完整藏文原文 · 德格版页 当前仅加载第 11 函德格 317b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དག་གིས་ཐ་མ་ཞེས་ཐོས་པས་ཡིད་མི་དགའ་བར་གྱུར་ཏེ་ཞེས་བསྐྱེད་ནས་ཅུང་ཟད་ཀྱང་མི་སྨྲ་བར་དེ་དག་གིས་དེ་ཕྱུང་བ་དང་། དེ་ནས་གནས་བརྟན་འོད་སྲུང་ཆེན་པོས་མཆེ་བ་དེ་ལག་པས་བཟུང་ནས་མིག་མི་འཛུམས་པར་བལྟས་ཏེ་སྤྱི་བོ་ལ་བཞག་ནས་མེ་ཏོག་མན་དཱ་ར་བ་དང་། ཀུ་ཤེ་ཤ་
D6.011.0317b01.01ཡ་དང་། ཙན་དན་སྦྲུལ་གྱི་སྙིང་པོའི་ཕྱེ་མས་རབ་ཏུ་གཏོར་ནས། བརྒྱ་བྱིན་ལ་སོགས་པ་ལྷ་བརྒྱ་སྟོང་མང་པོ་རྣམས་ལ་བག་ཡོད་པར་བྱོས་ཤིག་ཅེས་མདོར་བསྡུས་ཏེ་ཆོས་བཤད་པ་བྱས་ནས་རི་རབ་ཀྱི་སྟེང་ནས་མི་སྣང་བར་གྱུར་ཏེ་རྒྱལ་པོའི་ཁབ་ཏུ་ཕྱིན་པ་དང་། དེས་འདི་སྙམ་དུ་བདག་
D6.011.0317b02.01ཡོངས་སུ་མྱ་ངན་ལས་འདའ་བའི་དུས་ཀྱི་ཚེ་རྒྱལ་པོ་མ་སྐྱེས་དགྲ་ལ་སྦྲན་པར་བྱའོ་སྙམ་ནས་དེ་རྒྱལ་པོའི་ཕོ་བྲང་དུ་སོང་སྟེ། ཆབ་སྒོ་བའི་མི་ལ་འདི་སྐད་ཅེས་ཀྭའི་སྐྱེས་བུ་ཁྱོད་སོང་ལ། རྒྱལ་པོ་མ་སྐྱེས་དགྲ་ལ་འོད་སྲུང་ནི་སྒོ་ན་སྡོད་དེ་ལྷ་བལྟ་བར་འཚལ་གྱིས་མཁྱེན་པར་མཛོད་ཅིག་ཅེས་
D6.011.0317b03.01སྨྲས་སོ། །དེ་ནང་དུ་ཞུགས་པ་དང་ཇི་ཙམ་རྒྱལ་པོ་ཉལ་ཏེ་ཆབ་སྒོ་བས་སྨྲས་པ། འཕགས་པ་ལྷ་ནི་གཟིམས་སོ། །གནས་བརྟན་གྱིས་སྨྲས་པ། སོང་ལ་སློང་ཤིག །ཆབ་སྒོ་བས་སྨྲས་པ། འཕགས་པ་རྒྱལ་པོ་ནི་གཏུམ་པ་ཞིག་པས་ཆད་པས་གཅོད་དུ་མཆིའོ། །འོ་ན་
D6.011.0317b04.01ནམ་གཉིད་སད་པར་གྱུར་པ་དེའི་ཚེ་འོད་སྲུང་ནི་ཡོངས་སུ་མྱ་ངན་ལས་འདའ་བར་སྦྲོན་ཏོ་ཞེས་སྨྲོས་ཤིག །ཇི་ཙམ་ན་ཚེ་དང་ལྡན་པ་འོད་སྲུང་ཆེན་པོ་ལྷོ་ཕྱོགས་ཀྱི་རི་བོ་བྱ་གག་རྐང་གི་རི་ལ་འཛེགས་ཏེ། རི་གསུམ་གྱི་དབུས་སུ་རྩྭ་གདིང་བ་བྱས་ནས་བསམས་པ། མ་ལ་བདག་
D6.011.0317b05.01ལ་བཅོམ་ལྡན་འདས་ཀྱིས་ཕྱག་དར་ཁྲོད་པ་བྱིན་པ་འདི་ལུས་ལ་བགོས་ལ་བྱམས་པའི་གསུང་རབ་རྒྱས་ཀྱི་བར་དུ་བྱིན་གྱིས་བརླབས་ཏེ། གང་བཅོམ་ལྡན་འདས་ཀྱི་སློབ་མའི་ཚོགས་སེམས་ཅན་གྱི་མཆོག་དེ་དག་ཀུན་ཏུ་སྐྱོ་བར་བྱས་ལ། ཇི་ཙམ་ཏིང་ངེ་འཛིན་དེ་ལྟ་བུ་བསྐྱེད་
D6.011.0317b06.01དེ། བདག་གི་ལུས་འདི་རི་གསུམ་གྱིས་གཡོགས་པའི་ཁང་པའི་ནང་འདིར་འདུག་ལ་བྱམས་པའི་བསྟན་པ་རྒྱས་ཀྱི་བར་དུ་མ་ཉམས་པར་བྱས་ཏེ། གང་གི་ཚེ་རྒྱལ་པོ་མ་སྐྱེས་དགྲ་འོངས་ན་སྒོ་བྱེ་བར་གྱུར་ཏེ། གལ་ཏེ་དེས་བདག་གི་ལུས་མ་མཐོང་ན་ཁྲག་དྲོན་པོར་སྐྱུགས་ནས་
D6.011.0317b07.01