完整藏文原文 · 德格版页 当前仅加载第 11 函德格 59a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དེ་དྲུག་ཁོ་ནའི་ལགས་སོ་ཞེས་སྨྲས་པ་དང་། དེ་གཅིག་པུས་བསམས་པ། གྲོང་དང་། གྲོང་ཁྱེར་དང་། རི་འོར་པ་འདི་སུའི་ཡིན་ཞེས་དེ་སྐད་དུ་གང་དང་གང་ལས་དྲིས་པ་དེ་དག་ཐམས་ཅད་དེ་སྐད་ཟེར་བས་བདག་ལྟ་ཞིག་བཟའ་བ་དང་བགོ་བ་ཙམ་ལ་དབང་ཕྱུག་བྱེད་
D6.011.0059a01.01ཀྱི་གཞན་ཅི་ལ་ཡང་མ་ཡིན་ནོ་སྙམ་དུ་རང་གིས་རིག་ནས་དེ་སེམས་ཁོང་གི་རྒྱ་མཚོར་ཆུད་ནས་འདི་ཇི་ལྟར་བྱ་ཞེས་སེམས་སོ། །དེ་དེ་ལྟར་སེམས་པ་ན་ལྷ་ཞིག་གིས་རྒྱལ་པོ་མི་དགའ་བར་མ་བྱེད་ཅིག །འདི་ལྟར་ཁྱོད་ཉིད་ཀྱི་ཡུལ་ན་རི་འོར་གང་པོའི་མཚན་ཞེས་བྱ་བ་དེ་ན་སྣ་ལ་གཏོགས་པ་གང་
D6.011.0059a02.01པོ་ཞེས་བྱ་བ་དེ་ལ་བུ་སྨན་ཆེན་པོ་ཞེས་བྱ་བ་ཞིག་ཡོད་པར་འགྱུར་གྱིས་དེ་ཁྱོད་ཀྱིས་བློན་པོར་ཆུག་ཤིག་དང་། དེས་ཡུལ་བདག་གིར་བྱས་ནས་ཁྱོད་ལ་འབུལ་བས་ཁྱོད་ལ་ཕན་པ་དང་། བདེ་བ་དང་། འདོད་པ་དང་ལྡན་པར་འགྱུར་རོ་ཞེས་བསྒོའོ། །དེ་ནས་བཟའ་བཏུང་མང་པོས་མི་
D6.011.0059a03.01དག་མངགས་ཏེ་རི་འོར་གང་པོའི་མཚན་དེ་ན་སྣ་ལ་གཏོགས་པ་གང་པོ་ཞེས་བྱ་བ་དེ་ཚོལ་ཏོ། །གལ་ཏེ་རྙེད་དང་དེའི་ཆུང་མ་ལ་བུ་ཡོད་དམ་མེད་རྟོགས་ཤིག་ཅེས་བསྒོའོ། །དེ་དག་སོང་སྟེ་མཐོང་ནས་དྲིས་ན་དེས་བདག་གི་ཆུང་མ་ལ་བུ་ཡོད་དོ་ཞེས་སྨྲས་པ་དང་། དེ་དག་སླར་འོངས་ནས་
D6.011.0059a04.01རྒྱལ་པོ་ལ་གསོལ་པ། རྒྱལ་པོ་སྣ་ལ་གཏོགས་པ་དེ་མཆིས་ཏེ་དེའི་མཆིས་འབྲང་ཡང་སྦྲུམ་ལགས་སོ། །དེ་ནས་རྒྱལ་པོས་ཡི་གེ་སྤྲིང་སྟེ། གང་པོ་བཀུག་ནས་བཤེས་པའི་ཚིག་གིས་དེ་ལ་རི་འོར་དེ་བྱིན་ནས་འདིར་རང་གི་བུ་མའི་ལྟོ་ན་འདུག་པ་དེ་དེང་ཕྱིན་ཆད་ཡོངས་སུ་
D6.011.0059a05.01སྐྱོངས་ལ་ཅི་ནས་ཀྱང་དེ་ཡན་ལག་གང་ཡང་ཉམས་པར་མི་འགྱུར་བ་དེ་ལྟར་གྱིས་ཤིག་ཅེས་བསྒོའོ། །དེ་ནས་དེ་ཟླ་བ་དགུ་ཚང་བ་དང་ཁྱེའུ་གཟུགས་བཟང་བ། མཛེས་པ། བལྟ་ན་སྡུག་པ་ཞིག་བཙས་ནས་ཅི་འབྱོར་བའི་བཙས་སྟོན་རྒྱ་ཆེར་བྱས་ཏེ། ཁྱེའུ་འདི་མིང་ཅིར་གདགས་
D6.011.0059a06.01ཞེས་བྱས་ན་དེའི་མས་སྨྲས་པ། བདག་འདི་ལྟར་ཡུན་{རིངས་སུ་,རིང་དུ་}ནད་བུ་ཅན་དུ་གྱུར་ཏེ། སྨན་པ་དང་སྨན་དང་། ནད་གཡོག་རྣམས་ཀྱིས་ནད་ཞི་བར་བྱ་མ་ནུས་པ་ལས་གང་གི་ཚེ་ཁྱེའུ་འདི་ལྟོར་ཞུགས་པ་དེ་ཉིད་ནས་ནད་ཞི་བར་གྱུར་པས་དེས་ན་འདིའི་མིང་སྨན་ཆེན་པོར་གདགས་སོ། །སྨྲས་
D6.011.0059a07.01