'dul ba phran tshegs kyi gzhi/
当前为德格木刻版 275b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 275b
- 可引用原文
- 7 行
- 全文规模
- 全经 8970 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 11 函 · 德格 275b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文གི་སྒོ་ན་སླར་འོང་བ་ལྟ་ཞིང་འདུག་གོ། །ཇི་ཙམ་ན་དགེ་སློང་རྣམས་སླར་འོང་བ་དང་། དེ་ནས་བསྲོ་གང་དུ་སྟན་བཏིང་ངོ་། །དགེ་སློང་དེ་དག་གིས་རང་རང་གི་ཆོས་གོས་གཞན་ལ་བྱིན་ནས་གང་ཆར་གྱིས་གཤེར་བ་དེ་དག་གཟར་ཐག་ལ་གཟར་ཏོ། །དེ་ནས་དགེ་སློང་དེ་དག་བསྲོ་གང་དུ་ཞུགས་ཏེ་མེ་ལ་བསྐོར་ནས་མེ་འདེ་ཞིང་འདུག་པ་དང་། ཇི་ཙམ་ན་གྲང་བ་མེད་པར་གྱུར་ཏེ། དེ་དག་མེའི་འོད་ཚ་ནས་རྒྱབ་ཀྱིས་ཕྱོགས་ཏེ་འདུག་གོ། །དེ་ནས་དགེ་སྐོས་དེ་དད་པ་སྐྱེས་ནས་དགེ་སློང་དེ་རྣམས་ཀྱི་རྐང་པ་ལ་ཕྱག་འཚལ་ཏེ་སྨོན་ལམ་བྱ་བར་བརྩམས་པ་གང་བདག་གིས་ཚངས་པར་སྤྱོད་པ་འདི་
དག་གྲང་བས་ཉེན་པའི་སྐྱབས་བྱས་པའི་དགེ་བའི་རྩ་བ་འདིས་གང་སུ་དག་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ཞེས་བྱ་བ་ལ་བྲམ་ཟེའི་ཁྱེའུ་སྐྱེ་དགུའི་ཚེ་ལོ་བརྒྱ་ཐུབ་པའི་ཚེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་ཐོབ་པ་དེའི་བསྟན་པ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་རབ་ཏུ་སྤངས་ཏེ་དགྲ་བཅོམ་པ་མངོན་སུམ་དུ་བྱས་ནས། ཇི་ལྟར་དེ་དག་གིས་མེའི་འོད་མི་བཟོད་པ་དེ་བཞིན་དུ་བདག་གི་གཟི་བརྗིད་ལ་ལྷ་རྣམས་ཀྱིས་ཀྱང་མི་བཟོད་པར་གྱུར་ཅིག་ཅེས་དེ་སྐད་
སྨོན་ལམ་བཏབ་པའི་དབང་གིས་འདི་ངའི་བསྟན་པ་ལ་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་མངོན་དུ་བྱས་ཏེ་དབང་ཆེ་བར་གྲགས་པས་ལྷ་རྣམས་ཀྱིས་ཀྱང་གཟི་བརྗིད་ཟིལ་གྱིས་གནོན་མི་ནུས་སོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འདས་པའི་འོག་ཏུ་བཅོམ་ལྡན་འདས་ཀྱི་སྐུ་གདུང་ལ་བདག་ཅག་གིས་མཆོད་པ་ཇི་སྙེད་ཅིག་བརྩོན་པར་བགྱི་ལགས། ཀུན་དགའ་བོ་ཁྱོད་སྙིང་ལས་ཆུང་ངུར་གྱིས་ཤིག །འདི་ནི་བྲམ་ཟེ་དང་། ཁྱིམ་བདག་དད་པ་ཅན་དག་སྒྲུབ་པར་འགྱུར་རོ། །བཙུན་པ་བྲམ་ཟེ་
དང་། ཁྱིམ་བདག་དད་པ་ཅན་དག་གིས་འདི་ལ་ཇི་ལྟར་སྒྲུབ་པར་བགྱིད་ལགས། ཀུན་དགའ་བོ་འདི་ལྟ་སྟེ། འཁོར་ལོས་སྒྱུར་བའི་རྒྱལ་པོ་ལ་བྱ་བ་བཞིན་དུ་བྱེད་དོ། །བཙུན་པ་འཁོར་ལོས་སྒྱུར་བའི་རྒྱལ་པོ་ལ་ཇི་ལྟར་བགྱིད་ལགས། ཀུན་དགའ་བོ་འཁོར་ལོས་སྒྱུར་བའི་རྒྱལ་པོ་ནི་ལུས་ཤིང་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D6
- 德格版页
- 275b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0006 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。