完整藏文原文 · 德格版页 当前仅加载第 84 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
སྩོལ་ཞེས་ནི་གསོལ་བ་བཏབ། །མགོན་ཆེན་སངས་རྒྱས་ཐམས་ཅད་ཀྱིས། །གསུང་གཅིག་གིས་ནི་བཀའ་སྩལ་པ། །སེམས་ཀྱི་སྤྱོད་ཡུལ་ཅི་འདྲ་ཞེས། །རང་གི་སེམས་ནི་སོ་སོར་རྟོག །སངས་རྒྱས་ཀུན་གྱི་གསུང་ཐོས་ནས། །རང་གི་སེམས་ལ་རྟོག་བཞིན་དུ། །ཡུན་
D480.084.0147a01.01རིང་དུ་ནི་གནས་པ་ན། སེམས་ཀྱི་རྣམ་པ་མ་མཐོང་སྟེ། །ཡན་ལག་ཀུན་གྱིས་རབ་བཏུད་ནས། །ཞུས་པ་བཅོམ་ལྡན་དེ་བཞིན་གཤེགས། །སེམས་ཀྱི་རྣམ་པ་མ་མཐོང་སྟེ། །སེམས་ཀྱི་མཚན་ཉིད་ཇི་ལྟ་བུ། །དེ་ནས་སངས་རྒྱས་ཀུན་གསུངས་པ། །སེམས་ཀྱི་སྤྱོད་ཡུལ་ཤེས་པར་
D480.084.0147a02.01དཀའ། །ཁྱོད་ལ་སྙིང་པོ་རབ་སྦྱིན་གྱིས། །ཕྲ་མོའི་བཟླས་པ་རབ་ཏུ་སྤྱོད། །ཨོཾ་ཙིཏྟ་པྲཏི་བེདྷཾ་ཀ་རོ་མི། སྙིང་པོ་དག་པ་བླངས་ནས་ནི། །རང་གི་སེམས་ལ་རྟོག་བཞིན་དུ། །ཐང་ཅིག་དེ་ལ་གནས་པ་ན། ཟླ་བའི་དཀྱིལ་འཁོར་བཞིན་དུ་མཐོང་། །དེ་ནས་སེམས་འདི་ཅི་ཞིག་ཡིན། །
D480.084.0147a03.01ཉོན་མོངས་ས་བོན་ཅན་ནམ་ཅི། །དགེ་བའམ་མི་དགེ་བ་ཡི་སེམས། །ཀུན་གཞི་ས་བོན་ཅན་སེམས་སམ། །ཆོས་ཀྱི་རྒྱུ་མཐུན་རྟོགས་གྱུར་ནས། །ཕ་རོལ་ཕྱིན་པ་དྲུག་བསྟེན་པ། །འདི་ནི་སེམས་ཅན་དག་པ་སྟེ། །ཀུན་ནས་ཉོན་མོངས་གནས་མ་ཡིན། །ཡུན་རིང་དུ་ནི་བསོད་ནམས་
D480.084.0147a04.01དང་། །ཡེ་ཤེས་ཚོགས་ཆེན་བས་གས་པ་སྟེ། །ཇི་ལྟར་ཟླ་བ་གང་བ་འདི། །དག་ཅིང་གསལ་ལ་རྙོག་མ་མེད། །དེ་བཞིན་ཚོགས་ནི་རྫོགས་པའི་ཕྱིར། །སེམས་ནི་ཟླ་བ་གང་དང་མཚུངས། །དངོས་པོ་ཡོད་དང་མེད་མིན་པ། །ཇི་ལྟར་ཟླ་བ་མཚུངས་ཉིད་ཡིན། །འོན་ཀྱང་བསོད་
D480.084.0147a05.01ནམས་ཡེ་ཤེས་ཆེ། །རྫོགས་པ་ཟླ་བ་དང་མཚུངས་བས་བསྟན། །ལེགས་བྱས་ཚོགས་ལྡན་རང་སེམས་ཀྱི། །ཟླ་བའི་དཀྱིལ་འཁོར་མཐོང་ནས་ནི། །དགའ་ཞིང་མགུ་བ་སྐྱེས་ནས་ཀྱང་། །སླར་ཡང་ཚིག་ཏུ་རབ་སྨྲས་པ། །བཅོམ་ལྡན་མགོན་པོ་བདག་གིས་ནི། །ཉོན་མོངས་དྲི་མ་ཀུན་
D480.084.0147a06.01དག་ཅིང་། །གཟུང་དང་འཛིན་པ་དང་བྲལ་བའི། །རང་སེམས་ཟླ་བའི་དཀྱིལ་འཁོར་མཐོང་། །སངས་རྒྱས་ཐམས་ཅད་ཀྱིས་གསུངས་པ། །ཐོག་མར་བྱུང་བའི་སེམས་འདི་བཟང་། །དང་པོར་བློ་བུར་ཉོན་མོངས་རྣམས། །བྱང་ཆུབ་སེམས་ཀྱིས་དག་པར་བྱེད། །དངོས་པོ་ཐམས་ཅད་རྣམ་
D480.084.0147a07.01