完整藏文原文 · 德格版页 当前仅加载第 11 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོག་བབས་པ་མ་གསན་ཏམ་ཞེས་སྨྲའོ། །དེ་ལ་ངས་འདི་སྐད་ཅེས་ཀྱེ་སྐྱེས་བུ་ངས་མ་ཐོས་སོ་ཞེས་བཀའ་སྩལ་པ་དང་། དེས་འདི་སྐད་ཅེས་ཅི་ལགས། བཅོམ་ལྡན་འདས་གཟིམས་པར་གྱུར་ཏམ་ཞེས་སྨྲའོ། །དེ་ལ་ངས་འདི་སྐད་ཅེས་ཀྱེ་སྐྱེས་བུ་
D6.011.0260a01.01ཉལ་བར་མ་གྱུར་ཏོ་ཞེས་བཀའ་སྩལ་པ་དང་། དེས་འདི་སྐད་ཅེས་ཅི་ལགས། བཅོམ་ལྡན་འདས་མ་གཟིམས་པའི་འདུ་ཤེས་ཀྱིས་འབྲུག་ཆེམས་ཞེས་མཆི་བ་དང་། ཐོག་བབས་པ་མ་གསན་པར་གྱུར་ཏམ་ཞེས་སྨྲའོ། །དེ་ལ་འདི་སྐད་ཅེས་ཀྱེ་སྐྱེས་བུ་ང་ནི་མི་ཉལ་བའི་འདུ་ཤེས་
D6.011.0260a02.01ཀྱིས་འབྲུག་ཆེམས་ཞེས་ཟེར་བ་དང་། ཐོག་བབས་པ་མ་ཐོས་སོ་ཞེས་བཀའ་སྩལ་པ་དང་། དེ་ནས་མི་དེས་འདི་སྙམ་དུ་ཇི་སྲིད་ཅིག་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞི་བར་བཞུགས་ནས། གང་གི་ཕྱིར་བཅོམ་
D6.011.0260a03.01ལྡན་འདས་མ་གཟིམས་པའི་འདུ་ཤེས་ཀྱིས་འབྲུག་ཆེམས་ཞེས་ཟེར་བ་དང་། ཐོག་བབས་པའི་སྒྲ་མ་གསན་པར་གྱུར་པ་ནི་ངོ་མཚར་ཆེའོ་ཞེས་བསམས་ནས་སྐྱེས་བུ་དེ་ང་ལ་དད་པར་གྱུར་ཅིང་དད་པའི་དབང་དུ་བྱས་ཏེ། འདི་སྐད་ཅེས་བཙུན་པ་བཅོམ་ལྡན་འདས་ལ་སུ་ཞིག་མངོན་
D6.011.0260a04.01པར་མི་དད་ལགས། བདག་ནི་འདི་ལྟར་བཙུན་པ་བཅོམ་ལྡན་འདས་ལ་རྒྱ་ཆེར་མངོན་པར་དད་ལགས་སོ་ཞེས་སྨྲས་སོ། །དེ་ནས་གྱད་ཀྱི་སྣ་ཆེན་པོ་ལ་གཏོགས་པ་གཡུང་པོས་གཡོག་ལ་འདི་སྐད་ཅེས་སྨྲས་སོ། །ཀྱེ་སྐྱེས་བུ་རས་བཅོས་བུ་སར་པ་གསེར་གྱི་ཁ་དོག་ལྟར་སེར་
D6.011.0260a05.01བ་ཟུང་གཅིག་ང་ལ་བྱིན་ཅིག་དང་། དེ་ངས་བཅོམ་ལྡན་འདས་ལ་དབུལ་བར་བྱའོ་ཞེས་སྨྲས་ནས་སྐྱེས་བུ་དེས་ཀྱང་གྱད་ཀྱི་སྣ་ཆེན་པོ་ལ་གཏོགས་པ་གཡུང་པོ་ལ་རས་བཅོས་བུ་སར་པ་གསེར་གྱི་མདོག་ལྟར་སེར་བ་ཟུང་གཅིག་བྱིན་ནོ། །དེ་ནས་གྱད་ཀྱི་སྣ་ཆེན་པོ་ལ་གཏོགས་
D6.011.0260a06.01པ་གཡུང་པོས་རས་བཅོས་བུ་སར་པ་གསེར་གྱི་མདོག་ལྟར་སེར་བ་ཟུང་གཅིག་ཁྱེར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རས་བཅོས་བུ་སར་པ་གསེར་གྱི་མདོག་ལྟར་སེར་བ་ཟུང་གཅིག་པོ་འདི་བདག་ཅག་གི་ཡིད་དུ་མཆི་བ་དགའ་བ་བཅང་བར་
D6.011.0260a07.01