完整藏文原文 · 德格版页 当前仅加载第 11 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་། །དེ་ནས་ཨ་མྲ་སྐྱོང་མ་སྟན་ལས་ལངས་ཏེ་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་
D6.011.0242b01.01འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱར་ཞིང་མཆིས་ན་གནང་བར་མཛད་དུ་གསོལ། བཅོམ་ལྡན་འདས་ཅང་མི་གསུང་བས་ཨ་མྲ་སྐྱོང་མ་ལ་གནང་བར་མཛད་དོ། །དེ་ནས་ཨ་མྲ་སྐྱོང་མ་
D6.011.0242b02.01བཅོམ་ལྡན་འདས་ཅང་མི་གསུང་བས་གནང་བར་རིག་སྟེ། བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རངས་ཏེ་མངོན་པར་བསྟོད་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །ཡངས་པ་ཅན་གྱི་ལིཙྪ་བཱི་
D6.011.0242b03.01རྣམས་ཀྱིས་བཅོམ་ལྡན་འདས་སྤོང་བྱེད་ནས་ལྗོངས་རྒྱུ་ཞིང་གཤེགས་ཏེ་ཡངས་པ་ཅན་དུ་བྱོན་ནས་ཡངས་པ་ཅན་གྱི་ཨ་མྲ་སྐྱོང་མའི་ཚལ་ན་བཞུགས་སོ་ཞེས་ཐོས་སོ། །ཐོས་ནས་ཀྱང་རང་རང་གི་ཤིང་རྟ་ལ་ཞོན་ཏེ། ཁ་ཅིག་ནི་རྟ་སྔོན་པོ། །ཤིང་རྟ་སྔོན་པོ། སྲབ་སྐྱོགས་དང་།
D6.011.0242b04.01ལྕག་སྔོན་པོ། །ཐོར་ཚུགས་དང་། གདུགས་དང་། རལ་གྲི་ཤུབས་སྔོན་པོ་དང་། རྔ་ཡབ་ནོར་བུའི་ཡུ་བ་ཅན་དང་། གོས་དང་། རྒྱན་དང་། བྱུག་པ་སྔོན་པོ་དང་། འཁོར་སྔོན་པོ་དང་། ཁ་ཅིག་ནི་རྟ་སེར་པོ། ཤིང་རྟ་སེར་པོ། སྲབ་སྐྱོགས་དང་། ལྕག་སེར་པོ།
D6.011.0242b05.01ཐོར་ཚུགས་དང་། གདུགས་སེར་པོ། རལ་གྲི་ཤུབས་དང་། རྔ་ཡབ་ནོར་བུའི་ཡུ་བ་ཅན་དང་། གོས་དང་། རྒྱན་དང་། བྱུག་པ་སེར་པོ། འཁོར་སེར་པོ་དང་། ཁ་ཅིག་ནི་རྟ་དམར་པོ། ཤིང་རྟ་དམར་པོ། སྲབ་སྐྱོགས་དང་ལྕག་དམར་པོ། ཐོར་ཚུགས་དང་གདུགས་
D6.011.0242b06.01དམར་པོ། རལ་གྲི་ཤུབས་དང་། རྔ་ཡབ་ནོར་བུའི་ཡུ་བ་ཅན་དང་། གོས་དང་། རྒྱན་དང་། བྱུག་པ་དམར་པོ་དང་། འཁོར་དམར་པོའོ། །ཁ་ཅིག་ནི་རྟ་དཀར་པོ་དང་། ཤིང་རྟ་དཀར་པོ་དང་། སྲབ་སྐྱོགས་དང་ལྕག་དཀར་པོ་དང་། ཐོར་ཚུགས་དང་། གདུགས་དཀར་
D6.011.0242b07.01