完整藏文原文 · 德格版页 当前仅加载第 11 函德格 306b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པ་དང་། སྤྱོད་པ་ཉམས་པར་མ་བྱས་པ་དང་། འཚོ་བ་ཉམས་པར་མ་བྱས་པ་ལྟ་ངོ་མཚར་ཅི་ཆེ། ངས་དགེ་འདུན་ལ་ཉེས་པ་ཅུང་ཟད་ཀྱང་མ་བྱས་སོ་ཞེས་སྨྲ་བར་བྱེད་དམ། ལོངས་ལ་ཚུལ་ཤིང་ཟུང་ཤིག་དང་། ཁྱོད་ཀྱི་ཉེས་པ་བསྟན་པར་བྱའོ་ཞེས་སྨྲས་པ་དང་། ཚེ་དང་ལྡན་པ་ཀུན་
D6.011.0306b01.01དགའ་བོ་ལངས་སོ། །དེ་ལངས་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལན་གསུམ་དུ་གཡོས། རབ་ཏུ་གཡོས། ཀུན་དུ་གཡོས། འགུལ། རབ་ཏུ་འགུལ། ཀུན་དུ་རབ་ཏུ་འགུལ་ཏེ། ནམ་མཁའ་ལ་གནས་པའི་ལྷ་དག་ངོ་མཚར་དུ་གྱུར་ནས་མིག་ཕྱེ་སྟེ་ཨ་ལ་ལ་
D6.011.0306b02.01ཞེས་སྨྲས་ནས། ཀྱེ་མ་འཕགས་པ་འོད་སྲུང་ཆེན་པོ་བདེན་པར་སྨྲ་བ། ཕན་པར་སྨྲ་བ་ཡིན་ན། ད་ལྟར་ཐུབ་པ་ལུས་འཕགས་ཀྱི་གནས་འདི་ན་འཕགས་པ་ཀུན་དགའ་བོ་ལ་རབ་ཏུ་དྲག་པས་སྤྱོ་བས་སྤྱོ་བར་བྱེད་དོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་ཚེ་དང་ལྡན་པ་ཀུན་དགའ་བོ་
D6.011.0306b03.01ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་ཁྱོད་ན་རེ་ངས་དགེ་འདུན་ལ་གནོད་པ་ཅི་ཡང་མ་བྱས་སོ་ཞེས་ཟེར་ན། ཇི་ལྟར་ཁྱོད་ཀྱིས་དགེ་འདུན་ལ་གནོད་པ་མ་བྱས་པ་ཡིན། བཅོམ་ལྡན་འདས་ནི་བུད་མེད་རྣམས་གནས་ངན་ལེན་ཀུན་ཏུ་སྤྱོད་པས་རབ་ཏུ་དབྱུང་བར་མི་བཞེད་ན་
D6.011.0306b04.01ཁྱོད་ཀྱིས་གསོལ་བ་བཏབ་སྟེ། བཅོམ་ལྡན་འདས་ཀྱིས་ཀུན་དགའ་བོ་བུད་མེད་རབ་ཏུ་དབྱུང་ཞིང་བསྙེན་པར་རྫོགས་ཏེ། དགེ་སློང་མའི་དངོས་པོ་འཐོབ་པར་འགྱུར་བ་ང་ལ་མ་སྨྲ་ཤིག །དེ་ཅིའི་ཕྱིར་ཞེ་ན། ཀུན་དགའ་བོ་ཆོས་འདུལ་བ་ལ་བུད་མེད་རབ་ཏུ་ཕྱུང་ན་འདི་ལྟར་ཆོས་
D6.011.0306b05.01འདུལ་བ་ཡུན་རིང་དུ་གནས་པར་མི་འགྱུར་ཏེ། དཔེར་ན་འབྲས་སཱ་ལུ་ཕུན་སུམ་ཚོགས་པའི་ཞིང་ལ་སེར་བ་བབ་ན་འབྲས་སཱ་ལུ་གང་ཡིན་པ་དེ་ལྷག་ཅིང་མེད་པར་འགྱུར་བ་དེ་བཞིན་དུ་ཆོས་འདུལ་བ་འདི་ལ་བུད་མེད་རབ་ཏུ་ཕྱུང་ན་ཆོས་འདུལ་བ་ཡུན་རིང་དུ་གནས་པར་མི་འགྱུར་རོ་ཞེས་
D6.011.0306b06.01མ་གསུངས་སམ། བཙུན་པ་འོད་སྲུང་ཆེན་པོ་ཆོག་གིས་བཟོད་པ་མཛོད་ཅིག །ངོ་ཚ་མེད་པ་དང་། འཛེམ་པ་མེད་པ་ནི་མ་ལགས་མོད་ཀྱིས། འོན་ཀྱང་བཅོམ་ལྡན་འདས་ཀྱི་སྲུ་སྐྱེ་དགུའི་བདག་མོ་ཆེན་མོ་གཽ་ཏ་མཱིས་དཀའ་བ་སྤྱད་དེ། གང་བཅོམ་ལྡན་འདས་ཀྱི་ཡུམ་ནི་དུས་ལས་འདས་
D6.011.0306b07.01