完整藏文原文 · 德格版页 当前仅加载第 11 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་པར་གྱུར་ཏེ། རྫིང་དེ་དག་ཀྱང་རྣམ་པ་བཞི་པོ་གསེར་དང་། དངུལ་དང་། བཻ་ཌཱུརྱ་དང་། ཤེལ་གྱི་ཕ་གུས་བྱས་པར་གྱུར་ཏོ། །ཀུན་དགའ་བོ་རྫིང་བུ་བཟང་པོ་དེ་དག་གི་ཐེམ་སྐས་རྣམ་པ་བཞི་པོ་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུརྱ་
D6.011.0265b01.01ལས་བྱས་པ་དང་། ཤེལ་ལས་བྱས་པར་གྱུར་ཏོ། །རྫིང་བུ་དེ་དག་གི་ཁ་ཁྱེར་ཡང་རྣམ་པ་བཞི་པོ་གསེར་ལས་བྱས་པ་དང་། དངུལ་ལས་བྱས་པ་དང་། བཻ་ཌཱུརྱ་ལས་བྱས་པ་དང་། ཤེལ་ལས་བྱས་པའི་ཁ་ཁྱེར་གྱིས་ཀུན་དུ་བསྐོར་བར་གྱུར་ཏོ། །ཀུན་དགའ་བོ་
D6.011.0265b02.01གསེར་ལས་བྱས་པའི་ཁ་ཁྱེར་གྱི་གཟུངས་གཟེར་དང་། གདུང་བུ་དང་། རྟེན་མ་ནི་དངུལ་ལས་བྱས་པར་གྱུར་ཏོ། །དངུལ་ལས་བྱས་པའི་ནི་གསེར་ལས་བྱས་སོ། །བཻ་ཌཱུརྱ་ལས་བྱས་པའི་ནི་ཤེལ་ལས་བྱས་སོ། །ཤེལ་ལས་བྱས་པའི་ནི་གཟུངས་གཟེར་དང་།
D6.011.0265b03.01གདུང་བུ་དང་། རྟེན་མ་བཻ་ཌཱུརྱ་ལས་བྱས་པར་གྱུར་ཏོ། །ཀུན་དགའ་བོ་རྫིང་བཟང་པོ་དེ་དག་གི་ནང་ན་མེ་ཏོག་ཆུ་ལས་སྐྱེ་བ་རྣམ་པ་སྣ་ཚོགས་འདི་ལྟ་སྟེ། ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། དྲི་མཆོག་དང་། དྲི་ངད་འཇམ་དང་། དུས་ཚིགས་
D6.011.0265b04.01ཐམས་ཅད་པ་དང་། དུས་ཐམས་ཅད་པའི་མེ་ཏོག་གི་ཕྲེང་བའི་རྒྱུ་སྐྱེ་བོ་ཐམས་ཅད་ལ་དགག་པ་མེད་པ་བསྐྱེད་དོ། །ཀུན་དགའ་བོ་རྫིང་བཟང་པོ་དེ་དག་གི་འགྲམ་གཉིས་ན་མེ་ཏོག་སྐམ་ལ་སྐྱེ་བ་རྣམ་པ་སྣ་ཚོགས་འདི་ལྟ་སྟེ། ཨ་ཏི་མུག་ཏ་ཀ་དང་། ཙམ་པ་ཀ་དང་། སྐྱ་སྣར་དང་། པ་རི་ཤ་
D6.011.0265b05.01ཀ་དང་། མ་ལི་ཀ་དང་། ན་བ་མ་ལི་ཀ་དང་། ཡིད་དུ་འོང་བ་དང་། ཡུ་ཏི་ཀ་དང་། དྷ་ནུསྐ་རི་དང་། དུས་ཚིགས་ཐམས་ཅད་པ་དང་། དུས་ཐམས་ཅད་པའི་མེ་ཏོག་གི་ཕྲེང་བའི་རྒྱུ་སྐྱེ་བོ་ཐམས་ཅད་ལ་དགག་པ་མེད་པ་བསྐྱེད་པར་གྱུར་ཏོ། །ཀུན་དགའ་བོ་རྒྱལ་པོ་ལེགས་མཐོང་
D6.011.0265b06.01ཆེན་པོས་ཀྱང་ཏ་ལ་བཟང་པོ་དེ་དག་གི་བར་བར་དུ་ན་ཆུང་རྒྱན་ཐམས་ཅད་ཀྱིས་བརྒྱན་པ་བཞག་སྟེ། གང་དག་ཟས་འདོད་པ་ལ་ནི་ཟས་སྦྱིན་པར་བྱེད། སྐོམ་འདོད་པ་ལ་ནི་སྐོམ། གོས་འདོད་པ་ལ་ནི་གོས། ཕྲེང་བ་དང་། དྲི་དང་། བྱུག་པ་འདོད་པ་ལ་ནི་ཕྲེང་བ་དང་། དྲི་དང་།
D6.011.0265b07.01