完整藏文原文 · 德格版页 当前仅加载第 84 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་ནི། །བཏེག་ཅིང་ཀུན་ཏུ་ཕྱེ་ནས་ཀྱང་། །རྡོ་རྗེ་སྒོ་ནི་བཞི་པོ་དག །ཡིད་ཀྱིས་དབྱེ་བར་བྱ་བ་ཡིན། །དེ་ལ་སྙིང་པོ་ནི་འདི་ཡིན་ཏེ། ཨོྃ་བཛྲ་དྷ་ར་ཨུད་གྷ་ཊ་ཡ་པྲ་བེ་ཤ་ཡ་ས་མ་ཡ་ཧཱུྃ། དཀྱིལ་འཁོར་ཕྱི་རོལ་གནས་རྣམས་སུ། །ཕྱི་ཡི་རྡོ་རྗེ་རིགས་དག་
D480.084.0259a01.01བྲི། །ཁྱབ་འཇུག་ལ་སོགས་ལྷ་རྣམས་ནི། །ཁ་ཁྱེར་གྱི་ནི་ཕྱེད་ལ་གནས། །འཁོར་ལོ་དང་བཅས་རིགས་བཅས་ཏེ། །སེམས་ཅན་གདུག་པ་གདོན་ལ་སོགས། །རིམས་དང་འབྱུང་པོ་ཤ་ཟ་དང་། །མཁའ་འགྲོ་འབྱུང་པོ་མ་མོ་དང་། །ལྷ་མོ་མཚོན་ཆ་དང་ལྡན་ཀུན། །
D480.084.0259a02.01ཇི་ལྟར་མངོན་པར་འདོད་པ་བྲི། །ཕྱི་རོལ་ཁ་ཁྱེར་གནས་སུ་ནི། །རྡོ་རྗེ་ཁ་ཁྱེར་མཛེས་པ་རྣམས། །དེ་ནས་སྔོན་ལ་སློབ་དཔོན་ཆེས། །དཀྱིལ་འཁོར་དབུས་སུ་འདུག་ནས་ནི། །རྡོ་རྗེ་སྐྱིལ་མོ་ཀྲུང་བཅས་ཏེ། །ཏིང་ངེ་འཛིན་ལ་སྙོམས་འཇུག་བྱ། །ཇི་ལྟར་རྡོ་རྗེ་རིགས་བྱུང་བ། །དེ་
D480.084.0259a03.01བཞིན་བདག་ཉིད་རྣམ་པར་བསམ། །རྡོ་རྗེ་རིག་པ་མཆོག་རྒྱལ་པོ། །བདག་ཉིད་ཡང་དག་བྱིན་གྱིས་བརླབ། །རྡོ་རྗེ་ཁྲོ་བོ་རྒྱལ་པོ་མཆོག །ཅེས་བྱ་དེ་འདྲའི་ཏིང་འཛིན་ལ། །རྡོ་རྗེ་སེམས་དཔའི་ཏིང་འཛིན་གྱིས། །སྐལ་བ་ཆེན་པོ་སྙོམས་ཞུགས་ནས། །ཇི་སྐད་གོང་དུ་གྲགས་
D480.084.0259a04.01པ་བཞིན། །ཤེས་རབ་ཅན་གྱིས་ཐམས་ཅད་བསམ། །ཇི་ལྟར་རྡོ་རྗེ་རིགས་འབྱུང་བ། །ཇི་ལྟར་དཀྱིལ་འཁོར་རྫོགས་པར་ནི། །རྒྱ་ཆེན་གསང་བ་ཆེན་པོ་དང་། །རྡོ་རྗེ་སློབ་དཔོན་ཆོ་ག་མཆོག །རྒྱུད་ཆེན་གསང་བ་ཞེས་བྱ་བ། །རྟོག་པ་འདི་ལས་རབ་ཏུ་བཤད། །དེ་ནས་དབུས་
D480.084.0259a05.01སུ་འདུག་བྱས་ནས། །རྡོ་རྗེ་སློབ་དཔོན་དཀའ་ཐུབ་ཆེས། །ཁྲོ་བོའི་ཕྱག་རྒྱ་བཅིངས་ནས་ནི། །ཕྱག་རྒྱ་ཐམས་ཅད་ཡོངས་སུ་བཅིངས། །ཁྲོ་བོ་རྡོ་རྗེ་ལྕགས་ཀྱུ་བཅིངས། །སངས་རྒྱས་ཐམས་ཅད་སྤྱན་དྲང་བྱ། །མཚན་བརྒྱ་རྩ་བརྒྱད་དམ་པ་ནི། །ལན་ཅིག་ཏུ་ནི་བརྗོད་པར་
D480.084.0259a06.01བྱ། །རྡོ་རྗེ་མེ་ཏོག་སོགས་མཆོད་པས། །འདྲེན་པ་ཐམས་ཅད་མཆོད་པར་བྱ། །གསང་བའི་མཆོད་པ་གང་བྱ་བ། །ཕྱག་རྒྱ་ཐམས་ཅད་ཡོངས་སུ་བཅིང་། །ཕྱག་རྒྱ་ཉེ་བའི་ཕྱག་རྒྱ་ལྡན། །དེ་བཞིན་དུ་ནི་མཆོད་པ་ཉིད། །ཕྱག་རྒྱའི་ལན་ལ་སོགས་པ་ཀུན། །ཆོ་ག་རབ་ཏུ་ལྡན་པ་འབུལ། །
D480.084.0259a07.01