完整藏文原文 · 德格版页 当前仅加载第 84 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་བ་བཞི་ཡི་རང་བཞིན་ལུས། །འབྱུང་བ་རྣམས་ལས་ཇི་ལྟར་འབྱུང་། །དེ་ནས་ལུས་འདི་ཐམས་ཅད་ནི། །རྣལ་འབྱོར་སྤྱི་བོ་ནས་བརྩམས་ཏེ། །རྐང་པ་ཡི་ནི་མཐིལ་བར་དུ། །མི་གཙང་རྫས་ནི་འབྱུང་བར་འགྱུར། །ཟླ་བའི་རྡོ་རྗེ་དབུས་གནས་པར། །ཡང་ན་བདག་ཉིད་
D480.084.0187b01.01བསམ་པར་བྱ། །ཡང་ན་སྙིང་གའི་དབུས་སུ་ནི། །ཟླ་བའི་དཀྱིལ་འཁོར་བསྒོམ་པར་བྱ། །ཡང་ན་ཟླ་གཉིས་ཡང་དག་ལྡན། །དབུས་སུ་རྡོ་རྗེ་རྣམ་པར་བསྒོམ། །ཡང་ན་རྡོ་རྗེའི་དབུས་གནས་པ། །ལུས་ཀུན་བརྟན་པར་སྤྲོ་བར་བྱ། །ཡང་ན་རྡོ་རྗེ་བདག་ཉིད་སྐུ། །རྡོ་རྗེའི་དངོས་
D480.084.0187b02.01པོ་རྣམ་སྤངས་པའི། །ཡང་(ནམཁའ་,ནམ་མཁའ་)མཚུངས་ཆོས་ཤེས་པའི། །རྡོ་རྗེའི་རྣལ་འབྱོར་ཡང་དག་གཟུང་། །ལྕེ་ནི་རྐན་ལ་སྦྱར་བྱས་ཏེ། །སྣ་ཡི་རྩེ་མོར་བལྟ་བྱ་ཞིང་། །རྡོ་རྗེ་ཕྲ་མོ་བདེ་རེག་པས། །སེམས་ནི་མཉམ་པར་བཞག་པར་འགྱུར། །རྡོ་རྗེ་ཕྲ་མོའི་བདེ་རེག་ལ། །རྟག་ཏུ་མཚན་
D480.084.0187b03.01མའང་འབྱུང་བར་འགྱུར། །མཚན་མ་དེ་ནི་སྤྲོ་བྱས་ཏེ། །ཕྱོགས་ཀུན་དུ་ནི་ཡོངས་སུ་སྤྲོ། །སྥ་ར་ཎ་བཛྲ། ཅི་སྟེ་སེམས་ནི་སྤྲོ་བར་འདོད། །ཕྱོགས་རྣམས་ཀུན་དུ་ཡོངས་སུ་སྤྲོ། །སྣ་ཡི་རྩེ་མོར་ཕྱིན་བར་དུ། །སེམས་ནི་སླར་ཡང་བསྡུ་བར་བྱ། །སཾ་ཧ་ར་ཎ་བཛྲ། དེ་ནས་བརྩམས་ཏེ་
D480.084.0187b04.01མཉམ་བཞག་པས། །གང་ཞིག་ཅུང་ཟད་ཅི་བསྒོམ་པའི། །ཆོས་དང་གང་ཟག་བདག་མེད་ཅིང་། །གཟུང་དང་འཛིན་པ་སྤང་བའོ། །བཛྲ་བཛྲ་ཏིཥྛ་བཛྲ། སེམས་ཅན་གང་ལ་བྱམས་པ་ནི། །རྟག་ཏུ་བརྟན་པར་དམིགས་ནས་སུ། །སེམས་ནི་སྤྲོ་བའི་སྤྱོད་པ་ཡིས། །ཕྱོགས་རྣམས་
D480.084.0187b05.01ཀུན་དུ་ཡོངས་སུ་སྤྲོ། །མ་ཧཱ་བཛྲ་མཻ་ཏྲི་སྥར་ཎ། སྡུག་བསྔལ་ཀུན་ལ་ཡང་དག་གནས། །སེམས་ཅན་འདི་རྣམས་རབ་ཏུ་དཀའ། །སྙིང་རྗེ་ཆེན་པོའི་སྦྱོར་བ་ཡིས། །ཕྱོགས་རྣམས་ཀུན་དུ་ཡོངས་སུ་སྤྲོ། །མ་ཧཱ་ཀཱ་རུ་ཎི་སྥ་ར་ཎ། མྱ་ངན་འདས་ལ་བཏང་སྙོམས་གཞག །སེམས་
D480.084.0187b06.01ཅན་དོན་ནི་ཡང་དག་བརྩམ། །ཀྱེ་མ་སེམས་ཅན་འདི་འདུལ་དཀའ། །ཕྱོགས་རྣམས་ཀུན་དུ་ཡོངས་སུ་སྤྲོ། །མ་ཧཱ་ཨུ་པེ་ཀྵི་སྥར་ཎ། ཐམས་ཅད་རང་བཞིན་འོད་གསལ་བས། །གཟོད་ནས་དག་པའི་བདག་ཉིད་འགྱུར། །ཀུན་ནས་ཉོན་མོངས་མི་དམིགས་འགྱུར། །མྱ་ངན་འདས་པ་
D480.084.0187b07.01