完整藏文原文 · 德格版页 当前仅加载第 11 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཕོངས་པ་དང་། དམན་པ་ལ་ཐུགས་བརྩེ་བ། བས་མཐའི་གནས་མལ་དག་ལ་དགའ་བ། སྦྱིན་གནས་གཅིག་པུར་གྱུར་པ་དག་འཇིག་རྟེན་དུ་འབྱུང་བས་རང་སངས་རྒྱས་ཤིག་ལྗོངས་རྒྱུ་བ་རྒྱུ་ཞིང་རི་འོར་དེར་ཕྱིན་པ་དང་། ཕྱོགས་ཞིག་ཏུ་ནུབ་མོ་
D6.011.0006a01.01གནས་སོ། །དེ་ཕྱི་དེ་ཉིན་སྔ་དྲོ་ཤམ་ཐབས་དང་ཆོས་གོས་བགོས་ལྷུང་བཟེད་ཐོགས་ནས་རི་འོར་གྱི་གྲོང་དེར་བསོད་སྙོམས་ལ་ཞུགས་པ་དང་། མདུན་ན་འདོན་དེ་ཡང་ཁྱི་ཁྲིད་ནས་ཕྱིར་བྱུང་སྟེ། དེས་རང་སངས་རྒྱས་བདག་ཉིད་ཆེན་པོ་ཉེས་པ་མེད་ཅིང་གནོད་པ་མི་བྱེད་པ་དེ་ལ་
D6.011.0006a02.01ཁྱི་སྦད་དོ། །དགེ་སློང་དག་ཇི་སྙམ་དུ་སེམས། མདུན་ན་འདོན་གང་ཡིན་པ་དེ་ནི་རྒྱལ་པོ་ཤར་བའི་བུ་འདི་ཡིན་ཏེ། འདིས་དེའི་ཚེ་དེའི་དུས་ན་རང་སངས་རྒྱས་ཉེས་པ་མེད་ཅིང་གནོད་པ་མི་བྱེད་པ་ལ་ཁྱི་སྦད་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ཚེ་རབས་ལྔ་བརྒྱར་ཁྱིས་
D6.011.0006a03.01ཟོས་ནས་དུས་ལས་འདས་ཏེ། ད་ལྟར་གྱི་བར་དུ་ཡང་ཁྱིས་ཟོས་ཏེ་དུས་ལས་འདས་པར་གྱུར་ཏོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་གནག་གཅིག་ཏུ་དཀར་བ་རྣམས་ཀྱི་ཡང་གཅིག་ཏུ་དཀར། འདྲེན་མ་རྣམས་
D6.011.0006a04.01ཀྱི་ཡང་འདྲེན་མ་སྟེ། དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་དང་། འདྲེན་མ་རྣམས་སྤངས་ནས་ལས་གཅིག་ཏུ་དཀར་བ་དག་ཁོ་ན་ལ་བརྩལ་བར་བྱས་ཏེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་
D6.011.0006a05.01ནས། དགེ་སློང་དེ་དག་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ་མངོན་པར་བསྟོད་དོ། །རྒྱལ་པོ་ཤར་བའི་བུ་དུས་ལས་འདས་ནས་རྒྱལ་པོ་གཏུམ་པོ་རབ་སྣང་འགྲན་ཟླ་མེད་པར་རྒྱལ་པོ་བྱེད་པར་གྱུར་ཏོ། །དེ་དུས་གཞན་ཞིག་ན་ཁང་{བཟངས་ཀྱི་,བཟང་གི་}སྟེང་དུ་བྱུང་ནས་བློན་
D6.011.0006a06.01པོའི་ཚོགས་ཀྱིས་བསྐོར་ཏེ་གཏམ་བཟང་པོ་མ་ཡིན་པ་དག་ཟེར་ཞིང་འཁོད་དེ། ཤེས་ལྡན་དག་གྲོང་དང་གྲོང་ཁྱེར་དང་གནས་གང་ན་སྨད་འཚོང་མ་བཟང་མོ་ཡོད། །བློན་པོ་རྣམས་ཀྱིས་སྨྲས་པ། ལྷ་རྡོ་འཇོག་ན་སྨད་འཚོང་མ་བཟང་མོ་ཞེས་བགྱི་བ་གཟུགས་དང་ན་ཚོད་དང་།
D6.011.0006a07.01