完整藏文原文 · 德格版页 当前仅加载第 11 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
སོང་ལ་འདུག་ཤིག་ཅེས་བཀའ་སྩལ་པ་དང་། བཙུན་པ་དེ་བཞིན་བགྱིའོ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ཏེ་ཤིང་གཞན་ཞིག་གི་དྲུང་ན་ཉིན་པར་སྤྱོད་པའི་ཕྱིར་འདུག་གོ། །དེ་ནས་བདུད་སྡིག་ཅན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་།
D6.011.0248b01.01བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འགྲེང་ངོ་། །ཕྱོགས་གཅིག་ཏུ་འགྲེང་ནས་བདུད་སྡིག་ཅན་གྱིས་བཅོམ་ལྡན་འདས་ལ་བཅོམ་ལྡན་འདས་ཡོངས་སུ་མྱ་ངན་ལས་འདའ་བར་མཛོད་ཅིག །བདེ་བར་གཤེགས་པ་ཡོངས་སུ་མྱ་ངན་ལས་
D6.011.0248b02.01འདའ་བའི་དུས་ལ་བབ་བོ་ཞེས་གསོལ་པ་དང་། བཅོམ་ལྡན་འདས་འདི་སྙམ་དུ་དགོངས་སོ། །འདི་ནི་བདུད་སྡིག་ཅན་དུ་ངེས་ཏེ། འདི་ལྟར་སྤྲུལ་པའི་ལུས་སུ་འོངས་སོ་སྙམ་དུ་མཁྱེན་ནས་བདུད་སྡིག་ཅན་ལ་འདི་སྐད་ཅེས་བཀའ་སྩལ་ཏོ། །བདུད་སྡིག་ཅན་ཁྱོད་ཅིའི་ཕྱིར་ན་བཅོམ་ལྡན་
D6.011.0248b03.01འདས་ཡོངས་སུ་མྱ་ངན་ལས་འདའ་བར་མཛོད་ཅིག །བདེ་བར་གཤེགས་པ་ཡོངས་སུ་མྱ་ངན་ལས་འདའ་བའི་དུས་ལ་བབ་བོ་ཞེས་ཟེར། བཙུན་པ་དུས་གཅིག་ན་བཅོམ་ལྡན་འདས་ཨུ་རུ་བིལ་བའི་འབབ་ཆུ་ནེ་རཉྫ་ནའི་ངོགས་བྱང་ཆུབ་ཤིང་གི་དྲུང་དུ་མངོན་པར་རྫོགས་པར་སངས་རྒྱས་ནས་
D6.011.0248b04.01རིང་པོ་མ་ལོན་པར་བཅོམ་ལྡན་འདས་ག་ལ་བ་དེར་བདག་མཆིས་ཏེ་ཕྱིན་པ་དང་། བཅོམ་ལྡན་འདས་ཡོངས་སུ་མྱ་ངན་ལས་འདའ་བར་མཛོད་ཅིག །བདེ་བར་གཤེགས་པ་ཡོངས་སུ་མྱ་ངན་ལས་འདའ་བའི་དུས་ལ་བབ་བོ་ཞེས་བདག་གིས་གསོལ་པ་དང་། བཅོམ་ལྡན་འདས་ཀྱིས་
D6.011.0248b05.01བཀའ་སྩལ་པ། བདུད་སྡིག་ཅན་ནམ་ངའི་ཉན་ཐོས་དགེ་སློང་ཕ་དང་། དགེ་སློང་མ་དང་། དགེ་བསྙེན་ཕ་དང་། དགེ་བསྙེན་མ་མཁས་པ། གསལ་བ། ཤེས་རབ་ཏུ་ལྡན་པ། ཕས་ཀྱི་རྒོལ་བ་བྱུང་ཞིང་བྱུང་བ་རྣམས་ལ་ཆོས་དང་བཅས། འདུལ་བ་དང་བཅས་པས་ཚར་གཅོད་
D6.011.0248b06.01པ་དང་། རང་གིས་བརྒལ་བ་ཡོངས་སུ་དག་པར་བྱེད་པར་འགྱུར་བའི་ཚངས་པར་སྤྱད་པ་ལྷ་དང་མིའི་སྐྱེ་བོ་མང་པོ་ལ་ཕན་པར་ཁྱབ་ཅིང་རྒྱས་པར་ཡང་དག་པར་རབ་ཏུ་བསྒྲགས་པར་མ་གྱུར་གྱི་བར་དུ་མྱ་ངན་ལས་ཡོངས་སུ་མི་འདའོ་ཞེས་ན། ད་ནི་བཅོམ་ལྡན་འདས་ཀྱི་ཉན་ཐོས་དགེ་སློང་ཕ་
D6.011.0248b07.01