完整藏文原文 · 德格版页 当前仅加载第 84 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད། །བསྐལ་པ་གྲངས་མེད་འདས་པ་ཡི། །བྱང་ཆུབ་སེམས་དང་མཚུངས་པར་འགྱུར། །གསང་བའི་དམ་ཚིག་ལ་ཞུགས་པ། །དེ་ཡི་དམ་ཚིག་ཤེས་པར་བརྗོད། །ཅི་ཡི་ཕྱིར་ན་དཀྱིལ་འཁོར་ཡིན། །དམ་པའི་ཆོས་ཀྱི་བཅུད་སྙིང་པོ། །འབྱུང་བས་དེ་ནི་དཀྱིལ་
D480.084.0156b01.01འཁོར་བརྗོད། །དཀྱིལ་འཁོར་ཆེན་པོ་གསང་བ་ཆེ། །ཆོས་ཆེན་ཤིན་ཏུ་བསྟན་པའོ། །དཀྱིལ་འཁོར་ཆོ་ག་ཇི་ལྟ་བུ། །ཆོ་ག་ཆོས་དང་རྣལ་འབྱོར་ཏེ། །གསང་བའི་ཐར་པ་ཡང་དག་འབྱུང་། །སྐྱེ་བ་འདི་ཉིད་ཁོ་ན་ལ། །རབ་དགའ་སྒྲུབ་པར་བྱེད་པའི་མཆོག །དཀྱིལ་འཁོར་
D480.084.0156b02.01དུ་ནི་ཞུགས་པ་ཡི། །སྐྱེས་པའམ་ཡང་ན་བུད་མེད་ཀྱིས། །བྱ་བ་གང་ཞིག་བྱ་བ་ནི། །གསུངས་ཤིག་གསང་བའི་དབང་ཕྱུག་ཆེ། །དཀོན་མཆོག་གསུམ་ལ་སྐྱབས་འགྲོ་དང་། །བྱང་ཆུབ་སེམས་ཆེན་བསྐྱེད་པ་དང་། །དེ་བཞིན་དུ་ནི་སྒྲུབ་པའི་མཆོག །ཤིན་ཏུ་བརྟན་
D480.084.0156b03.01པར་བྱ་བ་ཡིན། །ཐུབ་པའི་དཀྱིལ་འཁོར་ཞུགས་པ་ལ། །སྡོམ་པ་ཇི་ལྟར་སྦྱིན་པར་བྱ། །ཁྱོད་ཀྱིས་སྲོག་ཆགས་གསད་མི་བྱ། །མ་བྱིན་པ་ཡང་བླང་མི་བྱ། །འདོད་པས་ལོག་པར་གཡེམ་མི་བྱ། །{བརྫུན་,རྫུན་}དུ་ཡང་ནི་སྨྲ་མི་བྱ། །ཉེས་པ་ཀུན་གྱི་རྩ་བ་ཡི། །ཆང་དག་འཐུང་
D480.084.0156b04.01བ་སྤང་བར་བྱ། །བྱ་བ་མ་ཡིན་ཐམས་ཅད་དོར། །མཆོག་ཏུ་སེམས་ཅན་གདུལ་བར་བྱ། །དམ་པ་རྣམས་ལ་རིམ་གྲོ་དང་། །རྣལ་འབྱོར་པ་རྣམས་བསྙེན་བཀུར་བྱ། །རྣལ་འབྱོར་རིག་པ་བསྒྲུབ་པའི་ཕྱིར། །མཁས་པ་རྣམས་ལ་བསྟེན་པར་བྱ། །ལུས་ཀྱི་ལས་ནི་རྣམ་གསུམ་
D480.084.0156b05.01དང་། །ངག་གི་ཡང་ནི་རྣམ་པ་བཞི། །ཡིད་ཀྱི་རྣམ་པ་གསུམ་དག་ཀྱང་། །ཅི་ནུས་པར་ནི་བསྲུང་བར་བྱ། །སློབ་དཔོན་བརྙས་པར་མི་བྱ་སྟེ། །བླ་མ་སངས་རྒྱས་ཀུན་དང་མཚུངས། །སྔགས་དང་ཕྱག་རྒྱ་རྣམས་ལ་ཡང་། །ནམ་ཡང་བརྙས་པར་མི་བྱའོ། །འཁོར་ལོ་རྡོ་རྗེ་པདྨ་
D480.084.0156b06.01སོགས། །མཚན་མའི་ཕྱག་རྒྱ་གང་ཡིན་པ། །འགོམ་པ་ཉིད་དུ་མི་བྱ་ཞིང་། །བཟའ་བར་ཡང་ནི་མི་བྱའོ། །དེ་བཞིན་སྨན་མ་ལྷ་ཡི་གྲིབ། །རྐང་པ་དག་གིས་བརྫི་མི་བྱ། །དེ་ཡི་སྟེང་དུ་འདུག་མི་བྱ། །སླར་ཡང་གཞག་པར་མི་བྱའོ། །ལྷ་ཡི་ཕྱག་མཚན་བཟང་པོ་དང་། །
D480.084.0156b07.01