完整藏文原文 · 德格版页 当前仅加载第 11 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །བཅོམ་ལྡན་འདས་ཀྱིས་དེའི་ཆོས་གོས་ལ་རྡུལ་གོས་པ་གཟིགས་ནས་གཽ་ཏ་མཱི་ཁྱོད་ཀྱི་ཆོས་གོས་ལ་རྡུལ་སུས་བསྒོས་ཞེས་སྨྲས་པ་དང་། དེས་ཇི་ལྟ་བུར་གྱུར་པ་ཞིབ་ཏུ་གསོལ་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་
D6.011.0140b01.01བོ་དགེ་སློང་དག་གིས་དགེ་སློང་མ་ལ་དགེ་སློང་གིས་མལ་སྟན་གྱི་ལྷག་མ་མ་བྱིན་ནམ། མ་སྩལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་ལྟ་བས་ན་གནང་བ་ནི་དགེ་སློང་གི་མལ་སྟན་གྱི་ལྷག་མ་དགེ་སློང་མ་ལ་བྱིན་ཅིག །དེ་ལ་ཐེ་ཚོམ་མ་བྱེད་ཅིག །བཅོམ་
D6.011.0140b02.01ལྡན་འདས་ཀྱིས་དགེ་སློང་དག་གིས་དགེ་སློང་གི་མལ་སྟན་གྱི་ལྷག་མ་དགེ་སློང་མ་ལ་བྱིན་ཅིག་ཅེས་བཀའ་སྩལ་པ་དང་། དགེ་སློང་གཞན་གྱིས་མལ་སྟན་ཤིན་ཏུ་བཟང་པོ་བླངས་ཏེ་དེའི་ལྷག་མ་དགེ་སློང་དག་གིས་དགེ་སློང་མ་དེ་དག་ལ་བྱིན་ནས་བཅོམ་ལྡན་འདས་ཀྱིས་བཀའ་སྩལ་
D6.011.0140b03.01པ། །བཟང་པོ་ལས་མ་སྦྱིན་པར་གོས་རྙིང་པའམ། སྣམ་བུའམ། རས་ལྟ་བུ་ལས་བྱིན་ཅིག །གླེང་གཞི་ནི་མཉན་དུ་ཡོད་པ་ན་སྟེ། ཚེ་དང་ལྡན་པ་འོད་སྲུང་ཆེན་པོ་སྔ་དྲོ་ཤམ་ཐབས་དང་ཆོས་གོས་གྱོན། ལྷུང་བཟེད་ཐོགས་ཏེ་མཉན་དུ་ཡོད་པར་བསོད་སྙོམས་ཀྱི་ཕྱིར་
D6.011.0140b04.01ཞུགས་སོ། །དགེ་སློང་མ་སྦོམ་དགའ་མོ་ཡང་གཙུག་ལག་ཁང་དུ་ཞུགས་ཏེ། སྟོན་གྱི་དུས་སུ་གྱུར་པས་ཆུ་བོ་རྣམས་ཆུས་གང་བས་ན་ཚེ་དང་ལྡན་པ་འོད་སྲུང་ཆེན་པོ་ཟམ་པ་ལ་རྒལ་བ་དང་། སྦོམ་དགའ་མོས་མཐོང་ནས། དེས་བསམས་པ། བླུན་པོ་འདི་མི་དགའ་བར་འགྱུར་བ་
D6.011.0140b05.01ཞིག་བྱའོ་སྙམ་ནས། དེས་འགྲོས་མགྱོགས་ཤིང་མྱུར་དུ་སོང་སྟེ་དེ་ཟམ་པ་རྒལ་བ་ལ་དེས་ཟམ་པ་དེ་བསྒུལ་བ་དང་། ཚེ་དང་ལྡན་པ་འོད་སྲུང་ཆེན་པོ་ལྷུང་ནས་དེའི་སྦྱར་མ་དང་ཤམ་ཐབས་དག་ཆུས་གཤེར་ལྷུང་བཟེད་ཤོར་བས་ཆུར་ནུབ་པོ། ཁར་གསིལ་ནི་ཁྱེར་རོ། །དེས་སྨྲས་པ།
D6.011.0140b06.01སྲིང་མོ་འདི་ཁྱོད་ཀྱིས་ནི་མ་ཉེས་ཀྱི། ཚེ་དང་ལྡན་པ་ཀུན་དགའ་བོས་ཉེས་ཏེ། འདི་ལྟར་ཉེས་པ་སྦོམ་པོ་སྤྱོད་པའི་བུད་མེད་རྣམས་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་བ་བསྙེན་པར་རྫོགས་ནས་དགེ་སློང་མའི་དངོས་པོར་རྗེས་སུ་ཡི་རང་བས་ལན། དེ་ལྟར་གྱུར་པ་དགེ་
D6.011.0140b07.01