完整藏文原文 · 德格版页 当前仅加载第 11 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
བོ་ལས་ཐོས་ནས། གྲོང་ཁྱེར་རྩྭ་ཅན་གྱི་གྱད་རྣམས་ཉི་མ་བདུན་པ་ཉིད་ལ་ཤིང་བལ་གྱི་འདའ་བ་དག་བསགས་ཏེ། ཤིང་བལ་གྱི་འདའ་བ་དག་བསགས་ནས་རས་ཟུང་ལྔ་བརྒྱ་ཡང་བསགས། རས་ཟུང་ལྔ་བརྒྱ་ཡང་བསགས་ནས། ལྕགས་ཀྱི་སྒྲོམ་ཡང་བཤམས། ལྕགས་
D6.011.0293b01.01ཀྱི་སྒྲོམ་བཤམས་ནས། དྲི་ཞིམ་པོའི་ཤིང་ཐམས་ཅད་ཀྱང་སྤུངས། དྲི་ཞིམ་པོའི་ཤིང་ཐམས་ཅད་སྤུངས་ནས་གསེར་གྱི་བུམ་པ་ཡང་སྟ་གོན་བྱས། གསེར་གྱི་བུམ་པ་སྟ་གོན་བྱས་ནས་གསེར་གྱི་ཁྱོགས་དག་ཀྱང་བཤམས་ཏེ། གསེར་གྱི་ཁྱོགས་བཤམས་ནས་གྲོང་ཁྱེར་རྩྭ་
D6.011.0293b02.01ཅན་ནས་ཆུ་བོ་དབྱིག་ལྡན་གྱི་བར་དང་། ཤིང་སཱ་ལ་ཟུང་གི་ཚལ་ནས་གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་བར་དཔག་ཚད་བཅུ་གཉིས་ཐོག་ཐག་ཇི་ཙམ་དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་ཆ་སྤྱད་དག་ཐོགས་ནས་གྲོང་ཁྱེར་རྩྭ་ཅན་ནས་བྱུང་སྟེ།
D6.011.0293b03.01ཤིང་སཱ་ལ་ཟུང་གི་ཚལ་ག་ལ་བར་སོང་ནས་ཕྱིན་པ་དང་། སེང་གེའི་ཁྲི་ལ་གཟིམས་པ་ལ་དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པར་བྱས་སོ། །གཞན་ཡང་གྲོང་ཁྱེར་རྩྭ་ཅན་གྱི་གྱད་
D6.011.0293b04.01གཙོ་བོ་གཙོ་བོ་དག་གིས་གྲོང་ཁྱེར་རྩྭ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩྭ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ་ཤེས་ལྡན་གནས་འཇོག་དག་ཉོན་ཅིག །གྱད་ཀྱི་ཆུང་མ་དང་། གྱད་ཀྱི་བུ་མོ་དག་གིས་ནི་བཅོམ་ལྡན་འདས་ལ་གོས་ཀྱི་བླ་
D6.011.0293b05.01རེ་བྲེས་ཤིག །གྱད་རྣམས་དང་། གྱད་གཞོན་ནུ་དག་གིས་ནི་བཅོམ་ལྡན་འདས་ཀྱི་ཁྱོགས་ཟུང་ཤིག །ངེད་ཅག་གིས་ནི་དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟིར་བྱ། བླ་མར་བྱ། རི་མོར་བྱ། མཆོད་པར་བྱ་སྟེ།
D6.011.0293b06.01གྲོང་ཁྱེར་རྩྭ་ཅན་གྱི་ནུབ་སྒོ་ནས་དབུས་ཐོག་ཐག་ཏུ་ཞུགས་ནས་གྲོང་ཁྱེར་རྩྭ་ཅན་གྱི་ཤར་སྒོར་བྱུང་སྟེ་ཆུ་བོ་དབྱིག་ལྡན་རྒལ་ནས་གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་དྲུང་དུ་བཞུགས་སུ་གསོལ་ལ་ཞུགས་ལ་བཞེན་པར་བྱའོ། །དེ་ནས་གྲོང་ཁྱེར་རྩྭ་ཅན་གྱི་གྱད་རྣམས་ཀྱིས་དེ་བཞིན་
D6.011.0293b07.01