完整藏文原文 · 德格版页 当前仅加载第 11 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟིར་བྱ། བླ་མར་བྱ། རི་མོར་བྱ། མཆོད་པར་བྱས་ནས། གྲོང་ཁྱེར་རྩྭ་ཅན་གྱི་ནུབ་ཕྱོགས་ཀྱི་སྒོ་ནས་དབུས་ཐོག་ཐག་ཞུགས་ལ་གྲོང་ཁྱེར་རྩྭ་ཅན་གྱི་ཤར་སྒོར་བྱུང་སྟེ། ཆུ་བོ་དབྱིག་ལྡན་རྒལ་
D6.011.0294b01.01ནས། གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་དྲུང་དུ་བཞུགས་སུ་གསོལ་ལ་ཞུགས་ལ་བཞེན་པར་བྱའོ་ཞེས་སེམས་སོ། །བཙུན་པ་ཀུན་དགའ་བོ་ཇི་ལྟར་ལྷ་རྣམས་ཀྱིས་བསམས་པ་དེ་བཞིན་དུ་བགྱིའོ། །དེ་ནས་གྱད་ཀྱི་ཆུང་མ་དང་། གྱད་ཀྱི་བུ་མོ་དག་གིས་ནི་བཅོམ་ལྡན་
D6.011.0294b02.01འདས་ལ་གོས་ཀྱི་བླ་རེ་བྲེས། གྱད་རྣམས་དང་། གྱད་གཞོན་ནུ་དག་གིས་ནི་བཅོམ་ལྡན་འདས་ཀྱི་ཁྱོགས་བཏེག་སྟེ། ཁྱོགས་བཏེག་མ་ཐག་ཏུ་བར་སྣང་ལ་གནས་པའི་ལྷ་དག་གིས་ལྷའི་མེ་ཏོག་ཨུཏྤ་ལ་དང་། པད་མ་དང་། པད་མ་དཀར་པོ་དང་། ཀུ་མུ་ད་དང་། ཨ་
D6.011.0294b03.01ག་རུའི་ཕྱེ་མ་དང་། ཏ་མ་ལའི་ཕྱེ་མ་དང་། ལྷའི་མེ་ཏོག་མན་དཱ་ར་བ་ལ་སོགས་པ་དག་གིས་ནི་གཏོར། ལྷའི་རོལ་མོའི་སྒྲ་དག་ནི་བླངས། གོས་མང་པོ་དག་ནི་བོར་རོ། །གཞན་ཡང་གྲོང་ཁྱེར་རྩྭ་ཅན་གྱི་གྱད་གཙོ་བོ་གཙོ་བོ་དག་གིས་གྲོང་ཁྱེར་རྩྭ་ཅན་གྱི་གྱད་རྣམས་ལ་
D6.011.0294b04.01འདི་སྐད་ཅེས་སྨྲས་སོ། །ཤེས་ལྡན་གནས་འཇོག་དག་བདག་ཅག་གི་མིའི་རོལ་མོའི་ཆ་སྤྱད་དག་བོར་ལ། བདག་ཅག་གིས་ལྷའི་དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟི་བྱ། བླ་མར་བྱ། རི་མོར་བྱ། མཆོད་པ་བྱས་ལ།
D6.011.0294b05.01གྲོང་ཁྱེར་རྩྭ་ཅན་གྱི་ནུབ་ཕྱོགས་ཀྱི་སྒོ་ནས་གྲོང་ཁྱེར་རྩྭ་ཅན་གྱི་ཤར་སྒོར་བྱུང་ལ། ཆུ་བོ་དབྱིག་ལྡན་རྒལ་ནས་གྱད་ཀྱིས་དབུ་རྒྱན་བཏགས་པའི་མཆོད་རྟེན་གྱི་དྲུང་དུ་བཞུགས་སུ་གསོལ་ལ་ཞུགས་ལ་བཞེན་པར་བྱའོ་ཞེས་སྨྲས་སོ།། །།འདུལ་བ་ཕྲན་ཚེགས་
D6.011.0294b06.01ཀྱི་གཞི། བམ་པོ་ལྔ་བཅུ་རྩ་དྲུག་པ། དེ་ནས་གྲོང་ཁྱེར་རྩྭ་ཅན་གྱི་གྱད་རྣམས་ཀྱིས་མིའི་རོལ་མོའི་ཆ་སྤྱད་དག་བོར་ཏེ། ལྷའི་དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་
D6.011.0294b07.01