完整藏文原文 · 德格版页 当前仅加载第 84 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
གྲུབ་འགྱུར། །ཤུདྡྷ། ཤུདྡྷ། རིན་ཆེན་རྡོ་རྗེའི་རང་བཞིན་ཀུན། །ནམ་མཁའི་དབྱིངས་སུ་ཀུན་བསམས་ནས། །རྗེས་སུ་དྲན་པ་བསྟན་པ་ཡིན། །མྱུར་དུ་རིན་ཆེན་འཛིན་མཚུངས་འགྱུར། །བཛྲ་བཛྲ། ཐམས་ཅད་སངས་རྒྱས་གཟུགས་རང་བཞིན། །
D480.084.0189a01.01ནམ་མཁའི་དབྱིངས་སུ་མོས་བྱས་ནས། །སངས་རྒྱས་ཀུན་གྱི་ཏིང་འཛིན་ནི། །སངས་རྒྱས་ཉིད་ཀྱི་ཆེད་དུ་འགྱུར། །བུདྡྷ་བུདྡྷ། མཆོག་གི་དངོས་གྲུབ་རྫོགས་སོ།། །།རང་ཉིད་རྡོ་རྗེ་ཁུ་ཚུར་ནི། །ཆགས་པའི་དགའ་བས་མིག་གདངས་པ། །དེ་ཡིས་གང་ལ་བལྟས་
D480.084.0189a02.01བ་ནི། །དེས་ཀྱང་རྡོ་རྗེ་ཅན་དུ་མཐོང་། །ཨོཾ་བཛྲ་དྲྀཥྚི་མཊ། གསལ་ཞིང་རབ་ཏུ་འབར་བའི་མིག །མིག་འབྲས་ཀུན་དུ་འདྲེན་བྱེད་པ། །འབར་བའི་ལྟ་བ་ཞེས་སུ་བརྗོད། །འགྲོ་བ་ཐམས་ཅད་འགུགས་བྱེད་པ། །དཱིཔྟ་དྲྀཥྚི་ཨཾ་ཀུ་ཤ་ཛཿ། ཁྲོ་གཉེར་བསྙེར་བ་རབ་འཇོམས་
D480.084.0189a03.01པ། །ཁྲོས་པས་མིག་ནི་རབ་ཏུ་གཡོ། །ཁྲོ་བོའི་ལྟ་བ་ལ་བརྟེན་ནས། །འཇིག་རྟེན་གསུམ་ཡང་གཞོམ་པར་བྱ། །ཀྲོདྷ་དྲྀཥྚི་ཧྲིཿ། རི་རབ་རི་བོ་མནྡཱ་ར། །བརྟན་ཞིང་མི་འཛུམས་པ་ཡི་མིག །བྱམས་པའི་ལྟ་བ་ཞེས་བཤད་དེ། །གདོན་དང་རིམས་དང་དུག་འཇོམས་པའོ། །
D480.084.0189a04.01དྲྀ་ཌྷ་ཏིཥྚ་ཏྲཾ། དེ་བཞིན་གཤེགས་པ་ཐམས་ཅད་ཀྱི་གསང་བ་དགུག་པ་དང་། དབང་དུ་བྱ་བ་དང་། ཆད་པ་གཅད་པ་དང་། ཡོངས་སུ་བསྐྱབ་པའི་ལས་རྫོགས་སོ།། །།བདེ་བ་གཞན་ནི་ཡོད་ཉིད་མིན། །རྡོ་རྗེ་སློབ་དཔོན་དཀའ་ཐུབ་ཆེས། །འོན་ཀྱང་དགུག་པ་བདེ་བ་སྟེ། །དེ་ནི་
D480.084.0189a05.01ཀུན་ལས་ཁྱད་པར་འཕགས། །དུས་འདིར་སྐལ་བ་ཆེན་པོ་ནི། །དཀྱིལ་འཁོར་ཆེན་པོ་བྱེད་པ་ལས། །དངོས་གྲུབ་མེད་ཀྱང་བདེ་བ་གང་། །བདེ་བ་ཀུན་ལས་ཁྱད་པར་འཕགས། །ལྷ་དང་མི་ཡི་འཇིག་རྟེན་པའི། །བདེ་བ་བསྡུས་པར་འགྱུར་བ་ཡིས། །རྡོ་རྗེ་སློབ་དཔོན་བདེ་བ་
D480.084.0189a06.01གང་། །བཅུ་དྲུག་ཆར་ཡང་མི་ཕོད་དོ། །ཡང་ན་གང་ཞིག་དངོས་གྲུབ་ཐོབ། །སངས་རྒྱས་ཉིད་དུ་རབ་ཤེས་བྱ། །རང་གིས་རྟོགས་པ་གང་ཡིན་པ། །གཞན་དག་གང་གིས་ཤེས་པར་འགྱུར། །སར་ཆུད་རྒྱལ་བའི་གནས་དང་ལྡན། །གསང་བའི་དངོས་གྲུབ་སྟེར་མཛད་པ། །བདེ་
D480.084.0189a07.01