完整藏文原文 · 德格版页 当前仅加载第 11 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
དྲུག་གི་བསླབ་པ་གསོལ་ན། དེའི་སླད་དུ་འཕགས་མའི་དགེ་འདུན་མས་མིང་འདི་ཞེས་བགྱི་བ་ཁྱིམ་ན་གནས་པ་ལོ་བཅུ་ལོན་པའམ། གཞོན་ནུ་མ་ལོ་{བཅྭ་,བཅོ་}བརྒྱད་མ་སྟེ། མཁན་མོ་མིང་འདི་ཞེས་བགྱི་བས་དགེ་སློང་མའི་དགེ་འདུན་ལས་ལོ་གཉིས་སུ་ཆོས་དྲུག་དང་རྗེས་སུ་འབྲང་བའི་
D6.011.0108a01.01ཆོས་དྲུག་གི་བསླབ་པ་གསོལ་ན། གང་མིང་འདི་ཞེས་བགྱི་བ་ཁྱིམ་ན་གནས་པ་ལོ་བཅུ་ལོན་པའམ། གཞོན་ནུ་མ་ལོ་{བཅྭ་,བཅོ་}བརྒྱད་མ་སྟེ། ཆོས་དྲུག་དང་རྗེས་སུ་འབྲང་བའི་ཆོས་དྲུག་གི་བསླབ་པ་སྩལ་བར་འཕགས་མའི་དགེ་འདུན་རྣམས་གང་བཟོད་པ་ནི་ཅང་མ་གསུང་ཤིག །མི་བཟོད་པ་རྣམས་
D6.011.0108a02.01ནི་གསུང་ཤིག །མིང་འདི་ཞེས་བགྱི་བ་ཁྱིམ་ན་གནས་པ་ལོ་བཅུ་ལོན་པ་དང་། གཞོན་ནུ་མ་ལོ་{བཅྭ་,བཅོ་}བརྒྱད་མ་སྟེ། ཆོས་དྲུག་དང་རྗེས་སུ་འབྲང་བའི་ཆོས་དྲུག་འཕགས་མའི་དགེ་འདུན་རྣམས་ཀྱིས་སྩལ་ཏེ། འཕགས་མའི་དགེ་འདུན་མ་རྣམས་བཟོད་ཅིང་གནང་སྟེ་ཅང་མི་གསུང་བས་ན་དེ་དེ་
D6.011.0108a03.01བཞིན་དུ་འཛིན་ཏོ། །དེ་ནས་དེ་ལ་ཆོས་དྲུག་དང་རྗེས་སུ་འབྲང་བའི་ཆོས་དྲུག་ཞིབ་ཏུ་སྟོན་ཅིག །དྲུག་གང་ཞེ་ན། གཅིག་པུ་གྲོང་དུ་མི་འགྲོ་དང་། །ཆུ་བོ་ཕ་རོལ་མི་རྒལ་ལོ། །སྐྱེས་པ་དག་དང་རེག་མི་བྱ། །སྐྱེས་པ་དང་ཡང་གནས་མི་གཅིག །སྨྱན་དུ་འགྱུར་བ་མི་བྱ་སྟེ། །ཁ་ན་མ་ཐོ་མི་
D6.011.0108a04.01བཅབ་པོ། །འདི་ནི་དེ་བཞིན་གཤེགས་པ་ཡིས། །གསུང་རབ་ཀྱི་ནི་ཆོས་དྲུག་གསུངས། །རྗེས་སུ་འབྲང་བའི་ཆོས་དྲུག་གང་ཞེ་ན། གསེར་ལ་སོགས་པ་མི་བཟུང་སྟེ། །གསང་བའི་སྤུ་ནི་བྲེག་མི་བྱ། །ས་ཡང་བརྐོ་བར་མི་བྱ་ཞིང་། །གླེན་པས་རྩྭ་སྔོན་མི་གཅད་དོ། །བྱིན་ལེན་མ་བྱས་
D6.011.0108a05.01ཟས་མི་བཟའ། །གཞག་པ་རྣམས་ནི་བཟའ་མི་བྱ། །རྗེས་སུ་འབྲང་བའི་ཆོས་དྲུག་འདི། །བདེ་བར་གཤེགས་པས་མ་གནང་ངོ་། །ནམ་ལོ་གཉིས་སུ་ཆོས་དྲུག་དང་རྗེས་སུ་འབྲང་བའི་ཆོས་དྲུག་གིས་བསླབ་པར་གྱུར་ན། དེ་ནས་ཚངས་པར་སྤྱོད་པ་ལ་རིམ་གྲོར་བྱ་བའི་སྡོམ་པ་སྦྱིན་པར་
D6.011.0108a06.01བྱའོ། །ཐོག་མར་མཁན་མོས་ཆོས་གོས་ལྔ་དང་། ལྷུང་བཟེད་ཤོམས་ལ་གསང་བ་སྟོན་པ་དང་། ལས་བྱེད་པའི་དགེ་སློང་མ་གསོལ་ཅིག །དེའི་འོག་ཏུ་དགེ་སློང་མའི་དགེ་འདུན་མ་རྣམས་འདུས་ཤིང་འཁོད་པ་དང་། ཉུང་ན་ཡང་དགེ་སློང་མ་བཅུ་གཉིས་འདུས་པའི་འཁོར་ལ་ལན་གསུམ་
D6.011.0108a07.01