完整藏文原文 · 德格版页 当前仅加载第 11 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
དགུ་འདས་པ་དང་། དེ་ལས་བུ་མོ་ཞིག་བྱུང་སྟེ་དེ་ཞག་བདུན་གསུམ་ཉི་ཤུ་གཅིག་གི་བར་དུ་བཙས་པའི་བཙས་སྟོན་ཆེན་པོ་རྒྱ་ཆེར་བྱས་ཏེ། རིགས་དང་མཐུན་པའི་མིང་བཏགས་ནས། དེ་ནས་ལུས་ཆེར་གྱུར་པ་དེ་ན་རབ་ཏུ་འབྱུང་བར་འདོད་པས་དེའི་ཕ་མ་དག་གིས་རབ་ཏུ་འབྱུང་དུ་མི་
D6.011.0169b01.01སྟེར་རོ། །ཁྱིམ་དེ་ནི་དགེ་སློང་མ་རྒན་མོ་གཞན་ཞིག་རིགས་ལ་སྟོན་པར་བྱེད་ཅིང་། དེའི་ཁྱིམ་དུ་དུས་དུས་སུ་འོང་ངོ་། །བུ་མོ་དེས་དགེ་སློང་མ་རྒན་མོ་དེ་ལ་འཕགས་མ་བདག་ནི་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་ནས་དགེ་སློང་མའི་དངོས་པོར་
D6.011.0169b02.01འཚལ་ན། བདག་གི་ཕ་མས་མི་གནང་ཞིང་ཁྱིམ་ལས་ཕྱིར་འབྱུང་དུ་ཡང་མི་སྟེར་ན། གནས་འདི་ཉིད་དུ་རབ་ཏུ་འབྱུང་བར་ནུས་སམ་ཞེས་སྨྲས་པ་དང་། དེས་བུ་མོ་བཅོམ་ལྡན་འདས་ལ་ཞུས་ཏེ་བྱའོ་ཞེས་སྨྲས་ནས། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་
D6.011.0169b03.01འོད་སྲུང་ལ་ཞུས་པ་དང་། དེ་ཉིད་ཕྲིན་པར་བཏང་སྟེ། ཁྱིམ་ན་འདུག་བཞིན་དུ་རབ་ཏུ་ཕྱུང་ནས་དགེ་སློང་མའི་སྡོམ་པ་གནང་ནས་དགེ་འདུན་སྡེ་གཉིས་ཀྱིས་བསྙེན་པར་རྫོགས་པར་བྱས་ཏེ། དགེ་སློང་མ་རྒན་མོ་དེས་དེ་ལ་ཆོས་བཤད་པ་དང་། དེ་ཁྱིམ་ན་འདུག་བཞིན་དུ་དགྲ་བཅོམ་
D6.011.0169b04.01པ་མངོན་དུ་བྱས་སོ། །དེ་ནས་དགེ་སློང་མ་རྒན་མོས་བསམས་པ། བུ་མོ་འདིས་ཁྱིམ་ན་འདུག་བཞིན་དུ་ཕྲིན་གྱིས་རབ་ཏུ་བྱུང་སྟེ་སློབ་པའི་སྡོམ་པ་དང་བསྙེན་པར་རྫོགས་པ་ཐོབ། ཁྱིམ་ན་འདུག་བཞིན་དུ་དགྲ་བཅོམ་པ་མངོན་དུ་བྱས་པ་དེ་ཐམས་ཅད་ཀྱང་བདག་ལས་གྱུར་ཏེ།
D6.011.0169b05.01བདག་གིས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་ཚེ་ཚངས་པར་སྤྱད་པའི་དགེ་བའི་རྩ་བས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་བུ་ཁྱོད་སྐྱེ་དགུ་ལོ་བརྒྱ་ཐུབ་པའི་ཚེ་དེ་བཞིན་
D6.011.0169b06.01གཤེགས་པ་བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་དེའི་བསྟན་པ་ལ་འདི་ལྟར་བདག་ཁྱིམ་ན་འདུག་བཞིན་དུ་ཕྲིན་གྱིས་རབ་ཏུ་ཕྱུང་། བསླབ་པའི་སྡོམ་པ་དང་། དགེ་སློང་མའི་དངོས་པོ་ཐོབ་
D6.011.0169b07.01