完整藏文原文 · 德格版页 当前仅加载第 11 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་གིས་ཐོས་ཏེ། བཅོམ་ལྡན་འདས་ལ་གསོལ་ནས་བཅོམ་ལྡན་འདས་ཀྱིས་དགོངས་པ། གང་སུ་ཞིག་དགེ་སློང་མ་དང་། དགེ་སློང་དང་ལྷན་ཅིག་ཏུ་ཟམ་པ་གཅིག་རྒལ་ན་ཉེས་པའི་དམིགས་ཡིན་ཏེ། དེ་ལྟ་བས་ན་དགེ་སློང་མས་དགེ་སློང་ཕ་དང་ལྷན་ཅིག་ཏུ་
D6.011.0141a01.01ཟམ་པ་གཅིག་ལ་མ་རྒལ་ཅིག །རྒལ་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་དགེ་སློང་མ་དགེ་སློང་དང་ལྷན་ཅིག་ཏུ་ཟམ་པ་གཅིག་ལ་མ་རྒལ་ཅིག་ཅེས་བཀའ་སྩལ་པ་དང་། ཟམ་པ་བརྟན་པ་(ཞིང་,ཞེང་)ཆེན་པོ་གཞན་ལ་ཡང་དེ་དག་མ་རྒལ་ནས། བཅོམ་ལྡན་འདས་
D6.011.0141a02.01ཀྱིས་བཀའ་སྩལ་པ། ཟམ་པ་གང་བརྟན་ཞིང་ཞེང་ཆེ་བ་ལ་ནི་དེ་དག་རྒལ་བར་བྱ་སྟེ། དེ་ལ་ཐེ་ཚོམ་དུ་མ་བྱེད་ཅིག །གླེང་གཞི་ནི་མཉན་དུ་ཡོད་པ་ན་སྟེ། དེ་ནས་དགེ་སློང་མ་སྦོམ་དགའ་མོ་སྔ་དྲོ་ཤམ་ཐབས་དང་ཆོས་གོས་བགོས། ལྷུང་བཟེད་ཐོགས་ཏེ་མཉན་དུ་ཡོད་པར་བསོད་
D6.011.0141a03.01སྙོམས་ཀྱི་ཕྱིར་ཞུགས་ནས། རིམ་བཞིན་དུ་བཙུན་མོ་ཕྲེང་ལྡན་མའི་དྲུང་དུ་སོང་བ་དང་། དེས་བདེ་བར་འོངས་པའི་ཚིག་སྙན་པར་སྨྲས་ནས་སྟན་བཏིང་ངོ་། །དེ་གཏམ་ཟེར་ཞིང་སྐད་ཅིག་འདུག་ནས་ཕྲེང་ལྡན་མ་ཁྱོད་ཀྱི་རྐེད་པ་ཕྲ་ཞིང་ཕྲའོ་ཞེས་སྨྲས་པ་དང་། དེས་འཕགས་མ་
D6.011.0141a04.01ཁྱོད་ཀྱིས་འདི་དྲིས་ཏེ་ཅིར་དགོས། བདག་ནི་ཇི་ནས་ཀྱང་རྣམ་པ་གང་གིས་ལྷའི་སེམས་མཉེས་པར་བྱེད་དོ་ཞེས་སྨྲས་པ་དང་། དེས་ཕྲེང་ལྡན་མ་དེ་བཞིན་མོད་ཀྱི་འོན་ཀྱང་ཐེ་ཚོམ་དགྲོལ་བ་ཙམ་དུ་དྲིས་སྨྲོས་ཤིག་ཅེས་བྱས་པ་དང་། དེས་འཕགས་མ་བདག་ནི་རྐེད་ཆིངས་བཅངས་
D6.011.0141a05.01སོ་ཞེས་སྨྲས་པ་དང་། དེས་ལེགས་ཏེ་དེའི་ཕྱིར་ཁྱོད་ལ་སྐྱེ་བོ་མང་པོ་དག་གི་ཡིད་མགུ་བ་དང་དགའ་བར་བྱེད་དོ་ཞེས་སྨྲས་པ་དང་། དེ་ཅང་མི་ཟེར་བར་འདུག་གོ། །སྦོམ་དགའ་མོ་དབྱར་མོ་ཁང་དུ་སོང་ནས་རྐེད་བཅིངས་བཅངས་སོ། །དུས་ཕྱི་ཞིག་ན་སྦོམ་དགའ་མོ་ཆུ་བོ་ཨ་
D6.011.0141a06.01ཛིར་བ་ཏིའི་དྲུང་ན་དགེ་སློང་མ་དག་དང་ལྷན་ཅིག་ཁྲུས་བྱེད་པ་ན་དེ་དག་གིས་མཐོང་ནས། འཕགས་མ་བདག་ཅག་གི་རྐེད་པ་ནི་སྦོམ་ཞིང་སྦོམ་ལ། ཁྱོད་ཀྱི་ཕྲ་ཞིང་ཕྲ་བ་འདི་ཅིའི་ཕྱིར་ཞེས་དྲིས་པ་དང་། དེས་ནུ་མོ་དག་བདག་ནི་རྐེད་བཅིངས་བཅངས་སོ། །དེ་བས་ན་བདག་གི་
D6.011.0141a07.01