完整藏文原文 · 德格版页 当前仅加载第 11 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཤེས་སམ། དེ་བས་ན་བདག་ཅག་ཀྱང་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། བཅོམ་ལྡན་འདས་ཀྱི་སྐུ་གདུང་གི་སྐལ་བ་བླང་བར་བྱའོ། །དེས་ལྷ་དེ་བཞིན་དུ་གོ་བསྐོན་པར་བགྱིའོ་ཞེས་སྨྲས་ནས། དེས་དཔུང་གི་
D6.011.0298a01.01ཚོགས་ཡན་ལག་བཞི་པ་གོ་བསྐོན་ཏེ། རྒྱལ་པོ་མ་སྐྱེས་དགྲ་ཡང་གླང་པོ་ཆེ་ལ་ཞོན་པ་དང་། དེས་བཅོམ་ལྡན་འདས་ཀྱི་ཡོན་ཏན་རྗེས་སུ་དྲན་པས་བརྒྱལ་བར་གྱུར་ཏོ། །དེ་ནས་གླང་པོ་ཆེ་ལས་ཕབ་སྟེ་རྟ་ལ་བསྐྱོན་པ་དང་། དེར་ཡང་བརྒྱལ་བར་གྱུར་ཏེ། དེས་
D6.011.0298a02.01སྨྲས་པ། དབྱར་བྱེད་ངས་ནི་མི་ནུས་ཀྱིས། ཁྱོད་ཉིད་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། སོང་ལ་གྲོང་ཁྱེར་རྩྭ་ཅན་གྱི་གྱད་རྣམས་ལ་ངའི་བཀས་གནོད་པ་ཆུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་
D6.011.0298a03.01བདེ་བ་ལ་རེག་པར་གནས་སམ་ཞེས་ནད་དྲིས་ལ་འདི་སྐད་ཅེས། ཤེས་ལྡན་དག་བཅོམ་ལྡན་འདས་དེ་ནི་ང་ལ་ཡུན་རིང་པོ་ནས་ཕངས་ཤིང་སྡུག་པ་བླ་མར་གྱུར་པ་ཡིན་ཏེ། དེ་ཁྱེད་ཀྱི་གྲོང་གི་ཉེན་ཀོར་དུ་ཡོངས་སུ་མྱ་ངན་ལས་འདས་པར་གྱུར་ན། ཤེས་ལྡན་དག་
D6.011.0298a04.01བཅོམ་ལྡན་འདས་དེའི་སྐུ་གདུང་ཤ་རི་རམ་གྱི་སྐལ་བ་ང་ལ་བྱིན་ཅིག་དང་། དེས་ན་ང་རྒྱལ་པོའི་ཁབ་ཏུ་བཅོམ་ལྡན་འདས་དེའི་སྐུ་གདུང་གི་མཆོད་རྟེན་བརྩིགས་ལ། གདུགས་དང་། རྒྱལ་མཚན་དང་། བ་དན་གཟུགས་ཤིང་། དྲི་དང་། ཕྲེང་བ་དང་།
D6.011.0298a05.01བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟིར་བྱ། བླ་མར་བྱ། རི་མོར་བྱ། མཆོད་པར་བྱའོ། །མཆོད་པ་བྱས་ནས་དུས་སྟོན་ཆེན་པོ་ཡང་བྱའོ་ཞེས་བསྒོ་ཤིག །ལྷ་དེ་བཞིན་དུ་བགྱིའོ་ཞེས་ཡུལ་མ་ག་དྷཱའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས་
D6.011.0298a06.01རྒྱལ་པོ་མ་སྐྱེས་དགྲ་ལས་མཉན་ནས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། གྲོང་ཁྱེར་རྩྭ་ཅན་ག་ལ་བ་དེར་སོང་སྟེ་ཕྱིན་པ་དང་། གྲོང་ཁྱེར་རྩྭ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩྭ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ་ཤེས་
D6.011.0298a07.01