完整藏文原文 · 德格版页 当前仅加载第 11 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་རེག་བྱ་ལ། ཡིད་ཀྱིས་ནི་ཆོས་ལ་ཤེས་ཀྱང་མཚན་མར་འཛིན་པར་མི་བྱེད། འབྲུར་འཛིན་པར་མི་བྱེད་དེ་གང་གི་ཕྱིར་ཡིད་ཀྱི་དབང་པོའི་སྡོམ་པས་མ་བསྡམས་པར་སྤྱོད་དེ་ཆགས་པ་དང་། ཡིད་བློང་བ་དང་། འཇིག་རྟེན་གྱི་སྡིག་པ་མི་དགེ་བའི་ཆོས་ཀྱི་རྗེས་སུ་འཇུག་པ་དེ་དག་གིས་སྡིག་པ་
D6.011.0210b01.01འཐོབ་བོ། །ཡིད་ཀྱིས་བསྡམས་པས་ཡིད་ཀྱི་དབང་པོ་སྡོམ་པར་བྱེད་དོ། །དེ་ལ་འཕགས་པའི་ཚུལ་ཁྲིམས་འདི་དང་ལྡན་པས་ན་དབང་པོ་ཡུལ་ལས་བཟློག་པ་འདིས་ན་ནང་གི་ཁ་ན་མ་ཐོ་བ་མེད་དེ་བདེ་བ་སོ་སོར་མྱོང་ངོ་། །དེ་འོང་བ་དང་། འགྲོ་བ་རབ་ཏུ་ཤེས་ཏེ་གནས་པར་གྱུར་པས་ན་སྣང་བ་དང་།
D6.011.0210b02.01ཀུན་དུ་སྣང་བ་དང་། བསྐུམ་པ་དང་། བརྐྱང་བ་དང་། སྦྱར་མ་དང་། ཆོས་གོས་དག་དང་། ལྷུང་བཟེད་དག་བཟུང་བ་དང་། འགྲོ་བ་དང་། འགྲེང་བ་དང་། འདུག་པ་དང་། ཉལ་བ་དང་། མི་ཉལ་བ་དང་། སྨྲ་བ་དང་། ཅང་མི་ཟེར་བ་དང་། གཉིད་ཀྱིས་རྨྱ་བ་དང་། མྱ་ངན་བསལ་བར་བྱེད་པ་དག་ཤེས་ཤིང་
D6.011.0210b03.01གནས་པར་འགྱུར་རོ། །དེས་འཕགས་པའི་ཚུལ་ཁྲིམས་ཀྱི་ཕུང་པོ་དང་ལྡན་པ་དང་། དབང་པོ་དབེན་པ་དང་། དེས་རབ་ཏུ་དྲན་པ་དང་། ཡང་དག་པར་རབ་ཏུ་ཤེས་པ་དང་ལྡན་པས་ནང་གི་ཁ་ན་མ་ཐོ་བ་མེད་པ་བདེ་བ་ཡང་དག་པར་ཚོར་ཏེ། དེ་ནས་དབེན་པར་གནས་ཏེ། དགོན་པ་དང་། ཤིང་དྲུང་
D6.011.0210b04.01དང་། ཁྱིམ་སྟོང་པ་དང་། དབེན་པར་གྱུར་པའམ། ཤིང་དྲུང་དུ་གྱུར་པའམ། ཁྱིམ་སྟོང་པར་གྱུར་པ་དག་ཏུ་འདུག་སྟེ། སྐྱིལ་མོ་ཀྲུང་བཅས་ནས། ལུས་དྲང་པོར་བསྲང་སྟེ། དྲན་པ་མངོན་དུ་བཞག་ནས་དེས་འཇིག་རྟེན་གྱི་ཆགས་པ་སྤངས་ཏེ། ཆགས་པ་དང་བྲལ་བའི་སེམས་མང་པོར་སྤྱོད་ཅིང་
D6.011.0210b05.01ཆགས་སེམས་ཡོངས་སུ་སྦྱོང་ངོ་། །གནོད་སེམས་དང་། རྨུགས་པ་དང་། གཉིད་དང་། དྲེགས་པ་དང་། འགྱོད་པ་དང་། ཐེ་ཚོམ་འཇིག་རྟེན་དུ་སྤངས་པས་རེ་བ་དང་བྲལ། ཐེ་ཚོམ་ལས་བྲལ་བ་ཡིན་ནོ། །དེ་དགེ་བའི་ཆོས་འདི་ལྟ་བུའམ། ཇི་ལྟ་བུ་ཞེས་བྱ་བའི་ཐེ་ཚོམ་གྱི་སེམས་ཡོངས་སུ་
D6.011.0210b06.01སྦྱོང་ངོ་། །འདི་ལྟ་སྟེ་མ་སྡུག་སྐྱེས་བུ་ཞིག་གིས་སྐྱིན་པོ་བླངས་ཏེ། དེས་དེ་ལས་སུ་བྱ་བ་ལ་སྦྱར་ན་དེས་ལས་དེ་ཡང་འབྱོར་ནས་དེས་དེ་སྐྱིན་པོ་དེ་བསབས་ལ་བུད་མེད་དག་གསོ་བ་ཙམ་གྱི་རང་གི་ནོར་ཀྱང་ཡོད་ནས་དེ་འདི་སྙམ་དུ་སེམས་པར་གྱུར་ཏོ། །བདག་གིས་སྐྱིན་པོ་བླངས་ཏེ་ལས་ལ་སྦྱར་
D6.011.0210b07.01