完整藏文原文 · 德格版页 当前仅加载第 84 函德格 204a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཀྱང་ནི་སྤྲོ་བ་བསྐྱེད། །དེང་བདག་སྐྱེ་བ་འབྲས་བུར་བཅས། །བདག་གི་འཚོ་བའང་འབྲས་བུ་ཡོད། །སངས་རྒྱས་རྣམས་དང་དམ་ཚིག་གིས། །དེང་ནི་སྲིད་པར་མཉམ་པར་འགྱུར། །བྱང་ཆུབ་སེམས་དཔའ་རྩེ་གཅིག་པའི། །སེམས་ཀྱིས་ཕྱིར་མི་
D480.084.0204a01.01ལྡོག་པར་འགྱུར། །དེ་བཞིན་གཤེགས་པའི་རིགས་འབྱུང་བའི། །བདག་འགྱུར་བར་ནི་ཐེ་ཚོམ་མེད། །དེང་བདག་ཉི་མ་དམ་པ་སྟེ། །དེང་ནི་བདག་མཆོད་བླ་ན་མེད། །སངས་རྒྱས་ཐམས་ཅད་སྤྱན་འདྲེན་པས། །དེང་བདག་འདུས་པའི་མཆོག་ཡིན་ནོ། །དེ་ལྟར་དགའ་
D480.084.0204a02.01བ་དང་ལྡན་པས། །དེ་ནས་དབུས་སུ་འདུག་གྱུར་ནས། །སྤོས་ཀྱི་རེང་བུ་ལག་ཐོགས་པས། །སངས་རྒྱས་ཐམས་ཅད་སྤྱན་དྲང་བྱ། །སེམས་ནི་དགའ་ཞིང་མགུ་བ་ཡིས། །ཚིག་ནི་འདི་སྐད་བརྗོད་པར་བྱ། །ཡན་ལག་ཀུན་གྱིས་རབ་བཏུད་དེ། །སངས་རྒྱས་ཀུན་ལ་གསོལ་
D480.084.0204a03.01བ་གདབ། །མ་ལུས་ཕྱོགས་ན་བཞུགས་པ་ཡི། །སངས་རྒྱས་བདག་ལ་དགོངས་སུ་གསོལ། །རྡོ་རྗེ་བདག་མིང་འདི་ཞེས་བྱ། །བདག་ནི་དཀྱིལ་འཁོར་འབྲི་བར་འཚལ། །སངས་རྒྱས་ལ་སོགས་ཀུན་གཤེགས་ཏེ། །དངོས་གྲུབ་འདི་ནི་བདག་ལ་སྩོལ། །ཚིག་ནི་དེ་སྐད་བརྗོད་
D480.084.0204a04.01ནས་སུ། །སེམས་དཔའི་སྐྱིལ་ཀྲུང་བཅའ་བར་བྱ། །ཆོས་ཆེན་པོ་ལ་སྙོམས་ཞུགས་ནས། །བདག་ཉིད་ཏིང་འཛིན་དང་ལྡན་བྱ། །གལ་ཏེ་ནུས་ན་སྐལ་བ་ཆེས། །ཡང་ན་སེམས་ཀྱིས་བསྒྲུབ་པར་བྱ། །རྡོ་རྗེའི་དཀྱིལ་འཁོར་རྒྱལ་པོ་མཆོག །ཏིང་འཛིན་ཞེས་བྱ་ཅི་འདྲ་དང་། །
D480.084.0204a05.01རྡོ་རྗེའི་གཟུགས་དང་ལྡན་པ་ལ། །རྣལ་འབྱོར་པ་ཡིས་སྙོམས་འཇུག་བྱ། །ཡང་ན་རྣལ་འབྱོར་གང་རུང་ལ། །ནུས་ན་སྙོམས་པར་འཇུག་པར་བྱ། །སེམས་ནི་མཉམ་པར་གཞག་འགྱུར་བ། །{གོ་རིམས་,གོ་རིམ་}བཞིན་དུ་བཤད་པར་བྱ། །བཅོམ་ལྡན་སྔོན་ནི་ཅི་འདྲ་བའི། །བྱང་ཆུབ་སེམས་
D480.084.0204a06.01དཔའ་ཉིད་འགྱུར་བའི། །དེ་འདྲ་བར་ནི་བདག་རང་ཉིད། །རྣལ་འབྱོར་དོན་སེམས་བསམ་པར་བྱ། །དཀའ་ཐུབ་སྡོམ་པ་སྣ་ཚོགས་པ། །བདག་གིས་བྱ་བར་བསམ་པར་བྱ། །སངས་རྒྱས་འདུས་པ་ཆེན་པོ་ནི། །སྟོང་གསུམ་པ་ནི་བསམ་པར་བྱ། །སངས་རྒྱས་བསྐུལ་བ་བླ་ན་མེད། །
D480.084.0204a07.01