完整藏文原文 · 德格版页 当前仅加载第 11 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
ཉེས་མེད་བསད་ནས་ནི། །བློ་རྨོངས་མྱ་ངན་བྱེད་ཅིང་བཟང་མོ་ཞེས། །དེ་ལ་བཞམས་ཏེ་ཉེས་ཅིག་བཟོད་གསོལ་བ། །དེ་བཞིན་རྒྱལ་པོ་གཟུ་ལུམས་སྤྱོད་པ་ཡིས། །ཞི་བ་ཡིད་དང་འཐད་པ་འདིར་བསད་ནས། །བློ་རྨོངས་མྱ་ངན་བྱེད་ཅིང་བཟང་མོ་ཞེས། །དེ་ལ་བཞམས་
D6.011.0018a01.01ཏེ་ཉེས་ཅིག་བཟོད་པ་གསོལ། །ཞེས་བགྱི་བ་ལགས་ཏེ། ལྷ་ཁྱོད་ཀྱིས་གསུངས་པའི་དོན་ནི་བདག་དཔེ་དེ་དང་འདྲ་བ་སྙམ་བགྱིད་དོ། །ལྷ་གཞན་ཡང་ཁྱིམ་བདག་ཅིག་དབྱར་འདས་པ་དང་སྟོན་གྱི་དུས་སུ་སྲན་མའི་ཁུར་འཚལ་ནས་ཞིང་ཐོག་ཏུ་ཆས་སོ། །དེས་སྲན་མའི་
D6.011.0018a02.01ཁུར་དེ་ཤིང་དྲུང་ཞིག་ཏུ་བཞག་ནས་ཕ་ཟད་དུ་བཤང་བའི་སར་མཆིས་པ་དང་། ཇི་ཙམ་ན་སྤྲེའུ་ཞིག་ཤིང་དེ་ལས་བབས་ནས་སྲན་མ་ལས་སྤར་གང་བླངས་ཏེ་ཡང་ཤིང་དེ་ལས་འཛེགས་སོ། །དེ་འཛེག་པ་ན་སྲན་མ་འབྲུམ་བུ་གཅིག་ཤོར་དེ་ས་ལ་ལྷུང་ནས་དེས་སྲན་མ་སྤར་གང་པོ་དེ་
D6.011.0018a03.01བོར་ཏེ། སྲན་མ་འབྲུམ་བུ་ཅིག་པོ་དེ་བཙལ་བར་བརྩམས་པ་ན། ཁྱིམ་བདག་དེས་དེ་ལ་བོང་བ་ཅིག་བསྣུན་ཏེ་དེ་དུས་ལས་འདས་པ་དང་ལྷས་ཚིགས་སུ་བཅད་དེ་སྨྲས་པ། སྲན་མ་སྤར་གང་བོར་ནས་སུ། །གང་ཞིག་འབྲས་བུ་གཅིག་ཚོལ་བ། །ཤིན་ཏུ་ཚོགས་མང་ལྡན་པ་ཡི། །
D6.011.0018a04.01སྤྲེའུ་འདི་ཀྱེ་མ་རེ་མི་མཛངས། །ཞེས་བགྱི་བ་ལགས་ཏེ་ལྷས་གསུངས་པའི་དོན་གང་ཞིག་བ་ལང་སྐྱོང་གི་མ་བཀུམ་ནས། ཡང་བཟོད་པ་གསོལ་བར་བཞེད་པ་ནི་བདག་དཔེ་དེ་དང་འདྲ་བ་སྙམ་བགྱིད་དོ། །རྒྱལ་པོས་སྨྲས་པ། གསོས་པ་ཁྱོད་ཀྱིས་ཚིག་ཅིག་ཁོ་ནའི་ཁ་ལ་བ་ལང་
D6.011.0018a05.01སྐྱོང་གི་མ་ཞི་བ་བསད་དོ། །དེས་སྨྲས་པ། ལྷ། སྟོན་པ་གང་ཟག་ཟླ་མེད་པ། །གཅིག་པུ་ཚིག་ནི་གཅིག་གསུང་སྟེ། །གསུང་བ་དེ་ནི་ངེས་ལགས་པས། །འདི་ལ་བདག་བློ་འགྱུར་མ་མཆིས། །ཞེས་བགྱི་བ་ཁྱོད་ཀྱིས་མ་གསན་ཏམ། རྒྱལ་པོས་སྨྲས་པ། གསོས་པ་ཁྱོད་ཀྱིས་
D6.011.0018a06.01གང་གི་ཕྱིར་བ་ལང་སྐྱོང་གི་མ་ཞི་བ་བསད་པས་ང་ལོང་བར་བྱས་སོ། །དེས་སྨྲས་པ། ལྷ། ལྷ་དང་མིར་བཅས་འཇིག་རྟེན་འདིར། །ལོང་བ་གཉིས་ནི་ངེས་གྲུབ་པ། །རང་བཞིན་གྱིས་ནི་དམུས་ལོང་དང་། །གང་ཡང་ཆོས་ལ་མི་གནས་པའོ། །འཇིག་རྟེན་འདི་དང་ཕ་
D6.011.0018a07.01