完整藏文原文 · 德格版页 当前仅加载第 11 函德格 319b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་བཅོམ་ལྡན་འདས་ཡོངས་སུ་མྱ་ངན་ལས་འདས་སོ་ཞེས་སྨྲས་པ་ཤ་ནའི་གོས་ཅན་གྱིས་ཐོས་ནས་བརྒྱལ་ཏེ་ས་ལ་འགྱེལ་ཏོ། །ཇི་ཙམ་ན་ཆུས་གཏོར་ནས་བསླང་བ་དང་། དེས་སེམས་ཀྱི་འདུ་ཤེས་སླར་རྙེད་ནས་སྨྲས་པ། གནས་བརྟན་ཤཱ་རིའི་བུ་གང་ན། དེ་ཡོངས་སུ་མྱ་ངན་ལས་
D6.011.0319b01.01འདས་ཏེ། མཽད་གལ་གྱི་བུ་ཆེན་པོ་དང་། འོད་སྲུང་ཆེན་པོ་ཡང་དེ་བཞིན་ནོ། །དེ་ཤིན་ཏུ་མི་དགའ་བ་སྐྱེས་ནས་དད་པས་ལོ་ལྔའི་དུས་སྟོན་བྱས་ཏེ་མཇུག་ཏུ་ཕྱིན་པ་དང་། གནས་བརྟན་གྱིས་བུ་ཁྱོད་ཀྱིས་བཅོམ་ལྡན་འདས་ཀྱི་བསྟན་པ་ལ་ཟང་ཟིང་གིས་བསྡུ་བ་ནི་བྱས་ཟིན་ན། ད་ནི་
D6.011.0319b02.01ཆོས་ཀྱི་བསྡུ་བ་བྱོས་ཤིག་ཅེས་སྨྲས་པ་དང་། ཤ་ནའི་གོས་ཅན་གྱིས་གནས་བརྟན་ཅི་ཞིག་བཀའ་སྩལ། ཅི་ཙམ་ན་གནས་བརྟན་ཀུན་དགའ་བོས་བུ་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ཤིག་ཅེས་སྨྲས་པ་དང་། དེས་དེ་བཞིན་དུ་བགྱིའོ་ཞེས་སྨྲས་ནས། ཇི་ཙམ་ན་ཚེ་དང་
D6.011.0319b03.01ལྡན་པ་ཀུན་དགའ་བོས་རབ་ཏུ་ཕྱུང་སྟེ། གསོལ་བ་དང་བཞིའི་ལས་ཀྱིས་བསྙེན་པར་རྫོགས་པ་ཟིན་པར་བྱས་ནས་ཇི་སྲིད་འཚོའི་བར་དུ་ཤ་ནའི་གོས་གྱོན་ཞིང་འཆང་བ་ཡང་དག་པར་ལེན་དུ་བཅུག་གོ། །དེ་ཐོས་པ་འཛིན་པ་ཞིག་སྟེ། །ཇི་ཙམ་ན་བཅོམ་ལྡན་འདས་ལས་དགེ་སློང་སྡེ་
D6.011.0319b04.01གཉིས་དང་། ཚེ་དང་ལྡན་པ་ཀུན་དགའ་བོས་ཐོས་ཤིང་བཟུང་བ་ཐམས་ཅད་ཚེ་དང་ལྡན་པ་ཤ་ནའི་གོས་ཅན་གྱིས་ཀྱང་བཟུང་སྟེ། རིག་པ་གསུམ་དང་། སྡེ་སྣོད་གསུམ་རྒྱས་པར་བྱས་སོ། །ཇི་ཙམ་ན་གནས་བརྟན་ཀུན་དགའ་བོ་འོད་མའི་ཚལ་ན་འདུག་པ་དང་། དགེ་སློང་
D6.011.0319b05.01ཞིག་གིས་ཚིགས་སུ་བཅད་དེ་སྨྲས་པ། གང་ན་ལོ་བརྒྱར་འཚོ་བ་ནི། །ངེས་པར་ཆུ་ལ་བྱ་གར་བཞིན། །ཆུ་ལ་བྱ་གར་མཐོང་བ་ལྟར། །བདག་ཉིད་གཅིག་པུའི་འཚོ་བ་དགེ། །ཇི་ཙམ་ན་ཚེ་དང་ལྡན་པ་ཀུན་དགའ་བོས་དེ་སྐད་ཐོས་ནས། དེ་ག་ལ་བར་སོང་སྟེ་སྨྲས་པ། བུ་
D6.011.0319b06.01བཅོམ་ལྡན་འདས་ཀྱིས་ནི་དེ་སྐད་མ་གསུངས་མོད་ཀྱི། འོན་ཀྱང་གང་ན་ལོ་བརྒྱ་འཚོ་བ་ནི། །ངེས་པར་སྐྱེ་དང་འཇིག་པ་ཡིན། །གང་ཟག་གཉིས་ལ་སྟོན་པ་ཡིས། །ས་འདིར་རྟག་པར་བཤད་པ་ནི། །མ་དད་ཞེ་སྡང་བློ་ཅན་དང་། །དད་ལ་ཕྱིན་ཅི་ལོག་གྱུར་པའོ། །
D6.011.0319b07.01