完整藏文原文 · 德格版页 当前仅加载第 11 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སེམས་ཀུན་དུ་དག་པ། ཡོངས་སུ་བྱང་བ། ཉེས་པ་མེད་པ། ཉེ་བའི་ཉོན་མོངས་པ་ལས་ཀྱང་བྲལ་བ་དྲང་པོར་གྱུར་ཅིང་ལས་སུ་རུང་བར་གནས་པས་མི་གཡོ་བ་ཐོབ་སྟེ། སྔོན་གྱི་གནས་ལ་རྗེས་སུ་དྲན་པའི་ཡེ་ཤེས་མངོན་པར་བྱ་བའི་ཕྱིར་མངོན་པར་ཤེས་པ་དག་ལ་སེམས་མངོན་པར་
D6.011.0215a01.01འཇུག་སྟེ། དེས་རྣམ་པ་དུ་མའི་སྔོན་གྱི་གནས་ལ་རྗེས་སུ་དྲན་པ་ནི་འདི་ལྟ་སྟེ། སྐྱེ་བ་གཅིག་དང་། གཉིས་དང་། གསུམ་དང་། བཞི་དང་། ལྔ་དང་། དྲུག་དང་། བདུན་དང་། བརྒྱད་དང་། དགུ་དང་། བཅུ་དང་། ཉི་ཤུ་དང་། སུམ་བཅུ་དང་། བཞི་བཅུ་དང་། ལྔ་བཅུ་དང་། སྐྱེ་བ་བརྒྱད་
D6.011.0215a02.01དང་། སྐྱེ་བ་སྟོང་དང་། སྐྱེ་བ་བརྒྱ་སྟོང་དུ་མ་དང་། འཇིག་པའི་བསྐལ་པ་དང་། འབྱུང་བའི་བསྐལ་པ་དང་། འཇིག་པ་དང་འབྱུང་བའི་བསྐལ་པ་དང་། འཇིག་པའི་བསྐལ་པ་དུ་མ་དང་། འབྱུང་བའི་བསྐལ་པ་དུ་མ་དང་། འཇིག་པ་དང་འབྱུང་བའི་བསྐལ་པ་དུ་མ་ཡང་རྗེས་སུ་དྲན་ནོ། །སྐྱེ་བའི་
D6.011.0215a03.01སེམས་ཅན་དེ་དག་ནི་འདི་ཞེས་བྱ་སྟེ། བདག་ཀྱང་དེ་ན་མིང་འདི་ཞེས་བྱ། རིགས་ནི་འདིའོ། །རུས་ནི་འདིའོ། །ཁ་ཟས་ནི་འདི་ལྟ་བུའོ། །བདེ་བ་དང་། སྡུག་བསྔལ་འདི་ལྟ་བུ་ཡང་སོ་སོར་མྱོང་སྟེ། ཚེ་འདི་ལྟ་བུར་རིང་། འདི་ལྟ་བུར་རིང་དུ་གནས་ཏེ། ཚེའི་མཐའ་ནི་འདི་ཙམ་དུ་གྱུར་ནས་དེ་
D6.011.0215a04.01ནས་བདག་ཤི་འཕོས་ཏེ་ཆེ་གེ་མོ་ཞིག་ཏུ་སྐྱེས་སོ། །དེ་ནས་ཀྱང་ཤི་འཕོས་ཏེ་ཆེ་གེ་མོ་ཞིག་ཏུ་སྐྱེས་ཏེ། དེ་ནས་ཀྱང་ཤི་འཕོས་ཏེ་འདིར་སྐྱེས་སོ་ཞེས་དབྱིབས་དང་། གནས་ཀྱི་གཏན་ཚིགས་སུ་བཅས་པ་རྣམ་པ་དུ་མའི་སྔོན་གྱི་གནས་རྗེས་སུ་དྲན་ནོ། །དེ་འདི་ལྟ་སྟེ། སྐྱེས་བུ་ཞིག་གྲོང་ནས་གྲོང་
D6.011.0215a05.01དུ་འགྲོའོ། །གྲོང་དེ་ནས་ཡང་གཞན་དུ་སོང་བ་དང་། དེ་འདི་སྙམ་དུ་གྱུར་ཏོ། །བདག་ནི་ཆེ་གེ་མོ་ཞིག་གི་གྲོང་ནས་ཆེ་གེ་མོ་ཞིག་གི་གྲོང་དུ་འགྲོ་སྟེ། དེ་ནས་ཡང་ཆེ་གེ་མོ་ཞིག་ཏུ་འགྲོའོ། །དེ་ནས་གྲོང་འདིར་ཕྱིན་ཏོ། །དེ་ལྟར་འདི་བཞིན་དུ་དེས་འདི་བཞིན་མཉམ་པར་གཞག་པའི་སེམས་ཀུན་དུ་དག་
D6.011.0215a06.01པ། ཡོངས་སུ་བྱང་བ། ཉེས་པ་མེད་པ། ཉེ་བའི་ཉོན་མོངས་པ་དང་བྲལ་བ་དྲང་པོར་གྱུར་ཅིང་ལས་སུ་རུང་བར་གནས་པས་མི་གཡོ་བ་ཐོབ་སྟེ། སྔོན་གྱི་གནས་ལ་རྗེས་སུ་དྲན་པའི་ཡེ་ཤེས་མངོན་པར་བྱ་བའི་ཕྱིར་མངོན་པར་ཤེས་པ་དག་ལ་སེམས་མངོན་པར་འཇུག་གོ། །དེས་རྣམ་པ་དུ་མའི་སྔོན་གྱི་
D6.011.0215a07.01