完整藏文原文 · 德格版页 当前仅加载第 11 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
བགོས་ལྷུང་བཟེད་ཐོགས་ཏེ་མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་སོ། །དགེ་སློང་མ་སྦོམ་དགའ་མོ་ཡང་བསོད་སྙོམས་ཀྱི་ཕྱིར་ཞུགས་པ་དང་། ཚེ་དང་ལྡན་པ་འོད་སྲུང་ཆེན་པོ་བཤང་སའི་ཆུ་ཁུང་དང་ཉེ་བ་ཞིག་ནས་མར་སོང་བ་དང་། སྦོམ་དགའ་མོས་མཐོང་སྟེ། དེས་
D6.011.0142b01.01བསམས་པ། བླུན་པོ་འདི་མི་དགའ་བར་འགྱུར་བ་ཞིག་བྱའོ་སྙམ་ནས་མྱུར་ཞིང་རིངས་པར་སོང་སྟེ། བཤང་སའི་ཆུ་ཁུང་གི་ནང་དུ་ཕ་གུ་འཕངས་པ་དང་། ཚེ་དང་ལྡན་པ་འོད་སྲུང་ཆེན་པོའི་ཆོས་གོས་དང་བསོད་སྙོམས་ཀྱི་སྣོད་རྣམས་མ་རུང་བར་བྱས་ནས་དེས་སྨྲས་པ། སྲིང་མོ་ཁྱོད་
D6.011.0142b02.01ཀྱིས་ནི་མ་ཉེས་པ་ནས་སྔ་མ་བཞིན་ཏེ་དེ་ལྟ་བུར་གྱུར་པ་དགེ་སློང་དག་གིས་ཐོས་ནས་བཅོམ་ལྡན་འདས་ལ་གསོལ་བའི་བར་དུ་སྟེ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་དགེ་སློང་མས་དགེ་སློང་ཕ་ལ་མི་གཙང་བས་མ་རུང་བར་མ་བྱེད་ཅིག །དགེ་སློང་ཕ་
D6.011.0142b03.01ལ་མི་གཙང་བས་མ་རུང་བར་བྱེད་ན་འདས་པ་དང་བཅས་པར་འགྱུར་རོ། །གླེང་གཞི་མཉན་དུ་ཡོད་པ་ན་སྟེ། མཉན་དུ་ཡོད་པ་ན་ཁྱིམ་བདག་གཞན་ཞིག་ཕྱུག་ཅིང་ནོར་མང་ལ་ལོངས་སྤྱོད་ཆེ་བ་ཞིག་འདུག་སྟེ། དེས་རིགས་མཉམ་པ་ལས་ཆུང་མ་ཞིག་བླངས་ཏེ་དེ་དང་ལྷན་ཅིག་ཏུ་རྩེ་དགའ་
D6.011.0142b04.01ཡང་ཡོངས་སུ་སྤྱོད་དོ། །དེ་དུས་ཕྱི་ཞིག་ན་ཟོང་ཁྱེར་ནས་ཡུལ་གཞན་དུ་སོང་བ་དང་། དེས་ཆུང་མ་ལ་སྨྲས་པ། བཟང་མོ་ང་ཟོང་ཁྱེར་ཏེ་ཡུལ་གཞན་དུ་འགྲོས་ཁྱོད་མི་གཡེང་ཞིང་བག་ཡོད་པར་ཁྱིམ་སྲུངས་ཤིག །དེས་ཇོ་བོ་ལེགས་ཏེ་དེ་བཞིན་དུ་བགྱིས། དུས་དུས་སུ་
D6.011.0142b05.01གཏམ་སྤྲིངས་ཤིག་ཅེས་སྨྲས་སོ། །དེ་ཟོང་ཁྱེར་ཏེ་ཡུལ་གཞན་དུ་སོང་བ་དང་། དེའི་ཆུང་མ་དེ་གོས་དང་ཟས་བཟང་བའི་ཕྱིར་ཉོན་མོངས་པས་གཟིར་བར་གྱུར་ཏེ། དེས་སྐྱེས་པ་གཞན་དང་ལྷན་ཅིག་ཏུ་ཡོངས་སུ་སྤྱད་པས་སེམས་ཅན་དང་ལྡན་པར་གྱུར་ནས་བསམས་པ། མངལ་
D6.011.0142b06.01ན་གནས་པ་བསད་དོ། །བདག་གི་ཁྱོ་འོངས་པ་དང་མ་རུང་བར་བྱེད་དོ་སྙམ་ནས། དེས་མངལ་ན་གནས་པ་བསད་ནས་ལྟུང་བར་བྱ་སྟེ། འདི་ཇི་ལྟར་དོར། གང་དུ་དོར་མི་ཤེས་ཏེ་རབ་ཏུ་སེམས་ཁོང་དུ་ཆུད་ཅིང་འདུག་པ་དང་། སྦོམ་དགའ་མོ་ཁྱིམ་དེར་བསོད་སྙོམས་ལ་
D6.011.0142b07.01