完整藏文原文 · 德格版页 当前仅加载第 84 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་རྣམས་ཉིད་ཀྱང་མཐོང་མི་འགྱུར། །སངས་རྒྱས་འོད་ཀྱིས་ཡོངས་སུ་གསལ། །འོད་ཟེར་སྣ་ཚོགས་ཡིད་འཕྲོག་པ། །གང་གིས་ཞིང་ནི་ཡང་དག་སྦྱངས། །རྡོ་རྗེ་རིན་ཆེན་ཡིད་འོང་བ། །རྡོ་རྗེ་དབང་པོའི་གནས་ཉིད་ཀྱང་། །སླར་ཡང་སྣང་བར་
D480.084.0252a01.01མི་འགྱུར་རོ། །གཞན་དུ་གཞི་ནི་གཅིག་པའི་གནས། །གང་དུ་སངས་རྒྱས་རྣམ་འཕྲུལ་པ། །སྟོང་གསུམ་གྱི་ནི་འཇིག་རྟེན་འདི། །ལྷ་ཡི་པདྨ་ཡོངས་སུ་གསལ། །རིན་ཆེན་སྣ་བདུན་རབ་ཏུ་མཛེས། །དྲི་ཡི་ཚོགས་ནི་ཡིད་འོང་ལྡན། །བསྐལ་པ་ཆེན་པོའི་ཞིང་
D480.084.0252a02.01གི་དབུས། །དཀྱིལ་འཁོར་ཤིན་ཏུ་སྡུག་སྟེང་དུ། །དཔག་ཚད་སྟོང་ཕྲག་བརྒྱད་ཅུ་ཡི། །རྡོ་རྗེ་སེང་གེའི་ཁྲི་བྱུང་གྱུར། །ཀུན་ནས་ཕྱོགས་རྣམས་ཐམས་ཅད་དུ། །དཔག་ཚད་སྟོང་ཕྲག་དྲུག་ཅུ་ལྡན། །རྡོ་རྗེ་རིན་ཆེན་རང་བཞིན་མཛེས། །སེང་གེའི་ཁྲི་ནི་བཞི་བྱུང་གྱུར། །
D480.084.0252a03.01རྡོ་རྗེ་བླ་རེ་རྣམ་པར་བྲེས། །དར་གྱི་ཆུན་པོས་རྣམ་པར་འཕྱང་། །དྲིལ་བུའི་དྲ་བ་རྣམ་པར་འཕྱང་། །ཞིང་ནི་ཀུན་ནས་རབ་ཏུ་སྤྲས། །མེ་ཏོག་སྣ་ཚོགས་ཀུན་དུ་བཀྲམ། །སྣ་ཚོགས་སྤྲིན་གྱིས་རབ་ཏུ་གཡོགས། །སྣ་ཚོགས་དྲི་ཡིས་ཀུན་དུ་ཁྱབ། །དཔག་བསམ་ཤིང་གིས་
D480.084.0252a04.01ཉེ་བར་སྤྲས། །དཔག་བསམ་ཤིང་ནི་ཡིད་འོང་ལྡན། །རྡོ་རྗེའི་རོལ་མོ་མཛེས་པ་དག །སྒྲ་ནི་མངོན་པར་འབྱིན་པར་བྱེད། །འདི་ཉིད་དང་ནི་ལྷན་ཅིག་ཞིང་། །སྒྲིབ་པ་མེད་པའི་རང་བཞིན་དུ། །ཕྱོགས་རྣམས་ཀུན་དུ་སྣང་བར་གྱུར། །སླར་ཡང་འཇིགས་པར་འགྱུར་བ་
D480.084.0252a05.01མེད། །སྟོང་གསུམ་གྱི་ནི་འཇིག་རྟེན་འདི། །གང་གཱའི་བྱེ་སྙེད་གྲངས་མེད་པ། །ཤིན་ཏུ་ཕྲ་བའི་རྡུལ་སྙེད་ཀྱི། །སངས་རྒྱས་ཐམས་ཅད་ཡོངས་སུ་གསལ། །ཏིལ་གྱི་གང་བུ་གང་བ་བཞིན། །སངས་རྒྱས་ཐམས་ཅད་ཡོངས་སུ་གསལ། །ཕྱོགས་རྣམས་ཀུན་ནས་
D480.084.0252a06.01མ་ལུས་པར། །སངས་རྒྱས་ཐམས་ཅད་འདིར་གཤེགས་འགྱུར། །དབུས་ཀྱི་སེང་གེའི་གདན་དག་ལ། །ཆོས་དབྱིངས་འཇིགས་པ་མེད་པ་ལ། །རྣམ་པར་སྣང་མཛད་སྟོབས་ཆེན་པོ། །སྟོན་པ་བཅོམ་ལྡན་བཞུགས་པར་གྱུར། །ཤར་དུ་ཡང་ནི་མི་བསྐྱོད་པ། །ལྷོ་རུ་
D480.084.0252a07.01