完整藏文原文 · 德格版页 当前仅加载第 11 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
བརྩམས་པ་དང་། དེ་དག་ཁྱིམ་བདག་དྲག་ཤུལ་ཅན་གྱིས་བསྡིགས་པ་དང་། གཞོམ་པ་དང་། དབྱེ་བའི་སྦྱོར་བས་ནན་གྱི་ཟན་ཟར་བཅུག་གོ། །གང་གིས་སྣོད་གང་དུ་ཟན་ཟོས་པ་དེས་དེ་ཉིད་ཁྱེར་ཏེ་འགྲོ་བར་བརྩམས་པ་དང་། སྒོ་བས་གཟུང་བར་བརྩམས་
D6.011.0029a01.01སོ། །དེ་རྣམས་ཀྱིས་སྨྲས་པ། ཀྱེ་ནང་རྗེ་ཁྱིམ་བདག་གིས་ངེད་ལ་བྱིན་ན་ཅིའི་ཕྱིར་བཟུང་། དེས་སྨྲས་པ། ཁྱིམ་བདག་གིས་ཁྱེད་ཅག་ཟན་གྱི་ཕྱིར་བྱིན་གྱི་གཏན་ནི་མ་བྱིན་ནོ་ཞོག་ལ་དེང་ཤིག །དེ་དག་གིས་མ་བཞག་པ་དང་། སྒོ་བས་དེ་དག་བརྡེགས་ནས་ཀུ་ཅོ་རབ་ཏུ་ཆེ་
D6.011.0029a02.01བར་གྱུར་པ་དང་། ཡངས་པ་ཅན་ན་གནས་པའི་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ཞེས་བྱ་བ་སྐྱེ་བོའི་ཚོགས་ཆེན་པོ་ཐམས་ཅད་འདུས་པར་གྱུར་ཏོ། །ཁྱིམ་བདག་དྲག་ཤུལ་ཅན་གྱིས་མི་སྡུག་པ་དེ་དག་མཐོང་ནས་ཡངས་པ་ཅན་གྱི་བྲམ་ཟེ་དང་ཁྱིམ་བདག་
D6.011.0029a03.01རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག་ཁྱེད་ཀྱིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་དང་དེ་དག་གི་ཁྱད་པར་མཐོང་ངམ། དེ་དག་གིས་སྨྲས་པ། ཁྱིམ་བདག་མཐོང་ངོ་། །དེས་སྨྲས་པ། ཤེས་ལྡན་དག་དེ་ལྟར་ན་བཅོམ་ལྡན་འདས་ཀྱང་
D6.011.0029a04.01བཞེད་ཆེན་ཆུང་ལ། དེའི་ཉན་ཐོས་དག་ཀྱང་འདོད་ཆེན་ཆུང་གིས་མུ་སྟེགས་ཅན་ཉེས་པར་བཤད་པའི་ཆོས་འདུལ་བ་ཅན་འདི་དག་ནི་དེ་ལྟ་མ་ཡིན་ནོ། །དེ་ནས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་མངོན་པར་མ་དད་པ་མང་པོ་ནི་མངོན་པར་དད་པར་གྱུར་ཏོ། །
D6.011.0029a05.01བར་མ་རྣམས་ལས་ཀྱང་ཁ་ཅིག་ནི་བཅོམ་ལྡན་འདས་ལ་དད་པར་གྱུར་ཏོ། །དེ་ནས་བཅོམ་ལྡན་འདས་གཙུག་ལག་ཁང་དུ་གཤེགས་ནས་ཞབས་བཀྲུས་ཏེ། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་ཀྱང་བཅོམ་ལྡན་
D6.011.0029a06.01འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན། ཚོད་རིག་པ་ལ་ཕན་ཡོན་དེ་དང་གཞན་དག་ཀྱང་ཡོད་པས་དེའི་ཕྱིར་དགེ་སློང་གིས་གསེར་དང་། དངུལ་དང་། བཻ་ཌཱུརྱ་དང་། ཤེལ་ལས་བྱས་པ་ལ་སོགས་པ་རིན་པོ་ཆེའི་སྣོད་དུ་བཟའ་བར་མི་བྱ་
D6.011.0029a07.01