完整藏文原文 · 德格版页 当前仅加载第 11 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་ལོ་གཉིས་སུ་ཆོས་དྲུག་དང་། རྗེས་སུ་འབྲང་བའི་ཆོས་དྲུག་བསླབ་པ་བྱིན་ནམ། བྱིན་ནོ། །ཁྱོད་ཀྱིས་ལོ་གཉིས་སུ་ཆོས་དྲུག་དང་རྗེས་སུ་འབྲང་བའི་ཆོས་དྲུག་བསླབ་པ་བསླབས་སམ། བསླབས་སོ། །ཁྱོད་ལ་དགེ་སློང་མའི་དགེ་འདུན་གྱིས་ཚངས་
D6.011.0112a01.01པར་སྤྱད་པ་སྐྱེད་པའི་སྡོམ་པ་ཕོག་གམ། ཕོག་གོ། །ཁྱོད་ལ་དགེ་སློང་མའི་དགེ་འདུན་གྱིས་སྔར་བྱ་བའི་ལས་རྣམས་བྱས་སམ། བགྱིས་སོ། །ཁྱོད་ཀྱིས་དགེ་སློང་མའི་དགེ་འདུན་རྣམས་ཀྱི་སེམས་གུས་པར་བྱས་སམ། གུས་པར་བགྱིས་སོ། །བར་ཆད་ཀྱི་ཆོས་རྣམས་ལས་ཡོངས་སུ་
D6.011.0112a02.01དག་གམ། ཡོངས་སུ་དག་གོ། །ཁྱོད་ལ་གཞན་གྱི་བུ་ལོན་མང་ཡང་རུང་། ཉུང་ཡང་རུང་ཆགས་པ་མེད་དམ། ཁྱོད་ཀྱི་མིང་ཅི། ཁྱོད་ཀྱི་མཁན་མོའི་མིང་ཅི། བདག་གི་མིང་ནི་འདི་ཞེས་བགྱི། དོན་གྱི་སླད་དུ་མཚན་ནས་སྨོས་ཏེ་མཁན་མོའི་མིང་ནི་འདི་ཞེས་བགྱིའོ། །མིང་འདི་
D6.011.0112a03.01ཞེས་བྱ་བ་ཁྱོད་ཉོན་ཅིག །བུད་མེད་ཀྱི་ལུས་ལ་གནོད་པར་འགྱུར་བ་ལུས་ཀྱི་ནད་འདི་འདྲ་བ་ཡོད་དེ། དེ་འདི་ལྟ་སྟེ། མཛེ་དང་། འབྲས་དང་། ཤུ་བ་དང་། ཕོལ་མིག་དང་། ཚད་པ་དང་། ཤ་བཀྲ་ཅན་དང་། རྐོམ་པོ་དང་། གློག་པ་དང་། རབ་ཏུ་གཡའ་བ་དང་། སྐྱུགས་པ་དང་། གཞང་
D6.011.0112a04.01འབྲུམ་དང་། སྐྱིགས་བུ་དང་། རིམས་དང་། ཟ་ངད་དང་། མྱོས་པ་དང་། ངལ་བ་དང་། མགོ་གཡུང་དང་། ཚད་པ་དང་། ལུད་པ་དང་། དབུགས་མི་བདེ་བ་དང་། སྐེམ་པ་དང་། བརྗེད་བྱེད་དང་། འཇས་པ་དང་། ནད་དཀར་པོ་དང་། རྐང་འབམ་དང་། མཚན་བར་རྡོལ་བ་དང་། སྐྲན་
D6.011.0112a05.01དང་། །ཁྲག་ནད་དང་། མཁྲིས་པ་དང་། རྐུབ་འབྲུམ་དང་། ལྷོག་པ་དང་། ཡན་ལག་ཚ་བ་དང་། རྩིབ་ལོགས་ཚ་བ་དང་། རུས་པ་ཞིགས་པ་དང་། རིམས་དྲག་པོ་དང་། རིམས་ཞག་གཅིག་པ་དང་། གཉིས་པ་དང་། གསུམ་པ་དང་། བཞི་པ་དང་། རིམས་ཉིན་རེ་བ་དང་། འདུས་པའི་
D6.011.0112a06.01རིམས་དང་། རིམས་ལྡང་དུབ་པ་དང་། རྟག་པའི་རིམས་དང་། ཁྱོད་ཀྱི་ལུས་ལ་འདི་ལྟ་བུའི་ལུས་ཀྱི་ནད་དང་། ལུས་ལ་གནོད་པར་འགྱུར་བ་དང་། དེ་ལས་གཞན་ཀྱང་མེད་དམ་དེ་ལས་ཁྱོད་ཀྱིས་ཡང་དག་པ་ཇི་བཞིན་པར་སྨྲོས་ཤིག།། །།འདུལ་བ་ཕྲན་ཚེགས་ཀྱི་གཞི། བམ་
D6.011.0112a07.01