完整藏文原文 · 德格版页 当前仅加载第 84 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་གསང་བའི་ཆོ་ག་རྫོགས་སོ།། །།གསང་བ་ཡི་ནི་དཀྱིལ་འཁོར་མཆོག །རྡོ་རྗེ་སློབ་དཔོན་ཆོ་ག་ནི། །ཇི་ལྟར་རིགས་ཤིང་འཚམ་པ་རུ། །དེ་ནས་ཡང་དག་བཤད་པར་བྱ། །མདོར་ན་རིག་པའི་བརྟུལ་ཞུགས་ནི། །གོང་དུ་དཀྱིལ་
D480.084.0229a01.01འཁོར་ལས་བཤད་བཞིན། །ཅི་ལྟར་སྤྲོ་ཞིང་ཅི་ནུས་པར། །སྔོན་དུ་མཁས་པས་བཤད་པར་བྱ། །རྡོ་རྗེ་སེམས་དཔའ་སྐལ་བ་ཆེ། །རྒྱལ་པོ་ཀུན་དུ་ཁྱབ་པའི་འོད། །ཐེ་ཚོམ་མེད་པར་སྟོང་ཕྲག་བརྒྱ། །རྟག་ཏུ་རྡོ་རྗེའི་ཚིག་བརྗོད་བྱ། །སེམས་དཔའི་རྡོ་རྗེ་གོམས་
D480.084.0229a02.01བྱ་སྟེ། །རྡོ་རྗེ་རྣལ་འབྱོར་གོམས་བྱས་ཏེ། །ཆོས་རྣམས་དག་པ་གོམས་པར་བྱ། །གོམས་པ་ཙམ་གྱིས་འགྲུབ་པར་འགྱུར། །ཉོན་མོངས་རབ་སྤོང་ཉོན་མོངས་བཟློག་པར་བྱ། །རྣལ་འབྱོར་གོམས་པ་ཡིས་ནི་རྣལ་འབྱོར་བསྒྲུབ། །བཟླས་པ་ཙམ་གྱིས་དགའ་ཆེན་
D480.084.0229a03.01འགྲུབ་འགྱུར་ཏེ། །རྣལ་འབྱོར་ཆོ་གས་བསྒྲུབ་པ་འགྲུབ་པར་འགྱུར། །ཡང་ན་བཟླས་པ་ཙམ་ཉིད་ནི། །བཟླས་པ་མཆོག་གིས་བཟླས་པ་བྱ། །རྣལ་འབྱོར་རིག་པ་བསྒྲུབ་པའི་ཕྱིར། །དངོས་གྲུབ་ཆོ་གས་བཟླས་པར་བྱ། །དེ་ནི་རྣལ་འབྱོར་ཆོ་ག་ཡིས། །སྐད་ཅིག་
D480.084.0229a04.01སངས་རྒྱས་ཉིད་ཐོབ་འགྱུར། །རྣལ་འབྱོར་ཆོ་ག་མེད་པར་ནི། །འགྲུབ་མིན་འདི་ལ་ཐེ་ཚོམ་མེད། །རིག་པ་འཛིན་པ་ཐམས་ཅད་ཀྱི། །གསང་བ་བཞི་ནི་ཡང་དག་བཤད། །གསང་བ་ཆེན་པོ་ཚད་མེད་པ། །བཞི་པོ་ཐམས་ཅད་བསྡུས་པ་ཡིན། །བཟླས་བརྗོད་
D480.084.0229a05.01སྦྱིན་སྲེག་ཆོ་ག་དང་། །ཕྱག་རྒྱ་བཅིང་བ་ལྷུར་ལེན་པ། །རིག་པའི་མཆོག་གི་ཆོ་ག་ནི། །གསང་བ་བསྡུས་པ་དང་པོ་ཡིན། །གསང་དང་སྐེམ་བྱེད་ཕུར་པས་བཏབ། །བརྡེག་པ་དང་ནི་མངོན་སྤྱོད་དང་། །བགེགས་བསྐྲད་པ་ཡི་འཁྲུལ་འཁོར་འདི། །གསང་བའི་
D480.084.0229a06.01བསྡུས་པ་གཉིས་པ་ཡིན། །གོ་ཆ་མི་འགྱུར་བཅིང་བ་དང་། །སྤྱོད་དང་དེ་བཞིན་རབ་བསྐྱོད་དང་། །བདག་ཉིད་མངོན་པར་བསྲུང་ཉིད་དང་། །བགེགས་རྣམས་བསལ་བར་བྱ་བ་དང་། །རྫས་འཕྲོག་པ་དང་གཞོམ་པ་དང་། །གདུག་པ་ཐམས་ཅད་མངོན་བསྲུང་
D480.084.0229a07.01