完整藏文原文 · 德格版页 当前仅加载第 11 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཁ་བཅིངས་ཏེ་ཕྲག་པ་ལ་ཐོགས་ནས་གྲོང་ཁྱེར་ཆེན་པོར་ཕྱིན་པ་དང་། དེ་ནས་ལྟས་མཁན་ཞིག་གིས་རིགས་ཀྱི་བུ་འདི་ནི་འཚོ་བ་དང་འབྲལ་དུ་ཉེའོ་ཞེས་ལུང་བསྟན་ཏོ། །མི་དེས་ཀྱང་སླར་ལོག་སྟེ་དེ་ལ་བལྟས་སོ། །དེ་ནས་དེ་ལ་ཚིག་དེ་སྐད་ཐོས་པའི་འོག་ཏུ་ཅིའི་ཕྱིར་
D6.011.0068a01.01བདག་གིས་ལྟས་མཁན་དེ་ལ་མ་དྲིས་ཞེས་འགྱོད་པ་སྐྱེས་སོ། །དེ་ཐེ་ཚོམ་སྐྱེས་ནས་བདག་གིས་དོན་དེའི་ཕྱིར་བློན་པོ་སྨན་ཆེན་པོ་ལ་མ་དྲིས་ཀྱི་བར་དུ་ཁྱིམ་དུ་མི་འགྲོའོ་སྙམ་དུ་བསམས་ནས་ཚིག་ཏུ་ཡང་སྨྲས་སོ། །དེ་སྨན་ཆེན་པོའི་དྲུང་དུ་སོང་སྟེ། འདི་ལྟར་བདག་གྲོང་ཁྱེར་དུ་མཆི་
D6.011.0068a02.01བའི་ཚེ་ལྟས་མཁན་གྱིས་འདི་ལྟར་ལུང་བསྟན་པའི་དོན་དེ་དག་སྨྲས་ནས། དེ་ལ་སླར་བདག་གིས་ནི་མ་དྲིས་ཏེ་དེ་བས་ན་ཁྱོད་ལ་གསོལ་ལོ་ཞེས་དྲིས་པ་དང་། སྨན་ཆེན་པོས་གང་ནས་འོངས་ཞེས་དྲིས་ནས་དེས་ཇི་ལྟ་བུར་གྱུར་པ་ཞིབ་ཏུ་སྨྲས་སོ། །དེས་བསམས་པ། རྐྱལ་པའི་ནང་
D6.011.0068a03.01དུ་སྦྲུལ་རེག་ན་གདུག་པ་ཡོད་ཡང་དག་གིས་ལྟས་མཁན་དེས་ཀྱང་དེའི་ཕྱིར་སྨྲས་སོ་སྙམ་ནས། དེ་ནས་སྨན་ཆེན་པོས་སྐྱེ་བོ་མང་པོའི་མངོན་སུམ་དུ་རྐྱལ་པ་འདི་ཁ་ཁྲོལ་ལ་རྒྱང་མ་ནས་ཤིང་གིས་ཁ་ཕྱེ་ཤིག་དང་གདོད་ཤེས་པར་འགྱུར་རོ། །དེ་ལྟ་བུར་བྱས་པ་དང་། རེག་ན་གདུག་
D6.011.0068a04.01པ་དེའི་ནང་ནས་མགོ་ནི་བཏེག །དབུགས་ནི་རྒོད། ལྕེ་ནི་བསྐྱོད་བཞིན་དུ་ཕྱིར་བྱུང་བ་དང་། སྨན་ཆེན་པོས་ཁྱོད་ཀྱི་དོགས་པ་དེ་ནི་འདི་ཡིན་ནོ་ཞེས་སྨྲས་སོ། །དེ་ནས་སྨན་ཆེན་པོ་ཡུལ་བལྟ་བའི་ཕྱིར་ཡན་ལག་བཞིའི་སྟོབས་མང་པོ་རྣམས་གོ་བསྐོན་ཏེ་ཕྱིར་བྱུང་ངོ་། །དེ་ནས་གྲོང་དང་།
D6.011.0068a05.01གྲོང་ཁྱེར་དང་། ཚོང་དུས་དག་བལྟས་ན་གྲོང་དང་། གྲོང་ཁྱེར་དང་། གྲོང་འདབ་འདི་སུའི་ཡིན་ཞེས་དྲིས་ན། ཡུལ་ན་གནས་བདག་གིས་འདི་ནི་བློན་པོ་ཆེ་གེ་མོ་ཞིག་གི་ལགས་སོ། །འདི་ནི་འདི་དག་གིའོ་ཞེས་སྨྲས་པ་དང་། དེ་ནས་སྨན་ཆེན་པོས་བརྟགས་ཏེ་བལྟས་ན་འདི་
D6.011.0068a06.01ལྟར་ཡུལ་ཐམས་ཅད་བློན་པོ་དྲུག་གིས་ཀུན་བསྣམས་ཏེ་རྒྱལ་པོ་སྐྱེད་པ་ནི་བཟའ་བ་དང་། བཏུང་བ་ཙམ་འབའ་ཞིག་ལ་དབང་ངོ་སྙམ་དུ་བསམས་སོ། །དེ་ནས་སྨན་ཆེན་པོས་ལྷ་གྲོང་དང་། རི་བྲགས་ཀྱི་གྲོང་དང་། གྲོང་ཁྱེར་རྣམས་སུ་དབང་ཞེས་གསོལ་པ་དང་། རྒྱལ་པོ་དེ་
D6.011.0068a07.01