完整藏文原文 · 德格版页 当前仅加载第 11 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། རྒྱུ་དེས་སྡུག་བསྔལ་ཡང་དག་པར་ཟད་པར་བྱེད་ཅིང་། སྡུག་བསྔལ་མཐར་འབྱིན་པར་བྱེད་པའི་ལྟ་བ་དེ་ལྟ་བུ་དེ་ལ་ཚངས་པ་མཚུངས་པར་སྤྱོད་པ་མཁས་པ་རྣམས་དང་ལྷན་ཅིག་ཐུན་མོང་དུ་བྱས་ཏེ་ལྟ་ཞིང་གཅིག་ཏུ་བྱེད་ལ་ཀུན་དུ་སྤྱོད་པ་ཞེས་བྱ་
D6.011.0234a01.01བའི་བར་སྔ་མ་བཞིན་ཏེ། འདི་ནི་ཀུན་དུ་དགའ་བར་བྱེད་པའི་ཆོས་ཡིན་ནོ། །དགེ་སློང་དག་ཇི་སྲིད་དུ་ཀུན་དུ་དགའ་བར་བྱེད་པའི་ཆོས་འདི་དྲུག་ཡང་དག་པར་བླངས་ནས་ཀུན་དུ་སྤྱོད། དགེ་སློང་དག་ཀུན་དུ་དགའ་བར་བྱེད་པའི་ཆོས་འདི་ཀུན་དུ་སྣང་ན་དགེ་སློང་དག་དགེ་བའི་
D6.011.0234a02.01ཆོས་རྣམས་ཉམས་པར་མི་འགྱུར་ཞིང་། རྒྱས་པར་འགྱུར་བར་ཤེས་པར་བྱའོ།། །།བར་སྡོམ་ནི། སྟོན་པ་དང་ནི་འདུལ་བ་དང་། །ལས་དང་དད་དང་ཆོས་ཉིད་དང་། །བྱང་ཆུབ་ཡན་ལག་ཀུན་དུ་དགའ། །དབྱར་བྱེད་པ་དང་ཡང་དག་བཤད། །དེ་ནས་
D6.011.0234a03.01བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དམར་བུ་ཅན་གྱི་གྲོང་གང་ན་བར་འདོང་ངོ་། །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་ཉན་ནོ། །དེ་ནས་བཅོམ་ལྡན་འདས་
D6.011.0234a04.01དགེ་སློང་གི་དགེ་འདུན་དང་ཐབས་ཅིག་ཏུ་ཡུལ་མ་ག་དྷཱ་ནས་ལྗོངས་རྒྱུ་ཞིང་གཤེགས་པ་ན་དམར་བུ་ཅན་གྱི་གྲོང་དང་རྒྱལ་པོའི་ཁབ་ཀྱི་བར་གྱི་དབུས་ན་རྒྱལ་པོའི་གནས་འོད་མའི་དབྱུག་པ་ཅན་ན་མཚན་མོ་ཉེ་བར་རྟེན་ཅིང་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་
D6.011.0234a05.01སློང་རྣམས་པ་བཀའ་སྩལ་པ། དགེ་སློང་དག་ང་དང་ཁྱེད་ཅག་ཁོ་ནས་འཕགས་པའི་བདེན་པ་བཞི་པོ་དག་མི་ཤེས་ཤིང་མ་མཐོང་ལ་ཁོང་དུ་མ་ཆུད་ཅིང་སོ་སོར་མ་རྟོགས་པས་ལམ་རིང་པོ་འདིར་རྒྱུག་ཅིང་ཀུན་དུ་འཁོར་བར་གྱུར་ཏོ། །བདེན་པ་བཞི་པོ་དེ་དག་གང་
D6.011.0234a06.01ཞེ་ན། ང་དང་ཁྱེད་ཅག་ཁོ་ནས་སྡུག་བསྔལ་དང་། ཀུན་འབྱུང་བ་དང་། སྡུག་བསྔལ་འགོག་པ་དང་། སྡུག་བསྔལ་འགོག་པར་འགྲོ་བའི་ལམ་མི་ཤེས་ཤིང་མ་མཐོང་ལ་ཁོང་དུ་མ་ཆུད་ཅིང་སོ་སོར་མ་རྟོགས་པས་ལམ་རིང་པོ་འདིར་རྒྱུག་ཅིང་ཀུན་དུ་འཁོར་
D6.011.0234a07.01