཏེ། ཇི་ལྟར་བྱིས་པ་གཞོན་
D6.011.0051a02.01ནུ་རྣམས་ཀྱིས་ཀྱང་སྒྲིབ་པ་མེད་པར་སངས་རྒྱས་ཀྱི་སྐུ་མཐོང་བ་དེ་ལྟར་ཡང་བྱིན་གྱིས་བརླབས་སོ། །ཆོ་འཕྲུལ་དེ་མཐོང་ནས་ཀོ་ས་ལའི་རྒྱལ་པོ་གསལ་རྒྱལ་བཙུན་མོའི་འཁོར་དང་། གཞོན་ནུ་དང་། བློན་པོ་དང་། ཕོ་བྲང་འཁོར་གྱི་མི་དང་བཅས་པ་དང་། ཡུལ་སྣ་ཚོགས་
D6.011.0051a03.01ནས་འོངས་པའི་སྲོག་ཆགས་འབུམ་ཕྲག་དུ་མ་དང་། ནམ་མཁའི་དཀྱིལ་ན་ལྷ་འབུམ་ཕྲག་དུ་མ་བཅོམ་ལྡན་འདས་ཀྱི་ཆོ་འཕྲུལ་ཆེན་པོ་ལ་མིག་མི་འཛུམས་པར་ལྟ་ཞིང་རྒྱུན་མི་འཆད་པར་ཕྱག་འཚལ་ལོ། །ནམ་མཁའ་ལ་གནས་པའི་ལྷ་རྣམས་ཀྱང་རྔ་དག་རྡུང་ངོ་། །གནས་གནས་ན་
D6.011.0051a04.01ཡང་རྔ་བོ་ཆེ་རྣམས་ནི་རྡུང་། དུང་སྒྲིལ་མ་ནི་འབུད། རོལ་མོའི་སྒྲ་རྣམ་པ་སྣ་ཚོགས་ནི་འབྱིན་ཅིང་། ལ་ལ་ནི་གླུ་ལེན། ལ་ལ་ནི་གར་བྱེད་དོ། །བྱོལ་སོང་གི་སྐྱེ་གནས་སུ་གཏོགས་པའི་སྲོག་ཆགས་རྣམས་ཀྱང་ཡིད་བདེ་བ་སྐྱེས་ནས་རང་གི་རིས་དང་འདྲ་བའི་སྒྲ་སྐད་རྣམ་པ་སྣ་
D6.011.0051a05.01ཚོགས་སྒྲོགས་པ་འདི་ལྟ་སྟེ། རྟ་རྣམས་ནི་འཚེར། གླང་པོ་ཆེ་རྣམས་ནི་ངུར། རྔ་མོ་རྣམས་ནི་འཁོང་། བ་ལང་རྣམས་ནི་འབོད། རྨ་བྱ་རྣམས་ནི་འགྱུར་ཏེ། ལྷ་དང་མིར་བཅས་པའི་འགྲོ་བ་དགའ་བ་དང་རབ་ཏུ་དགའ་བ་སྐྱེས་ནས། བཅོམ་ལྡན་འདས་ལ་མཆོད་པ་བྱ་བར་
D6.011.0051a06.01སྤྲོ་བར་གྱུར་ཏོ། །དེ་ནས་ལྷ་རྣམས་ཀྱིས་ལྷའི་མེ་ཏོག་ཨུཏྤ་ལ་དང་། པདྨ་དང་། ཀུ་མུ་ད་དང་། པདྨ་དཀར་པོ་དང་། མན་དཱ་ར་བ་རྣམས་གཏོར་ཏོ། །ལྷའི་ཨ་ག་རུའི་ཕྱེ་མ་དང་། རྒྱ་སྤོས་ཀྱི་ཕྱེ་མ་དང་། ཙན་དན་གྱི་ཕྱེ་མ་དང་། ལྷ་རྫས་ཀྱི་གོས་དག་ཀྱང་གཏོར། མི་དང་མི་
D6.011.0051a07.01