完整藏文原文 · 德格版页 当前仅加载第 11 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་སྨྲས་པ། གནས་བརྟན་སྟོབས་བཅུ་འོད་སྲུང་ལ་ཕྱག་འཚལ་ན། དེ་གང་ན་བཞུགས་གསུངས་ཤིག །དེས་སྨྲས་པ། ཚེ་དང་ལྡན་པ་སྡེ་ཅན་གྱི་ཕུག་ན་འདུག་གིས་སོང་ཤིག །དེ་སྡེ་ཅན་གྱི་ཕུག་ཏུ་སོང་སྟེ་བགས་ཀྱིས་དལ་ནས་དལ་ནས་སྒོ་བརྡུངས་པ་དང་། ཚེ་དང་ལྡན་པ་སྟོབས་བཅུ་
D6.011.0225b01.01འོད་སྲུང་གིས་སྒོ་རྡུང་བ་སུ་ཡིན་ཞེས་སྨྲས་སོ། །དེས་སྨྲས་པ། བདག་ནི་གློ་བུར་དུ་མཆིས་པ་མིང་འདི་ཞེས་བགྱི་བ་ལགས་སོ། །དེས་ཀྱང་ཚེ་དང་ལྡན་པ་ནང་དུ་ཞུགས་ལ་ངལ་སོས་ཤིག་ཅེས་སྨྲས་པ་དང་། དེས་སྨྲས་པ། གནས་བརྟན་ད་ནི་ནམ་ཡང་ནངས་ཏེ་བསོད་སྙོམས་ལ་འཇུག་དགོས་ན་ཇི་
D6.011.0225b02.01ལྟར་ངལ་སོ་མཆིའོ། །བཅོམ་ལྡན་འདས་ཀྱིས་ནི་བདག་ཅག་གློ་བུར་དུ་ལྷགས་པ་ལམ་གྱིས་དུབ་པ་རྣམས་ལ་ཆད་པས་དགུམ་པའི་ལས་ཀྱི་དོན་དུ་རྒན་པ་བཞི་ལ་གློ་བུར་དུ་འོངས་པས་ཕྱག་བྱོས་ཤིག་ཅེས་གསུང་ངོ་ཞེས་དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་
D6.011.0225b03.01ལྡན་འདས་ཀྱིས་བཀའ་སྩལ་པ། དགེ་སློང་དག་ངས་ས་ལ་འདུག་གོ་ཅོག་གི་གནས་བརྟན་ལ་མ་གསུངས་མོད་ཀྱི། འོན་ཀྱང་གཙུག་ལག་ཁང་ན་གནས་པ་དེ་ཉིད་ཀྱི་གནས་བརྟན་ལ་ཕྱག་བྱའོ།། །།སྡོམ་ནི། སྟོན་ལ་ངག་ལྡན་གྱིས་ཞུས་ནས། །མཁན་པོའི་རྗེས་སུ་སྤྱད་པ་དང་། །རི་
D6.011.0225b04.01དགས་ལ་ནི་ལྔ་བརྒྱ་དང་། །ཐ་མར་གྱུར་པ་བདུན་བརྒྱའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་ངག་ལྡན་དགོངས་ཀ་ནང་དུ་ཡང་དག་འཇོག་ལས་ལངས་ནས་བཅོམ་ལྡན་འདས་ག་ལ་དེར་སོང་སྟེ་
D6.011.0225b05.01ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ངག་ལྡན་གྱིས་འདི་སྐད་ཅེས་གསོལ་ཏོ། །བཙུན་པ་དགེ་སློང་ལྷན་ཅིག་གནས་པ་དང་། ཉེ་གནས་རྣམས་
D6.011.0225b06.01ཀྱིས་མཁན་པོ་དང་། སློབ་དཔོན་ལ་ཇི་ལྟར་བསྒྲུབ་པར་བགྱི། ངག་ལྡན་དགེ་སློང་ལྷན་ཅིག་གནས་པ་དང་། ཉེ་གནས་རྣམས་ཀྱིས་ཀུན་དུ་སྤྱད་པའི་ཆོས་ངས་ཡང་དག་པར་བཅའ་བར་བྱའོ། །དགེ་སློང་ལྷན་ཅིག་གནས་པ་དང་། ཉེ་གནས་རྣམས་ཀྱིས་ནང་པར་སྔར་ལངས་ཏེ། མཁན་པོ་
D6.011.0225b07.01