完整藏文原文 · 德格版页 当前仅加载第 11 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
གང་བྱང་ཕྱོགས་དག་ཏུ་དེ་བཞིན་གཤེགས་པའི་སྐུ་ལུས་འདོར་བར་འགྱུར་བ་བརྒྱད་པ་ནི་ངས་མ་མཐོང་ངོ་། །དེ་ཅིའི་ཕྱིར་ཞེ་ན། སྲིད་པའི་སྲེད་པ་བཅད་ཅིང་འཁོར་བར་སྐྱེ་བར་ཟད་པས་འདི་ལས་སྲིད་པ་གཞན་མི་འབྱུང་ངོ་། །དེའི་ཚེ་ཚེ་དང་ལྡན་པ་དཔེ་ཅན་བཅོམ་ལྡན་འདས་ཀྱི་སྤྱན་
D6.011.0274b01.01སྔ་ན་འདུག་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་དཔེ་ཅན་ལ་ཀྭའི་དགེ་སློང་ངའི་མདུན་ན་མ་འདུག་ཅིག་ཅེས་བཀའ་སྩལ་ཏོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གིས་དགུང་ལོ་ཉི་ཤུ་ལྷག་གི་བར་དུ་
D6.011.0274b02.01བཅོམ་ལྡན་འདས་ཀྱི་ཞབས་འབྲིང་ཉེ་གནས་བགྱིས་ན་འདི་ལྟར་ཚེ་དང་ལྡན་པ་དཔེ་ཅན་ལ་བཀའ་དྲག་ཏུ་ཕབ་ཅིང་སྨད་པ་ནི་སྔན་ཆད་བདག་གིས་མ་ཐོས་སོ། །འདི་ལྟར་ཀུན་དགའ་བོ་ཚེ་བསྐལ་པ་བརྒྱ་ཕྲག་མང་པོ་ཐུབ་པའི་ལྷ་རྣམས་འདི་སྙམ་དུ་དེ་བཞིན་གཤེགས་པ་དགྲ་བཅོམ་པ་ཡང་
D6.011.0274b03.01དག་པར་རྫོགས་པའི་སངས་རྒྱས་ནི་བརྒྱ་ལམ་ན་རེས་འགའ་ཞིག་ཅི་ཞིག་ལྟར་འཇིག་རྟེན་འདིར་འབྱུང་སྟེ། དཔེར་ན་མེ་ཏོག་ཨུ་དུམ་བཱ་ར་བཞིན་ལ། བཅོམ་ལྡན་འདས་དེ་ཡང་དེང་གི་མཚན་མོའི་གུང་ཐུན་ལ་ཕུང་པོ་ལྷག་མ་མེད་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་
D6.011.0274b04.01ལ། དགེ་སློང་དབང་ཆེ་བར་གྲགས་པ་དེ་ཡང་བཅོམ་ལྡན་འདས་ཀྱི་སྤྱན་སྔ་ན་འདུག་སྟེ། དེས་བདག་ཅག་ལ་རྒྱབ་ཀྱིས་བལྟས་པས་བཅོམ་ལྡན་འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་འགྲོ་མ་ནུས་སོ་ཞེས་འཕྱ་བར་བྱེད། སྨོད་པར་བྱེད། ཁ་ཟེར་བར་བྱེད་དོ། །བཙུན་
D6.011.0274b05.01པ་བཅོམ་ལྡན་འདས་ལྷ་ཇི་སྙེད་ཅིག་མཆིས་མཁྱེན་པར་མཛད་དུ་གསོལ། ཀུན་དགའ་བོ་ཇི་ཙམ་གྲོང་ཁྱེར་རྩྭ་ཅན་ནས་ཆུ་བོ་དབྱིག་ལྡན་གྱི་བར་དང་། ཇི་ཙམ་ཤིང་སཱ་ལ་ཟུང་གི་ཚལ་གྱི་བར་ནས་གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་བར་དཔག་ཚད་བཅུ་གཉིས་ཁོ་
D6.011.0274b06.01ར་ཁོར་ཡུག་ཏུ་དབང་ཆེ་བ། དབང་ཆེ་བར་གྲགས་པའི་ལྷ་རྣམས་ཀྱིས་མ་ཁྱབ་ཅིང་མ་གང་བ་ཅུང་ཟད་ཀྱང་མེད་དེ་ཆུང་ངུ་ན་ཁར་བ་གཟུགས་པའི་ཁྱོན་ཙམ་ཡང་མེད་དོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ།
D6.011.0274b07.01