完整藏文原文 · 德格版页 当前仅加载第 84 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་ཆེན་པོ་བསྡུས་པ་ལས། །ཇི་སྐད་རྒྱ་ཆེན་གསུངས་དེ་བཞིན། །སེམས་ཅན་ཐམས་ཅད་བསྐྱབ་པ་དང་། །བདེ་བ་ཆེན་པོའི་རྒྱུ་དང་ནི། །འགྲོ་བ་གསུམ་ལས་དགྲོལ་བའི་ཕྱིར། །དེ་ལྟ་བུ་ཡི་བསམ་པ་བྱ། །འདིར་ནི་ལྷ་རྣམས་ཐམས་ཅད་
D480.084.0202a01.01ཀྱི། །བག་མེད་ཉེ་བར་ཞི་བ་དང་། །མི་རྣམས་སྡུག་བསྔལ་སྣ་ཚོགས་པ། །རབ་ཏུ་མཐར་ཕྱིན་དེ་བཞིན་ཉིད། །ཐེག་པ་དམན་པར་འདོད་བྱེད་པ། །འཁོར་པ་རྣམ་པར་གཞོལ་བའི་ཕྱིར། །རྡོ་རྗེ་རྣལ་འབྱོར་བདག་ཉིད་ཆེས། །འདི་དེ་བསམ་པར་བྱ་བ་ཡིན། །བདག་
D480.084.0202a02.01གི་བསོད་ནམས་སྟོབས་དག་གིས། །བདེ་བ་ཐམས་ཅད་ཚོགས་ཀྱི་མཆོག །སེམས་ཅན་ཐམས་ཅད་བདེ་ཆེན་ལྡན། །མ་ལུས་པར་ནི་གྲུབ་གྱུར་ཅིག །སེམས་ཅན་ཐམས་ཅད་བདེ་གྱུར་ཅིག །འབྱུང་པོ་ཀུན་ལ་བྱམས་པར་ཤོག །དུད་འགྲོ་ཐམས་ཅད་འཇིགས་
D480.084.0202a03.01མེད་ཤོག །ངན་སོང་ཐམས་ཅད་ཞི་གྱུར་ཅིག །བདེ་བ་ཆེན་པོ་འདི་བསམས་ནས། །སྡིག་པ་དྲལ་བ་བཅིང་བར་བྱ། །སྡིག་པ་ཐམས་ཅད་དྲལ་བྱས་ཤིང་། །དེ་བཞིན་ངན་སོང་ཐམས་ཅད་དོ། །ཕྱོགས་རྣམས་ཐམས་ཅད་སངས་རྒྱས་ཀུན། །ཡང་དང་ཡང་དུ་རྗེས་དྲན་ནས། །གསང་
D480.084.0202a04.01བའི་མདོ་སྡེ་མ་ལུས་པ། །ཡང་དང་ཡང་དུ་བཀླག་པར་བྱ། །མི་ལྡོག་བྱང་ཆུབ་སེམས་དཔའ་རུ། །གཅིག་ཏུ་འགྱུར་འདོད་སེམས་ཀྱིས་བྱ། །རྡོ་རྗེ་རྣལ་འབྱོར་བླ་ན་མེད། །རྣལ་འབྱོར་ཆེན་པོ་བསྒྲུབ་པར་བྱ། །ཟླ་བའམ་ཡང་ན་ཟླ་བ་དྲུག །ལོ་གཅིག་གམ་ནི་དེ་ལས་གཞན། །
D480.084.0202a05.01རིག་པའི་བརྟུལ་ཞུགས་འདི་འདྲར་བྱ། །ཕྱག་རྒྱ་ཐམས་ཅད་ཡང་དག་བཅིང་། །སངས་རྒྱས་རྣམས་ལ་ཉིན་རེ་བཞིན། །ངེས་པར་ལྷ་བཤོས་དབུལ་བར་བྱ། །ལྷ་བཤོས་སྣང་བ་སྟེར་བྱེད་པ། །དེ་བཞིན་རིག་པའི་ལྷ་བཤོས་ལ། །རྡོ་རྗེ་གནོད་སྦྱིན་ཁྲོ་བོ་ཆེ། །ཐམས་ཅད་
D480.084.0202a06.01དུ་ནི་རྗེས་དྲན་བྱ། །འཆིང་བའི་སྦྱོར་བའི་ཆོ་ག་ནི། །རྡོ་རྗེ་ཁུ་ཚུར་གྱིས་བརྟན་བྱ། །རྡོ་རྗེ་གོ་ཆའི་སྦྱོར་བ་ཡིས། །དཀྱིལ་འཁོར་ཀུན་དུ་བསྲུང་བར་བྱ། །དེ་ལྟ་བུ་ཡི་ཆོ་ག་ཡིས། །རྣལ་འབྱོར་བྱ་བ་བསྒྲུབ་པར་བྱ། །བསྲུང་བ་བྱས་ཤིང་བརྩོན་འགྲུས་བརྩམ། །སྟོབས་
D480.084.0202a07.01