gsang ba rnal 'byor chen po'i rgyud rdo rje rtse mo/
当前为德格木刻版 271a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 271a
- 可引用原文
- 7 行
- 全文规模
- 全经 1847 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 2 函第 84 函 · 德格 271a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྡོ་རྗེ་གསང་བ་བརྟན་པ་ཆེ། །རིག་པ་མངོན་པར་འདོད་འགྱུར་བ། །རང་གི་ལག་གིས་ཡང་དག་བྲི། །རྒྱལ་མོ་ཆེན་མོ་བརྗོད་བྱས་ན། །དཀྱིལ་འཁོར་དུ་ནི་སྐད་ཅིག་འགྲུབ། །ཨོྃ་སརྦ་ཏ་ཐཱ་ག་ཏ་བི་ཤུདྡྷ་དྷ་རྨ་ཧོཿ། རང་གིས་དཀྱིལ་འཁོར་ཆེ་བྲིས་ནས། །རིག་པ་བརྗོད་པ་ལ་བརྩོན་བྱ། །བྱམས་པས་དགུག་པའི་སྦྱོར་བ་ཡིས། །འཁོར་བ་སྙིང་རྗེ་སྦྱད་པར་བྱ། །ཨོྃ་བི་ཤུདྡྷ་དྷེཥྚི་ཛཿ། རང་གིས་གསང་སྔགས་བྲིས་ནས་ནི། །བུ་མོའི་མཆུ་ལ་འོ་བྱས་ཏེ། །འཇིག་རྟེན་དབང་ཕྱུག་བཙུན་མོ་ཆེ། །ཤེས་རབ་ཕ་རོལ་ཕྱིན་ལྷ་མོ། །ཨོྃ་སྭ་བྷཱ་བ་བི་
ཤུདྡྷཿ། མུ་ཁེ་ཧཱུྃ། ཕ་རོལ་ཕྱིན་དྲུག་སྤྱོད་པ་ཡིས། །བྱང་ཆུབ་སྦྱོད་པ་རབ་རྙེད་དཀའ། །སངས་རྒྱས་རྣལ་འབྱོར་བརྟན་གྱུར་ན། །འགྲུབ་འགྱུར་འདི་ལ་ཐེ་ཚོམ་མེད། །དཀྱིལ་འཁོར་འདིར་ནི་འཇུག་བྱ་ཞིང་། །འདོད་པའི་ཡོན་ཏན་མཆོག་ལྔ་ཡིས། །རོལ་ཅིང་དགའ་བ་ཉིད་དུ་བྱ། །མདོ་སྡེ་གསང་དབང་ལས་བཤད་པ། །གསང་བ་ལྔ་ནི་རབ་སྒྲུབ་པ། །འདོད་པའི་ཡོན་ཏན་ལྔ་རུ་བཤད། །དེ་བཞིན་གཤེགས་པའི་རིགས་ལ་སོགས། །འདོད་པའི་ཡོན་ཏན་ལྔ་རུ་བརྗོད། །འདོད་པའི་སྦྱོར་བ་འདི་ཡིས་ནི། །སྐལ་བ་ཅན་
གྱིས་དངོས་གྲུབ་ཐོབ། །གསང་བ་དེ་ཉིད་ཆེན་པོ་སྟེ། །རིགས་ལྔ་དག་ནི་རབ་བསྒྲུབ་པ། །འདོད་ཆགས་ཆེན་པོ་རབ་བསྒྲུབ་ཕྱིར། །རོལ་ཅིང་རབ་ཏུ་དགའ་བར་བྱ། །བདེ་བ་ཆེན་པོ་གྲུབ་དོན་དུ། །སྤྱོད་པ་ཆེན་པོ་ཚུལ་ཆེན་པོ། །དེ་ཉིད་རྣལ་འབྱོར་ཀུན་བསྡུས་པ། །དེ་ནས་ཡང་དག་བཤད་པར་བྱ། །རྡོ་རྗེ་ཧཱུྃ་མཛད་རྣལ་འབྱོར་གྱིས། །རྣལ་འབྱོར་བྱ་བ་བསྒྲུབ་པར་བྱ། །ཇི་ལྟར་ཡི་གེ་ཧཱུྃ་ལས་བྱུང་། །གསང་བ་རྒྱལ་པོ་ཆེན་པོ་བྱེད། །རྡོ་རྗེ་ཧཱུྃ་མཛད་སྦྱོར་བ་ཡིས། །རྣལ་འབྱོར་བྱ་བ་བསྒྲུབ་པར་བྱ། །དེ་ལྟར་
མིན་ན་ཕྱག་རྒྱ་ཆེ། །དམ་ཚིག་ཞེས་བྱ་གཏན་མི་འགྲུབ། །ཕྱག་རྒྱ་ཆེན་པོ་མདོར་བསྡུས་ནས། །རྡོ་རྗེ་ཕྱག་རྒྱ་ཡོངས་སུ་གཟུང་། །དེ་ནས་གྲུབ་པའི་ཕྱག་རྒྱ་ཆེ། །གྲུབ་པའི་ཡི་གེ་ཡང་དག་གིས། །མྱུར་དུ་རབ་ཏུ་འགྲུབ་འགྱུར་བ། །རྨད་བྱུང་ཆེན་པོ་རབ་བཤད་བྱ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D480
- 德格版页
- 271a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0480 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。