完整藏文原文 · 德格版页 当前仅加载第 84 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
ཆའི་སྦྱོར་བ་གང་ཡིན་དང་། །སྤྱོད་པ་དེ་བཞིན་མངོན་རྟོགས་ཏེ། །རྫོགས་པའི་སངས་རྒྱས་བྱང་ཆུབ་ཆེ། །རྒྱལ་པོ་བཞི་ནི་རྣམ་པར་བྱུང་། །བྱང་ཆུབ་སྙིང་པོ་མངོན་རྟོགས་དང་། །སངས་རྒྱས་ཀུན་གྱི་དབང་བསྐུར་དང་། །ཆོས་ཀྱི་འཁོར་ལོས་བརྟུལ་བ་དང་། །རྒྱལ་པོ་བཞི་ནི་
D480.084.0195b01.01རྣམ་པར་བྱུང་། །ཆོས་མཆོག་མངོན་པར་རྟོགས་པ་དང་། །ཏིང་ངེ་འཛིན་སྒོ་གཟུངས་དང་ནི། །སངས་རྒྱས་ཐམས་ཅད་ཐབས་ཆེན་པོ། །རྒྱལ་པོ་བཞི་ནི་རྣམ་པར་བྱུང་། །རྒྱལ་ཆེན་རྫོགས་པའི་བྱང་ཆུབ་དང་། །དེ་བཞིན་ཆོས་ནི་མངོན་རྟོགས་དང་། །ཆོས་མཆོག་བྱང་ཆུབ་ཆེན་
D480.084.0195b02.01པོ་དང་། །རྣམ་པ་བཞི་ནི་ཡོངས་སུ་བྱུང་། །མགོན་པོ་ཐུགས་ཀ་ནས་སྤྲོས་ནས། །རྒྱལ་པོ་བཞི་ནི་རྣམ་པར་བྱུང་། །ཕྱོགས་རྣམས་ཐམས་ཅད་ཀུན་ནས་ནི། །ས་ནི་ཐམས་ཅད་གཡོས་བྱས་ནས། །ཕྱོགས་རྣམས་ཐམས་ཅད་ཀུན་ནས་ནི། །འོད་ཀྱི་སྣང་བས་གསལ་བར་བྱས། །
D480.084.0195b03.01མགོན་ཆེན་སངས་རྒྱས་ཐམས་ཅད་ཀྱིས། །ཆེད་དུ་བརྗོད་པ་ཆེད་བརྗོད་དོ། །ཨེ་མའོ་གསང་བའི་ཆོས་ཆེན་པོ། །ཨེ་མའོ་ཡེ་ཤེས་བླ་ན་མེད། །ཨེ་མའོ་རོལ་པའི་འཁོར་ལོའོ། །ཨེ་མའོ་སངས་རྒྱས་རྨད་བྱུང་ཆེ། །ཨེ་མའོ་སངས་རྒྱས་ཐབས་ཆེན་པོ། །ཨེ་མའོ་ངོ་མཚར་
D480.084.0195b04.01ལྡན་པ་ཉིད། །མི་སྣང་རང་བཞིན་ཆོས་རྣམས་ནི། །འདི་ནི་སྣང་བ་བཅས་པར་དམིགས། །རྒྱལ་པོ་རྣལ་འབྱོར་ཆེ་དེ་རྣམས། །ཕྱོགས་རྣམས་ཀུན་དུ་གསལ་བྱེད་ཅིང་། །ཆོས་ཀྱི་སྐུ་ཡི་ཏིང་འཛིན་བརྙེས། །ནམ་མཁའ་དང་མཚུངས་རྨད་བྱུང་བ། །གང་ཞིག་ཤར་གྱི་ཕྱོགས་ཆ་རུ། །
D480.084.0195b05.01སངས་རྒྱས་གྲགས་པ་ཆེན་པོ་ཀུན། །རྡོ་རྗེ་སེམས་དཔའ་རྒྱལ་པོ་ཆེ། །ཆོས་ཀྱི་དབྱིངས་སུ་ཡང་དག་སྤྲོས། །ཆོས་ཀྱི་སྐུ་རུ་སྤྲོས་ནས་ནི། །ཆོས་ཀྱི་དབྱིངས་ནི་སྟུག་པོར་འགྱུར། །གང་ཕྱིར་ཤར་དུ་ཡང་དག་བྱུང་། །མི་བསྐྱོད་པ་ནི་བདག་ཉིད་བྱས། །ལྷོ་རུ་རྡོ་རྗེ་རིན་ཆེན་ཏེ། །ནུབ་
D480.084.0195b06.01ཏུ་རྡོ་རྗེ་ཆོས་ཡིན་ནོ། །བྱང་དུ་རྡོ་རྗེ་ལས་ཉིད་དེ། །ཆོས་ཀྱི་སྐུ་རུ་ལྡན་པར་འགྱུར། །མ་ལུས་མཆོག་ཏུ་བསྟན་པ་ཡི། །སངས་རྒྱས་ཐམས་ཅད་ཕྱོགས་བཞི་རུ། །མི་བསྐྱོད་རྡོ་རྗེ་རིན་ཆེན་དབང་། །དོན་ཡོད་གྲུབ་པ་བླ་ན་མེད། །རྒྱལ་པོ་བཞི་ནི་ཕྱོགས་བཞི་རུ། །རྡོ་རྗེའི་སྟེང་དུ་
D480.084.0195b07.01