完整藏文原文 · 德格版页 当前仅加载第 11 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
སླད་དུ་སྤང་ཞིང་ཡལ་བར་དོར་དུ་གསོལ། དེ་དག་གིས་སྨྲས་པ། འདི་ལྟར་བདག་ཅག་ནི་ལྷ་ལ་མཛའ་བཤེས་བཞིན་བགྱིད་དེ་འགྲན་ཟླར་མི་བགྱིད་ན། ལྷས་མི་རྣམས་ནི་ཡུན་ཐུང་ངུར་འཚོ་བ་སྐྱེས་ནས་མི་འཆི་བ་མེད་ཅིང་ཚེ་རབས་གཞན་དུ་མཆི་བར་འགྱུར་བས་
D6.011.0273a01.01དགེ་བ་བགྱིའོ། །ཚངས་པར་སྤྱོད་པ་སྤྱད་དོ། །ལྷ་གང་དག་སྐད་ཅིག་ཐང་ཅིག་ཡུད་ཙམ་ལ་ལྷའི་སྐུ་ཐམས་ཅད་ནས་ཐམས་ཅད་དུ་འཇིག་པར་འགྱུར་ཞིང་མི་དགའ་སྟེ། གང་ལྷའི་བུད་མེད་བརྒྱད་ཁྲི་བཞི་སྟོང་ལ་འདུན་པ་དང་། ཆགས་པ་དང་། སྡུག་པ་དང་། དགྱེས་པ་དང་།
D6.011.0273a02.01ཡིད་དུ་མཆི་བར་འགྱུར་བའི་གནས་དེ་དག་ལྷ་འཚོ་བར་བགྱི་བའི་སླད་དུ་སྤང་ཞིང་བཏང་སྙོམས་སུ་མཛད་དུ་གསོལ། གང་དག་ལྷས་བློན་པོ་རིན་པོ་ཆེ་ལ་སོགས་པ་མཐའི་རྒྱལ་ཕྲན་བརྒྱད་ཁྲི་བཞི་སྟོང་དང་། གླང་པོ་ཆེའི་རྒྱལ་པོ་ཉེ་བའི་གསོ་སྦྱོང་ལ་སོགས་པ་གླང་པོ་ཆེ་བརྒྱད་
D6.011.0273a03.01ཁྲི་བཞི་སྟོང་དང་། རྟའི་རྒྱལ་པོ་སྤྲིན་གྱི་ཤུགས་ཅན་ལ་སོགས་པ་རྟ་བརྒྱད་ཁྲི་བཞི་སྟོང་དང་། ཤིང་རྟ་དགའ་དབྱངས་ལ་སོགས་པ་ཤིང་རྟ་བརྒྱད་ཁྲི་བཞི་སྟོང་དང་། རྒྱལ་པོའི་ཕོ་བྲང་རྩྭ་ཅན་ལ་སོགས་པ་གྲོང་ཁྱེར་བརྒྱད་ཁྲི་བཞི་སྟོང་དང་། ཁང་པ་རྩེག་མ་བ་གམ་ཅན་ལ་
D6.011.0273a04.01སོགས་པ་ཁང་པ་རྩེག་མ་བརྒྱད་ཁྲི་བཞི་སྟོང་ལ་འདུན་པ་དང་། ཆགས་པ་དང་། སྡུག་པ་དང་། དགྱེས་པ་དང་། ཡིད་དུ་མཆི་བར་འགྱུར་བའི་གནས་དེ་ལྷ་འཚོ་བར་བགྱི་བའི་སླད་དུ་སྤང་ཞིང་བཏང་སྙོམས་སུ་མཛད་དུ་གསོལ། དེ་ནས་རྒྱལ་པོ་ལེགས་མཐོང་ཆེན་པོ་
D6.011.0273a05.01ལ་བཙུན་མོ་རིན་པོ་ཆེས་གདམས་པ་འདི་བཏམས་པ་དང་། ཆོས་དང་མཐུན་པའི་ཁང་{བཟངས་སུ་,བཟང་དུ་}འཛེགས་ཏེ། གསེར་ལས་བྱས་པའི་ཁང་པ་རྩེག་མར་ཞུགས་ནས། དངུལ་ལས་བྱས་པའི་ཁྲིའི་སྟེང་ན་འདུག་གོ། །ཁྲིའི་སྟེང་དུ་འདུག་ནས་བྱམས་པ་དང་ལྡན་པའི་
D6.011.0273a06.01སེམས་འཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ། རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས་ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དེ་བཞིན་དུ་གཉིས་པ་དང་། དེ་བཞིན་དུ་གསུམ་པ་དང་། དེ་
D6.011.0273a07.01