完整藏文原文 · 德格版页 当前仅加载第 11 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱར་གཡེང་དང་། ལུས་ཀྱིས་སྙོགས་པར་བྱེད། སྟན་གཅིག་ལ་འདུག་པར་བྱེད། སྣོད་གཅིག་ཏུ་ལོངས་སྤྱོད་པར་བྱེད། ཕོར་བུ་གཅིག་ཏུ་ཆང་རྣམ་པ་མང་པོ་འཐུང་བར་བྱེད། མེ་ཏོག་འཐོག་པར་བྱེད། འཐོག་ཏུ་འཇུག །ཕྲེང་བ་རྒྱུད་པར་བྱེད། རྒྱུད་དུ་འཇུག །མེ་ཏོག་རྒྱན་དག་འཆིང་ཞིང་འཆིང་དུ་
D6.011.0227b01.01འཇུག་པར་བྱེད། བྱེད་དུ་འཇུག །གླུ་ལེན་པར་བྱེད། རོལ་མོའི་ཆ་སྤྱད་འབུད་པར་བྱེད། འབུད་དུ་འཇུག །གར་མཁས་པ་དང་། གླུ་སྙན་པ་དང་། རོལ་མོ་ཆ་སྤྱད་འབུད་མཁས་པ་ལ་གླ་སྦྱིན་པར་བྱེད། གོས་རྣམས་བརྫེས་ནས་རྒྱུག་པར་བྱེད། མཆོང་བར་བྱེད། རྒལ་བར་བྱེད། རྐང་པ་
D6.011.0227b02.01གཅིག་བསྐུམས་ཏེ་སྐོར་བར་བྱེད། ལག་འགྲོས་ཀྱིས་ཀྱང་སྐོར་བར་བྱེད། ཉ་ཚར་གྱིས་ཀྱང་སྐོར་བར་བྱེད། ཆུ་བགགས་ཤིང་གཏོང་བར་བྱེད། ཆུ་ལ་སྦལ་བའི་སྐད་ཀྱང་འབྱིན། ཆུ་ལ་རྔའི་སྒྲ་ཡང་འབྱིན། གླང་པོ་ཆེའི་སྒྲ་སྐད་ཀྱང་འབྱིན། ཁྲུང་ཁྲུང་གི་སྐད་ཀྱང་འབྱིན། རྟའི་སྐད་
D6.011.0227b03.01ཀྱང་འབྱིན། ཁྱུ་མཆོག་འགྱིང་བའི་སྐད་ཀྱང་འབྱིན། ཁས་རྫ་རྔའི་སྒྲ་ཡང་འབྱིན། ཁས་དུང་དང་། ཁས་རྔ་དང་། རྨ་བྱའི་སྐད་ཀྱང་འབྱིན། ཁུ་བྱུག་གི་སྐད་ཀྱང་འབྱིན། གླང་པོ་ཆེའི་འཐབ་མོ་ཡང་བྱེད། རྟའི་འཐབ་མོ་དང་། ཁྱུ་མཆོག་གི་འཐབ་མོ་དང་། མ་ཧེའི་འཐབ་མོ་དང་།
D6.011.0227b04.01རའི་འཐབ་མོ་དང་། ལུག་ཐུག་གི་འཐབ་མོ་དང་། བུད་མེད་ཀྱི་འཐབ་མོ་དང་། སྐྱེས་པའི་འཐབ་མོ་དང་། གཞོན་ནུ་མའི་འཐབ་མོ་དང་། བྱ་གག་གི་འཐབ་མོ་དང་། སྲེག་པའི་འཐབ་མོ་དང་། འུར་པའི་འཐབ་མོ་དང་། བྱ་གག་དང་། སྲེག་པ་དང་། འུར་པ་དག་གི་འཐབ་མོ་ཡང་
D6.011.0227b05.01བྱེད་དུ་འཇུག་ཅིང་། གཞན་ཡང་དགེ་སྦྱོང་གི་ལས་མ་ཡིན་པ་བྱེད་དེ། དེ་དག་གི་ཚུལ་དང་། སྤྱོད་པ་དང་། ལོག་པར་སྒྲུབ་པ་དེས་རི་ནག་པོ་ལ་དགེ་སློང་མ་འོངས་པ་རྣམས་ནི་མི་འོང་ཞིང་། འོངས་པ་རྣམས་ཀྱང་མི་སྡོད་པས་རི་ནག་པོའི་གནས་འདོར་བར་བྱེད་དོ། །རི་ནག་པོ་ན་གནས་
D6.011.0227b06.01པའི་བྲམ་ཟེ་དང་ཁྱིམ་བདག་རྣམས་འདི་ལྟར་དགེ་སློང་འདི་དག་ནི་དགེ་སྦྱོང་གི་ལས་མ་ཡིན་པ་བྱེད་དོ་ཞེས་ཁ་ཟེར་བར་བྱེད། འཕྱ་བར་བྱེད། ཕྱར་ཀ་གཏོར་བར་བྱེད་དོ་ཞེས་སྐབས་དེ་དགེ་སློང་རྣམས་ཀྱིས་ཐོས་ནས། བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་
D6.011.0227b07.01